Ri Josue 3:5 - Quiché Bible

⁵ Xubij c'u ri Josue chque “Chi josk'ila' iwib, rumal rech chi chwek quiwil na ri Ajawaxel quebuban tak mayibal.”

Ri Josue 3:5 ပူးပေါင်းရင်းမြစ်များ

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Salmib 77:15

Ruc' ri cuinem la xlok' chi na la ri tinimit la, ri e u c'ojol ri Jacob xukuje' ri e rech ri Jose.

Salmib 86:10

Xuwi c'u ri lal lal Dios; ¡nim banic la xukuje' queban la tak mayibal!

Ri Joel 2:16

chimulij ri u tinimit ri Dios, chi ch'ajch'ojirisaj c'ut; chebimulij ri ri'jab tak tatayib, ri alaj tak ac'alab xukuje' tak ne ri ac'alab ri c'ä quetunic. ¡Xukuje' ne ri c'äte' xec'ulic chebel ulok chupam ri qui warabal!

Aj Levitib 10:3

Xubij c'u ri Moises che ri Aaron: “Are wa' ri xraj ri Ajawaxel xubij: ‘Chque ri quenakajin chwe quinc'ut wi na ri nu tastajic, chquiwäch conojel ri aj israelib quinc'ut na ri nu juluwem.’ ” Man c'o ta c'u jas xubij ri Aaron.

Aj Levitib 20:7

Kas ba' chitasa' iwib chwe, chixux ba tastalic, rumal rech chi in ri' ri Ajawaxel ri i Dios.

Ajilanic 11:8

junam c'u u na'il ruc' ri caxlanwa ri cäya' aseit ruc'. Ri winak quebel bic che u molic, cäquiquiej c'ut o caquiwech' pa wech'ebal, caquiban che riquil o caquiban che caxlanwa.

Ri Xuan 17:19

Rumal quech ri e are' nu tasom wib chbil wib, rech xukuje' ri e are' quetastaj rumal ri kastzij.

Ri Josue 3:13

Aretak ri e cojol tabal tok'ob ri e uc'aninak ri u caxa ri Ajawaxel, ri Ajawaxel re ronojel ri uwächulew cäquinim ri cakan chupam ri ja', ri nima' cuk'at na rib pa quieb, ri ja' ri cäpe ajsic cutanaba' binem cuk'il na rib cux na jun nimalaj cho.”

Ri Josue 3:15

Xak xuwi c'u xeboc ri e cojol tabal tok'ob chupam ri nima' xech'aki' c'u ri cakan rumal ri ja' ri c'o chuchi' (pa ri k'ijol ri cayac ri u wächinic ri ulew ri Jordan capulinic) ri ja' ri petinak ajsic xutanaba' binem xuk'il rib xux jun nimalaj cho. Sibalaj naj xcanaj wi, pa Adam, ri tinimit ri c'o chunakaj ri Saretan.

Ri Josue 3:4

Jeri' quiwetamaj na jawije' ri quixbe wi na, man c'o ta c'u jun chiwe oc'owinak ta nabe pa we be ri'. Man quixkeb ta c'ut ruc' ri caxa', xane' amak'el chixcanaj chrij, chc'ol jun mil quieb sient (1200) bara' i xo'l ruc'.”

Ri Josue 3:6

Chque tak ri e cojol tabal tok'ob xubij chque: “Chic'ama' ri caxa ri c'o wi ri c'ulwächinic chixoc'ow c'u chupam ri nima' chquiwäch ri winak.” Ri e cojol tabal tok'ob xquic'am ri caxa ri c'o wi ri c'ulwächinic xenabej c'u chquiwäch ri winak.

Ri Josue 7:13

Chatwalijok chamulij ri tinimit. Chabij chque chi chquisuc'umaj quib rech quepe che u tac'abaxic quib chnuwäch chwek, rumal rech chi ri in, ri Ajawaxel xukuje' u Dios ri Israel, je quinbij wa': ‘At, Israel, a majim ri kas ya'tal u sachisaxic u wäch, we c'u man casachisaj ta u wäch xukuje' we man cawesaj ta bic awuc', man catcuin taj catch'äcan paquiwi' ri a c'ulel.’

Nabe Samuel 16:5

“Je wa',” xcha' ri Samuel. “Xinpe che u chi'xic jun tabal tok'ob che ri Ajawaxel, chich'ajch'ojirisaj iwib chiniwachilaj che u chi'xic ri tabal tok'ob.” Ri Samuel xuch'ajch'ojisaj ri Isayi xukuje' ri e u c'ojol, xerula'j c'u che u tijic ri tabal tok'ob.