Ri Josue 2:10 - Quiché Bible

¹⁰ Keta'm chi aretak xixel ulok pa Ejipt, ri Ajawaxel xuchaki'jarisaj ri u ja'il ri Quiäk Plo rech cuya' quixoc'owic. Xukuje' keta'm chi ri ix xiq'uis tzij puwi' ri Sehon xukuje' ri Og, ri quieb cajawinel ri aj amoreyib ri' e c'o ch'käp che ri Jordan.

Ri Josue 2:10 ပူးပေါင်းရင်းမြစ်များ

Salmib 74:15

Xban la chi xepok'isaj tak la ulok ja' xukuje' tak nima', xetzajisaj c'u la tak nima' ri man c'o ta qui tzajic.

Ajilanic 20:14

Kas pa Cades, ri Moises xebutak bic jujun tako'n che ri ajawinel re Edom, che u bixic che: “Ri e awachalal aj israelib caquitak u bixic chawe: ‘At kas awetamam tak ri e u q'ueyowal tak ri uj oc'owinak wi.

Ajilanic 23:22

Ri Dios, ri xebesan ulok pa Ejipt, are c'o chque e are' ri cux che ri juyubal wacax ri e ruc'a'.

Ajilanic 24:8

Ri Dios, ri xebesan ulok pa Ejipt, are je chque e are' ri cux che ri juyubal wacax ri e ruc'a'. Ri Israel quebubik' na tak ri e nimak tak tinimit c'ulel; quebuk'ajisaj tak na ri e u bakil, quebusoc c'u na cuc' tak ri e u ch'ab.

U Camulixic ri Pixab 2:30

Are c'u ri ajawinel Sehon man xraj ta chi cujoc'ow pa ri rulew, rumal rech chi ri Ajawaxel ri i Dios ix, xubano chi cuk'il rib che ri koc'owem, rech cujach pa i k'ab ix, c'ä jacha' c'u ne ri u banom camic.

Ri Josue 24:12

Ri cajawinelab ri aj amoreyib man ix ta xixch'äcow cuc' tak ch'ich' re ch'o'j mawi cuc' tak q'uiakbal ch'ab xane' are' xinabejisaj ri nu xibinic chiwäch, rumal c'u ri' xebanimajic c'ä majok chixopanok.

Ri Josue 4:24

Jeri' conojel ri tinimit ri e c'o cho ri uwächulew caquetamaj na chi sibalaj nim ri u cuinem ri Ajawaxel, are' c'u ri ix nim quiwil wi na amak'el ri Ajawaxel ri i Dios.”

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Ri Josue 9:10

xukuje' ri xuban chque ri quieb cajawinel ri e aj amoreyib ch'käp che ri Jordan, che ri Sehon che ri Ezbon xukuje' che ri Og ri c'o pa Basan, ri xc'oji' pa Astarot.