Ri Josue 2:12 - Quiché Bible

¹² Rumal ri' quintz'onoj chiwe chi chibana' ri chi'nic ri kas cäban na chnuwäch waral, rumal ri Ajawaxel, chi quitok'obisaj qui wäch ri walaxic, je jas ri tok'obisam wächaj ri xinban in chiwe. Chiya' c'u jun etal chwe ri quinjiquiba' ta wi nu c'u'x,

Ri Josue 2:12 ပူးပေါင်းရင်းမြစ်များ

Chapletajic 21:23

Rumal ri' chabana' ri chi'nic ri kas cäban na pa ri u bi' ri Dios, kas pa we c'olbal ri', chi man c'o ta lawaloyil cäban na chke mawi chwe in mawi chque ri walc'ual mawi chque ri e awija'lil. Chabanaa' ri chi'nic ri kas cäban na chi cäban na ri utzil chwe jacha' ri nu banom chawe, chi junam cäban na chque ri winak ri e re we ulew ri' jawije' ri at jekel wi camic.”

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Chapletajic 24:9

C'ä te' c'u ri' ri pataninel rech xuya' ri u k'ab chuxe' ri ra' ri Abraham ri rajaw, xuban ri chi'nic ri kas cäban na, xcha' c'u che chi cubano jas ri bim che rumal ri Abraham.

Chapletajic 40:14

Aretak c'u chc'ulmataj wa', chinnataj chawe, chabana' c'u jun tok'ob chatch'aw panuwi' ruc' ri paraon rech quinresaj chupam we c'olbal ri'. ¡Chel a c'u'x chwe!

Ucab Tzijobelil 36:13

Xak c'u u tz'akat chic xuwalijisaj rib chrij ri ajawinel Nabucodonosor, ri xuban che chi chubana' ri chi'nic ri kas cäban na, chokok pa ri u bi' ri Dios chi cux junam u wäch ruc', xucoj c'u itzel u chuk'ab che u tasic rib chrij ri Ajawaxel, ri u Dios ri Israel.

Ri Ester 8:6

¿Jas ta c'u lo ri quinban na che u coch'ic ri u q'ueyowal ri kajem cuban puwi' ri nu tinimit, xukuje' ri u sachisaxic qui wäch ri e wachalal?”

Elem 12:13

Ri quic' are cäc'utuw tak ri ja ri ix c'o wi. Jeri', aretak chebensoco' ri aj ejiptib ruc' cämical, man c'o ta jun chiwe quecämok quinwil c'u na ri quic' xak c'u quinoc'owic.

Ri Jeremiy 12:16

Kas c'u ne tzij e are' xetijon ri nu tinimit che u banic ri chi'nic ri kas cäban na pa ri u bi' ri Baal, are c'u ri camic cuya' quejeki' pa u niq'uiajil ri nu tinimit, we kas caquic'amowaj ri u cojonic ri nu tinimit cäquiban ri chi'nic ri kas cäban na pa ri nu bi' je ta c'u cubij wa': ‘Rumal ri u c'aslemal ri Ajawaxel.’

Marcos 14:44

Ri jachal re ri Jesus u yo'm chi etal chque, xubij: “Ri jun ri quintz'umaj, are ri'. Chichapa', kas utz u c'amic bic chibana'.”

Romanos 1:31

Man cäcaj taj quech'obonic, man e jic ta pa ri qui tzij, man quelok'ok'en taj, man quecuyun taj, man quel ta qui c'u'x.

1 Timoteo 5:8

Are c'ut ri man coc ta il chque ri e rech, kas c'u e are na ri e ralaxic, resam rib chupam ri cojonic, canimataj c'u na ri u mac chuwäch ri man cojonel taj.

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.

Ri Josue 2:13

chisacha' c'u u mac ri nu tat, ri nu nan, ri e nu xibal xukuje' tak ri canab, xukuje' conojel ri jastak quech. ¡Chujito'tajisaj chuwäch ri cämical!”

Ri Josue 2:18

Aretak c'u chujoc pa ri ulew, ri at catzayiba' we quiäk colop ri' chrij ri u chi' ri wenta'n ri xakasabej bic kech. Chebamulij ba' cho awachoch, ri a tat, ri a nan, ri e awachalal xukuje' conojel ri e ralaxic ri a tat.

Ri Josue 2:19

We c'o quel bic pa ri awachoch, are' ajchak'mac ri' che ri u cämical; man c'o ta ka mac che. We c'u c'o jachin cächapow ri e c'o awuc' pa ri awachoch, uj cujkajben wa'.

Ri Josue 6:22

Ri Josue xubij chque ri quieb ya'l tak qui wäch ri xepe can che rilic ri ulew: “Jix cho rachoch Rahab chiwesaj bic chila' junam cuc' ri e rachalaxic, je jacha' ri xichi'j che.”

Ri Josue 9:15

Xuban c'ut jun c'ulwächinic ri Josue cuc' re jamaril, xuya' c'u u tzij chi man quebucämisaj taj; ri niq'uiaj chic c'amal tak qui be ri aj israelib ruc' ri chi'nic ri kas cäban na xecha' chi xukuje' caquibano.

K'atal tak Tzij 1:24

Ri achijab ri e takom bic che rilic ri tinimit xquil jun achi ri xel ulok pa ri tinimit, xquibij c'u che: “We ri at cac'ut chkawäch jas cäkabano rech cujcuinic cujoc pa ri tinimit, ri uj cäkaban na utzil chawe.”

Nabe Samuel 30:15

Ri David xuban we c'otoj chi'aj ri' che: “¿La cawaj quinac'am bic jawije' e c'o wi we eläk'omab ri'?” Ri aj ejipt xutzelej u bixic: “We cäban la ri chi'nic ri kas cäban na chuwäch ri Dios chi man quincämisaj ta la mawi quinjach la pu k'ab ri wajaw, quinc'am be la c'ä jawije' ri e c'o wi.”