Ri Josue 23:3 - Quiché Bible

³ Ix iwilom ronojel ri xuban ri Ajawaxel chque conojel tak we tinimit ri' ri co xquitac'aba' quib chuwäch, are' c'ut ri ch'ojinak che i q'uexwäch.

Ri Josue 23:3 ပူးပေါင်းရင်းမြစ်များ

Elem 14:14

Mixoc il, ri Ajawaxel are cäch'ojin na che i q'uexwäch.”

Elem 19:4

‘Ri ix xiwilo jas ri xinban chque ri aj ejiptib xukuje' ri xinban che i c'amic ulok wuc', je ta ne ri xixpe puwi' ri u xic' jun cot.

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Malaquiy 1:5

Ri ix quiwil na cuc' ri kas e i bak'wäch, quibij c'u na: “¡Chnimarisax u k'ij ri Ajawaxel c'ä je la chque ri e u c'ulbatil ri Israel!”

U Camulixic ri Pixab 1:30

Ri Ajawaxel ri i Dios are cänabej chiwäch, are cäch'ojin na che i q'uexwäch jas ri xiwilo ri xuban pa Ejipt,

U Camulixic ri Pixab 20:4

c'o c'u ri Ajawaxel ri i Dios iwuc'; are' cutij na u chuk'ab cuc' ri i c'ulel cuya' c'u na ri ch'äcanic chiwe.’

U Camulixic ri Pixab 4:9

Rumal ri' sibalaj chixoc il chi mebisach ri jastak pa i jolom ri iwilom, mawi chebel ta pa iwanima'; xane' chebik'alajisaj chquiwäch ri iwalc'ual xukuje' chquiwäch ri u wi' tak i mam.”

U Camulixic ri Pixab 7:17

Craj ne cuya' rib pa i jolom quibij: ‘We nimak tak tinimit ri' sibalaj quebuchuw na chkawäch uj; ¿jas ta ri cäkaban che quesaxic bic?’

U Camulixic ri Pixab 7:24

Ri e cajawinelab quebujach na pa i k'ab, ix c'ut quiban na chi man c'o ta chi jun cho ri uwächulew ri quenatan ta chic. Man c'o ta c'u jun chque cäcuinic cutac'aba' ta rib che u banic ch'o'j iwuc', quisach c'u na qui wäch conojel.

Ri Josue 10:14

Mawi nabe mawi c'äte c'ulmatajinak ta jun k'ij jacha' ri k'ij ri' chi ri Ajawaxel xuta' ri u ch'abal jun winak, are' c'u ri Ajawaxel xch'ojin che u q'uexwäch ri Israel.

Ri Josue 23:10

Xa jun chiwe cacuinic cubano chi quebanimaj jun mil winak chuwäch, rumal rech chi are' ri Ajawaxel ri u Dios cach'ojin che u q'uexwäch, jacha' ri xuchi'j u banic.