Ri Josue 20:9 - Quiché Bible

⁹ e are' tak tinimit wa' re to'bal ib ri xecha' chque conojel ri aj israelib xukuje' chque ri man e qui winakil taj ri quejeki' chquixo'l. Chila' cuya' cuto' wi rib apachin ta ne ri man xuchomaj taj xuban jun cämic rech jewa' ri rachalal ri cäminak ma ta cacuinic cäresaj ri royowal, cucämisaj ta c'ut c'ä majok chk'at tzij puwi' rumal ri tinimit.

Ri Josue 20:9 ပူးပေါင်းရင်းမြစ်များ

Ajilanic 35:13

Chque tak ri tinimit, wakib quecanaj che to'tajisabal ib:

Ajilanic 35:15

We wakib tinimit tak ri' e tinimit re to'tajisabal ib, chque ri aj israelib jacha' xukuje' chque ri man e qui winakil ta ri e jekelic o xak e solinelab e c'o a pam chixo'l. Chila' cuya' cato'tajisaj wi rib ronojel ri man xuchomaj ta xucämisaj jun winak.

Ri Josue 20:4

Jachin ri cutzucuj u to'ic rib pa jun chque we c'olbal tak ri' copan na chuchi' ri tinimit cuya' na ri u k'alajisanic chquiwäch ri e nimak tak tatayib re ri tinimit. Cacoquisaj c'u na caquiya' na jun u c'olbal ri cajeki' wi.

Ri Josue 20:6

Are' c'ut ri u to'm rib cacanaj na can pa ri tinimit c'ä cutac'aba' na rib chuwäch ronojel ri tinimit rech cak'at tzij puwi', c'ä cacäm c'u na ri qui nimal ri e cojol tabal tok'ob ri cätajin capatanij pa ri k'ijol ri'. C'äte c'u ri' cuya' catzelej ri u to'm rib pa ri c'olbal ri xanimaj wi ulok, ri u bixic, cho rachoch chupam ri kas rachoch xukuje' u tinimit.”

Ri Josue 20:8

Ch'käp che ri Jordan pa ri lianic ri c'o pa ri chaki'j uwo sak pa ri elebal k'ij che ri Jerico, xquicha' ri Beser, u tz'akatil ri ramak' ri Ruben; pa ri ulew re Galaad xquicha' ri Ramot, u tz'akatil ri ramak' ri Gad; pa ri ulew re Basan xquicha' ri Golan, u tz'akatil ri ramak' ri Manases,