Ri Josue 5:6 - Quiché Bible

⁶ Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.

Ri Josue 5:6 ပူးပေါင်းရင်းမြစ်များ

Salmib 107:4

Quebinicatic e sachinak chupam ri chaki'j uwo sak ri nojinak che sanyeb, man cäquirik ta ri be ri cäbe ta pa jun tinimit ri quejeki' ta wi;

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Ezequiel 20:15

Xukuje' pa ri chaki'j uwo sak xinban ri chi'nic ri kas cäban na, xincha' chque chi man quebenwoquisaj taj pa ri ulew ri nu yo'm chque, ri sibalaj je'l na chquiwäch conojel, jawije' ri cabelel wi ri leche xukuje' ri u juyubal räx cab jacha' ri ja',

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Ri Joel 3:18

Pa ri k'ijol ri', ri u wa'l uva xukuje' ri leche quebelel na jacha' ta ne ja' pa tak ri juyub xukuje' paquiwi' tak ri juyub, are c'u ri alaj tak nima' re Juda telechi'm ri ja' caquic'am ulok. Chupam ri wachoch cäq'uiy wi na u bic jun bulbux ja' ri cäjan ri beya' re Sitim.

Ajilanic 14:23

man c'o ta jun chque querila' ta na u wäch ri ulew ri xinchi'j chque ri e qui mam. Man c'o ta jun chque ri man nim ta in quilom cäquil ta na u wäch.

Ajilanic 26:63

Are wa' ri xel wi ri cajilabal ri aj israelib ri xban rumal ri Moises xukuje' ri Eleazar ri cojol tabal tok'ob, pa tak ri lianic re Moab, chunakaj ri Jordan chuwäch ri Jerico.

U Camulixic ri Pixab 1:3

Pa ri nabe k'ij rech ri ujulajuj ic' pa ri junab cawinak; aretak ri Moises u ch'äcom chic ri Sehon ri cajawinel ri aj amoreyib ri jekel pa Hesbon, xukuje' ri Og ajawinel re Basan, ri jekel pa Astarot, pa ri ulew Edrey, ri Moises xuya' u bixic chque ri aj israelib conojel ri jastak ri u bim ri Ajawaxel chi quebanic.

U Camulixic ri Pixab 2:14

Kas c'u aretak xujel ulok pa Cades-barney c'ä pa ri k'ij ri xojoc'ow chupam ri nima' Zered, xoc'ow juwinak wajxaklajuj (38) junab, pa tak ri k'ij ri' e cäminak chi conojel ri achijab ajch'ojab ri e c'o pa ri kajebal, jacha' ri xubij ri Ajawaxel aretak xuban ri chinic ri kas cäban na.

U Camulixic ri Pixab 2:7

Ri Ajawaxel ri i Dios ix u tewichi'm pa ronojel ri i banom, cawinak junab c'ut c'olinak iwuc'. Ix u chajin pa ronojel ri i binem pa we nimalaj chaki'j uwo sak ri', man c'o ta c'u xajwataj chiwe.

U Camulixic ri Pixab 8:4

Pa ri cawinak junab ri' man xejar ta ri e iwatz'iak chiwij, mawi xesipoj ta ri iwakan.

Hebreos 3:11

Xinbij c'u pa ri chi'nic ri kas cäban na pa ri woyowal jas ri quinban na, xinbij: ‘Man queboc ta na pa ri wuxlanem.’ ”

Ri Josue 1:6

Chachajij anima' xukuje' co chattac'alok, at c'ut catjachow na ri ulew che we tinimit ri', are' c'u echbal wa' ri xinchi'j chque ri e a mam,

Ri Josue 24:7

Ri e are' xquitz'onoj tok'ob chwe, xincoj c'ut jun nimalaj k'ekumalil chquixo'l cuc' ri aj ejiptib, xinban c'ut chi xkaj ri plo paquiwi' ri aj ejiptib xebumuk c'ut. Ri ix ix k'alajisanelab che ri xinban pa Ejipt. Sibalaj c'u xixbeytaj na q'ui k'ijol pa ri chaki'j uwo sak,

Ri Josue 5:5

Pune' c'u conojel ri xebel ulok pa Ejipt, kopim chic u wi' ri qui tz'umal ri e achijab wi ri achijab, are' c'u ri c'äte xebalax pa ri be pa ri chaki'j uwo sak man banom ta wa' chque.

Ri Josue 5:7

Rumal ri', ri Josue xebukopij ri u wi' ri qui tz'umal ri e achijab wi ri e qui c'ojol tak we achijab ri', ri xebucoj ri Ajawaxel che qui q'uexwäch, ri man xekopix ta ri u wi' ri qui tz'umal ri achijab wi nabe che etal, rumal rech chi e c'o pa ri be.