Ri Josue 4:13 - Quiché Bible

¹³ Xa col man e cawinak mil ri achijab ri e cuc'am tak qui ch'ojibal e suc'umatal che u banic ri ch'o'j xeboc'ow chuwäch ri Ajawaxel, xebe pa ri lianic chunakaj ri Jerico.

Ri Josue 4:13 ပူးပေါင်းရင်းမြစ်များ

Ucab Ajawinelab 25:5

E are' tak c'ut ri ajch'ojab aj caldeyib xquiterenej ri ajawinel Sedequiy pa rakan, xequik'i' c'ut pa ri lianic re Jerico. Conojel ri rajch'ojab xquiya' can u tuquiel xquijabuj c'u quib.

Elem 13:18

Rumal ri' xuban chque chi cäquicotij na ri qui be pa ri chaki'j uwo sak ri cäbe chusuq'uil ri Quiäk Plo. Aretak xebel ulok ri aj israelib pa Ejipt quek'atatic e jacha' ajch'ojab.

Ri Jeremiy 39:5

Xebokatax c'ut cumal ri ajch'ojab aj caldeyib, xequirika' c'ut ri Sedequiy pa ri lianic re Jerico. Xquichapo xquic'am c'u bic chuwäch ri ajawinel Nabucodonosor, ri c'o pa Ribla, pa ri rulew ri Hamat: Chila' c'u xuk'at wi tzij ri Nabucodonosor: xtakan c'u che u k'atic qui kul ri e u c'ojol ri Sedequiy chuwäch wa', xukuje' tak ri e aj Juda ri nimak qui k'ij.

Ri Jeremiy 52:8

E are' c'u ri ajch'ojab aj caldeyib xcokataj ri ajawinel Sedequiy, xecuin c'u che u rikic chupam ri lianic re Jerico. Xwonobax c'u can cumal conojel ri rajch'ojab xquijabuj c'u quib.

Ajilanic 32:17

C'äte c'u ri' kas uj cakawik na kib ruc' aninakil cuj nabej c'u chquiwäch ri niq'uiaj aj israelib chic, c'ä quekac'am na bic chupam ri culew. E are' tak c'ut, ri e kachalaxic quecanaj can chquipam ri tak tinimit, ri co quecanajic rech man c'o ta caquic'ulmaj pa qui k'ab ri winak ri e jekel chupam we ulew ri'.

Efesios 6:11

Chito' iwib ruc' conojel ri ch'ojibal ri cuya' ri Dios chiwe. Jeri' quixcuinic co quixtaq'ui' chuwäch ri itzel, ri cäraj quixusubu ruc' ri itzel tak u no'j.

U Camulixic ri Pixab 3:18

Pa we k'ijol ri' xinya' we takanic ri' chiwe: ‘Ri Ajawaxel ri i Dios cujach we ulew ri' che iwechbal. Conojel ba' ri queta'm quech'ojinic, chiquic'ama' ri qui ch'ojibal, chenabej chquiwäch ri aj israelib ri e i winakil.

Ri Josue 4:12

Xukuje' xek'ax ch'käp che ri nima' ri ajch'ojab aj ramak' ri Ruben ri Gad xukuje' ri e rech ri pa niq'uiaj ramak' ri Manases. E cuc'am tak ri qui ch'ojibal xeboc'owic, e benak c'u chquiwäch ri niq'uiaj aj israelib chic, je jas ri takanic ri u yo'm ri Moises chque.

Ri Josue 4:14

Pa ri k'ij ri' ri Ajawaxel xubano chi ronojel Israel chumayijij xukuje' chi nim chi rila' wi ri Josue, jacha' ri xuban che ri Moises pa ronojel ri u c'aslemal.

Ri Josue 5:10

Ri aj israelib xecanaj pa Jilgal, pa ri k'ij ri cajlajuj rajilabal ri ic', pa ri xk'ekal, xcoc'owisaj ri Oc'owem pa tak ri u lianic ri Jerico.

K'atal tak Tzij 20:1

Conojel ri aj israelib, cächapletaj ulok pa Dan c'ä pa Beerseb xukuje' pa Galaad, xquimulij quib pa Mizpa e jacha' xa jun winak chuwäch ri Ajawaxel.