Ri Josue 22:9 - Quiché Bible

⁹ Jewa' ri qui tzelejic tak ri ramak' ri Ruben ri Gad xukuje' ri pa niq'uiaj che ri ramak' ri Manases xequitas quib chquij ri niq'uiaj aj israelib chic pa Sil, pa ri ulew re Canaan, rech quetzelej chupam tak ri e quechbal pa ri ulew re Galaad, ri e c'o wi tak ri culew je jas ri takanic ri u yo'm ri Ajawaxel rumal ri Moises.

Ri Josue 22:9 ပူးပေါင်းရင်းမြစ်များ

Ucab Samuel 2:9

chila' c'u xucoj wi che ajawinel puwi' ri Galaad puwi' ri Jezreel, puwi' ri Eprain puwi' ri Benjamin xukuje' puwi' ronojel ri Israel.

Nabe Tzijobelil 5:9

Pa ri elebal k'ij xopan c'ä chuchi' ri chaki'j uwo sak ri copan c'ä ruc' ri nima' Euprats, sibalaj c'u xepok'ataj ri rawaj pa ri ulew Galaad.

Salmib 60:7

Ri Galaad xukuje' ri Manases e wech; ri Eprain are to'bal nu jolom; ri Juda are nu ch'ämiy re takanic;

Ajilanic 32:1

Ri e amak', ri re ri Ruben xukuje' ri re ri Gad sibalaj e q'ui ri qui wacax e c'olic. Aretak xquilo chi ri e rulew ri Jazer xukuje' ri re Galaad sibalaj e utz che qui pok'isaxic wacax,

Ajilanic 32:20

Ri Moises xutzelej c'u u bixic chque: “We quebitz'akatisaj tak ri i tzij quebiwik c'u iwib che u banic ri ch'o'j chuxe' ri u takanic ri Ajawaxel,

Ajilanic 32:22

u ch'äcom ta c'u ri ulew, c'äte c'u ri' cuya' quixtzelejic, man c'o ta chi c'u i c'as cacanaj ta can ruc' ri Ajawaxel xukuje' ruc' ri Israel. Cacanaj c'ut we u ulew ri' che iwechbal je jas c'u u bim ri Ajawaxel.

Ajilanic 32:26

Ri e kixokil xukuje' ri ch'utik tak ka c'ojol, quecachilaj ri wacax xukuje' conojel tak ri kawaj, quecanaj na canok waral chquipam tak ri tinimit re Galaad,

Ajilanic 32:29

“We conojel ri achijab quech ri ramak' ri Gad xukuje' ri Ruben queboc'ow junam iwuc' chupam ri Jordan qui wikom tak quib che u banic ri ch'o'j chuxe' ri u takanic ri Ajawaxel cäquich'äc ta c'u na ri ulew, c'äte c'u ri' ri ix quijach na ri ulew re Galaad pa qui k'ab jacha' kas che culew.

U Camulixic ri Pixab 3:18

Pa we k'ijol ri' xinya' we takanic ri' chiwe: ‘Ri Ajawaxel ri i Dios cujach we ulew ri' che iwechbal. Conojel ba' ri queta'm quech'ojinic, chiquic'ama' ri qui ch'ojibal, chenabej chquiwäch ri aj israelib ri e i winakil.

U Camulixic ri Pixab 3:20

C'ä cuya' na ri Ajawaxel ri uxlanem chque ri e iwachalal, je jas ri u yo'm chiwe ix, chquechbej e are' xukuje' ri ulew ri cuya' ri Ajawaxel ri i Dios chque ch'käp che ri Jordan; c'ä chi' c'ut quixtzelej na ulok chi jujunal pa ri echbal ri nu yo'm chiwe.’

U Camulixic ri Pixab 34:1

Ri Moises u petic pa ri chaki'j uwo sak re Moab xpaki' puwi' ri juyub Neb, xopan c'ä puwi' ri Pisga, ri c'o apan chuwäch ri Jerico. Chila' c'o wi ri Moises aretak ri Ajawaxel xuc'ut apan ronojel ri ulew re Galaad chuwäch copan c'ä pa ri rulew ri Dan,

Ri Josue 13:11

Xuc'am xukuje' ri Galaad chque xukuje' ri culew ri jesureyib xukuje' ri quech ri maacatib, cutz'akatij c'u ri juyub Hermon xukuje' ronojel ri ulew re Basan copan c'ä pa Salca,

Ri Josue 13:25

Are' xeya' ri Jazer chque xukuje' conojel tak ri tinimit re Galaad, pa niq'uiaj che ri culew ri aj amonib c'ä ruc' ri tinimit re Aroer, ri c'o chuwäch ri Raba,

Ri Josue 13:31

pa niq'uiaj che ri Galaad, xukuje' tak ri u tinimit ri Astarot xukuje' ri Edrey. Ronojel wa' xuc'am che ri pa niq'uiaj chque ri e rija'lil ri Maquir u c'ojol ri Manases, jas ri cajilabal ri u k'ab rachalaxic.

Ri Josue 22:10

Aretak c'u xebopan ri aj Ruben xukuje' ri aj Gad xukuje' ri pa niq'uiaj che ri ramak' ri Manases chuchi' ri nima' Jordan, c'ä pa ri ulew aj Canaan, xquiwoc jun mayibalalaj porobal chuchi' ri nima'.

K'atal tak Tzij 20:1

Conojel ri aj israelib, cächapletaj ulok pa Dan c'ä pa Beerseb xukuje' pa Galaad, xquimulij quib pa Mizpa e jacha' xa jun winak chuwäch ri Ajawaxel.

K'atal tak Tzij 5:17

Ri aj Galaad xecanaj can ch'käp che ri nima' Jordan; ri Dan xcanaj can cuc' ri jucub, are c'u ri Aser xcanaj can pa ri tak'aj man xebuya' ta can tak ri oquibal chupam ri plo;