Ri Josue 21:1 - Quiché Bible

^1-2 Ri e c'amal tak qui be ri jujun tak ja winak aj levitib xebe pa Sil, pa ri ulew Canaan, rech quebetzijon na ruc' ri Eleazar, ri cojol tabal tok'ob, ruc' ri Josue xukuje' cuc' ri c'amal tak qui be ri jujun tak ja winak pa tak ri camak' ri aj israelib. Chila' xquibij wi chque: “Rumal ri Moises, ri Ajawaxel xuya' takanic chi cheyok tak tinimit chke jawije' ri cujjeki' wi, e cachil tak juyub re yuk'bal chque tak ri ka waj.”

Ri Josue 21:1 ပူးပေါင်းရင်းမြစ်များ

Chapletajic 49:7

¡C'okotajinak, je, chc'okotaj ri awajalaj royowal! ¡In quebenjabuj na chnimalaj conojel pa ronojel ri tinimit Israel!

Elem 6:14

E are tak wa' ri e c'amal tak qui be ri alaxic, ri e rech ri qui tat. Ri e u c'ojol ri Ruben (ri u nabeal ri Israel) e are' wa': ri Hanoc, ri Palu, ri Hezron, ri Carmi. E are wa' ri nimak qui k'ij ri e rech ri Ruben.

Elem 6:25

Ri Eleazar jun chque ri e u c'ojol ri Aaron, xc'uli' ruc' jun chque ri u mia'l ri Putiel, ri xralaj ri Pinees. E are' tak wa' ri e c'amal tak qui be ri e aj levitib, pa ri qui cholajil ri nimak qui k'ij.

Ajilanic 35:1

Ri Ajawaxel xutzijobej ri Moises chupam tak ri lianic re Moab, chunakaj ri Jordan, chuwäch ri Jerico, xubij c'u che:

Ajilanic 35:8

Ri tak tinimit ri quebiya' chque ri aj levitib ri quebiwesaj chque ri niq'uiaj chi aj israelib, chquijujunal tak ri amak' rajawaxic je caquiya' jas ri u q'uiyal ri xquitaklebej: chque tak ri ulew ri e nimak na, e q'ui tak ri tinimit ri quec'am na chque; chque tak ri ulew ri man kas ta e nimak, man e q'ui ta ri tinimit tak ri quec'am chque.”

Ri Josue 14:1

E are' tak ulew wa' pa Canaan ri xequic'am ri aj israelib che quechbal, je jacha' ri xjach chque cumal ri Eleazar ri cojol tabal tok'ob, ri Josue xukuje' ri e qui nimal tak ri u k'ab cachalaxic tak ri camak' ri aj israelib.

Ri Josue 17:4

Xebe wa' che rilic ri cojol tabal tok'ob Eleazar xukuje' ri Josue, xukuje' ri e c'amal tak u be ri tinimit, xquibij chque: “Ri Ajawaxel xutak ri Moises chi chebuya' kulew, junam je jas ri xban chque ri kachalaxic.” Xuya' c'ut ri Josue ri culew jacha' ri xuban chque ri rachalaxic ri qui tat, jacha' ri takanic ri u yo'm ri Ajawaxel.

Ri Josue 19:51

E are' tak ulew wa' conojel, ri cojol tabal tok'ob Eleazar, xukuje' ri Josue xukuje' ri e c'amal tak u be ri tinimit ri xquiyuj u jachic chquiwäch tak ri e camak' ri aj israelib, chuwäch ri Ajawaxel, chuchi' ri Lic'om Rachoch Dios re rikoj ib, pa Sil. Jeri' ri u jachic ri ulew xcanaj tz'akat.