Ri Josue 5:2 - Quiché Bible

² Chi' c'ut xubij ri Ajawaxel che ri Josue: “Chabana' jujun cuchilo re abaj, che etal chakopij jubik' ri qui tz'umal ri e achijab wi ri achijab aj israelib.”

Ri Josue 5:2 ပူးပေါင်းရင်းမြစ်များ

Elem 4:25

Xpe c'u ri Sepor xuc'am jun cuchilo, xukopij ri u tz'umal ri u wi' ri achi wi ri ral; xunakaxtaj c'ut ri u wi' ri u tz'umal ri achi wi ri ac'al chque ri rakan ri Moises, xubij che: “Kastzij at jun achajil chwe aj quiq'uel.”

Romanos 2:29

Xane' ri kas aj judey, are' ri' ri aj judey pa ranima'. Xukuje' ri kas etal re kopinic, are' ri' ri cojom pa ri ranima' ri winak, man xa' ta jastak tz'ibatalic, xane' ri c'o rumal ri Uxlabaxel. Are ri' cänimarisax u k'ij rumal ri Dios, man cumal ta ri winak.

Romanos 4:11

Ri retal re kopinic ri Abraham ri xcojic, ri xkopix che ri u wi' ri u tz'umal ri achi wi, are cäc'utuwic chi k'alajisam chic chi suc' chic rumal ri u cojonic. Xcojon c'ut aretak c'ä majok chcoj ri retal re kopinic. Jeri' ri Abraham xux qui mam conojel ri quecojonic, pune' man cojom ta ri etal re kopinic chque. Jeri' ri Dios xukuje' quebuk'alajisaj chi e suc'.

U Camulixic ri Pixab 10:16

Chicojo' retal ri c'ulwächinic pa ri iwanima', mitakej iwuxic tac.

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.

Colosenses 2:11

Ri ix man xic'amtaj ri etal re ri u kopixic ri u wi' ri u tz'umal ri ix achijab wi je jacha' ri cäquiban ri achijab aj judeyib. Ri ix man xixkopix taj cumal k'abaj, are c'u ri ix xic'am ri etal rumal ri Crist aretak ri are' xebukopij ri e itzel tak e i rayibal aj winak re mac;

Ri Josue 5:3

Ri Josue xebuban tak ri cuchilo, xebukopij c'ut ri u wi' ri qui tz'umal ri e achijab wi ri achijab aj israelib pa ri juyub re Aralot.