Ri Josue 2:11 - Quiché Bible

¹¹ Sibalaj nim ri xe'n ib ri i yo'm chke aretak xketamaj, chi man c'o ta jachin cuchajij ta anima' che u tac'abaxic rib chiwäch. Rumal rech chi ri Ajawaxel, ri i Dios, are' ri Dios ri c'o chicaj xukuje' iquim cho ri uwächulew.

Ri Josue 2:11 ပူးပေါင်းရင်းမြစ်များ

Nabe Ajawinelab 8:60

Rech conojel ri nimak tak tinimit ri e c'o chuwäch ri uwächulew chquich'obo chi ri Ajawaxel are' Dios man c'o ta chi c'u jun.

Ucab Ajawinelab 5:15

Are c'u ri are' xukuje' conojel ri e achilaninak xebe che rilic ri Elisey. Aretak xebopan chuwäch, ri Naaman xubij che: “¡Camic nu ch'obom chi pa ronojel ri uwächulew man c'o ta Dios, xane' xak xuwi pa Israel! Rumal ri' quinbochi'n che la chi c'ama' la jun sipanic che we pataninel ech la ri'.”

Ri Nehemiy 6:16

Ri qui banom qui c'ulel chke xquetamaj xukuje' conojel tak ri nimak tak tinimit ri e c'o tak chkanakaj sibalaj xquixe'j quib xebirbob c'ut, xquich'ob na chi we chac ri' ri q'uisom u banic xban ruc' ri u to'banic ri ka Dios.

Ri Ester 8:17

Pa conojel u tz'akatil ri ajawibal, pa conojel tak tinimit xukuje' tak c'olbal jawije' tak ri copan wi ri u takanic ri ajawinel, ri aj judeyib xenoj che quicotemal xukuje' jajatem, xequiban tak wa'im cuc' tak nimak'ij. E q'ui c'u na chque ri winak re ri ulew xebux aj judeyib, rumal rech chi xech'äcataj rumal ri xe'n ib chquiwäch ri aj judeyib.

Salmib 102:15

Conojel ri nimak tak tinimit xukuje' tak ri ajawinelab aj uwächulew nim cäquil wi na ri je'lalaj u bi' ri Ajawaxel,

Salmib 22:14

In jacha' ja' ri cajamajobic; e tuktubinak ri e nu bakil, ri wanima' junam ruc' ri xca'b ri cabelebob chnupam.

Salmib 58:7

Sacha' la qui wäch jacha' ri ja' ri cäbinic, chechaki'jarok jacha' ri k'ayes pa tak ri be;

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Elem 15:14

Ri nimak tak tinimit quebirbob na aretak cäquetamaj, ri aj pilisteyib cäquibak'atij na quib rumal k'oxom,

Elem 15:15

ri e qui nimal ri ajch'ojab aj Edom cäpe na canima', ri e c'amal tak qui be ri e aj Moab quebirbob na rumal xe'n ib, quetuktub na conojel ri aj cananeyib.

Ri Isaiy 13:7

Conojel c'u ri winak cho ri uwächulew quechukchub na ri qui k'ab, conojel man c'o ta chic qui chuk'ab,

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Ezequiel 21:15

Ri are' quebunojisaj na che xe'n ib, q'ui cämisanic cuban na. Pa conojel tak ri cachoch nu cojom wi ri ch'ich' re ch'o'j ri cäcämisanic. Are' ri ch'ich' re ch'o'j ri jolk'irisam che u cojic xe'n ib, banom u ware che cämisabal.

Ri Nahum 2:10

Sachisam u wäch, tz'inowirisam, tolobam canok, jewa' ri u c'ulmam ri Ninibe. Ri animaaj quelebelob che xe'n ib, quebirbit tak ri ch'ecaj, conojel man e c'o ta chic qui chuk'ab quesakmaqui c'ut.

U Camulixic ri Pixab 1:28

¿Jawije' c'u cujbe wi camic? Ri xetak bic che u solixic ri ulew xquibij chi ri achijab ri e c'o chila' sibalaj e cowilaj tak achijab na chkawäch uj, xukuje' sibalaj nimak tak cakan, xukuje' e c'o tinimit ri e nimak, ri sutim quij cuc' nimak tak tapia xukuje' xequil qui wäch ri e rija'lil ri tac'atic Anac, ronojel wa' u yo'm nimalaj xe'n ib chke.’

U Camulixic ri Pixab 20:8

E are' chi c'ut ri e c'amal tak be quebe qui tzijobej chi na ri quebe pa ri ch'o'j cäquibij c'u na: ‘We c'o jun cuxe'j rib, man c'o ta chajinanima' ruc' tzelej cho rachoch rech man cuya' ta xibin ib chque ri e rachil.’

U Camulixic ri Pixab 4:39

Kas ba' chiwetamaj camic, chicojo' c'u chupam ri iwanima' chi ri Ajawaxel are' Dios, pa ri caj, xukuje' cho ri uwächulew; man c'o ta chi jun.

Ri Josue 14:8

Ri xebe wuc' xquicoj qui xib ri winak, are' c'u ri in xincanaj jic ruc' ri nu Dios xukuje' Wajaw.

Ri Josue 2:24

Xquibij che: “Ri Ajawaxel u jachom ronojel ri ulew pa ka k'ab. Rumal kech uj, conojel ri winak ri e c'o chila' e cäminak che xe'n ib.”

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Ri Josue 7:5

craj c'u ne xequicämisaj juwinak waklajuj (36) aj israelib, ri xequiterenej niq'uiaj c'ut ri kas chuchi' ulok ri roquibal ri tinimit c'ä pa ri paxibal abaj, xequisoc c'ut pa ri xuluxic. Rumal rech wa' ri winak xuban quieb qui c'u'x xechukchubic.

Ri Josue 9:24

We winak ri' xquibij che ri Josue: “Ri uj xkabano rumal rech chi sibalaj xkaxe'j kib chi cujicämisaj na, ri uj xkanabej chi ri Ajawaxel ri i Dios xutak ri Moises, ri pataninel rech, chi chuya' ronojel we ulew ri' chiwe, chsachisax c'u qui wäch conojel ri e jekel waral.

Apocalipsis 6:16

Xquibij chque ri juyub xukuje' chque ri nimak tak abaj: “Chixtzak ulok pakawi'. Chujiwawaj chuwäch ri t'uyul puwi' ri tem re ajawibal xukuje' chuwäch ri royowal ri Alaj Chij,