Ri Josue 15:4 - Quiché Bible

⁴ ri cataken c'ä pa Asmon, rech quel pa ri nima' re Ejipt queq'uis c'ä chuchi' ri Plo Mediteran. Are' c'ulbatil wa' pa ri u mox elebal k'ij.

Ri Josue 15:4 ပူးပေါင်းရင်းမြစ်များ

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Nabe Ajawinelab 8:65

C'o jun k'ij, aretak ri Salomon xukuje' ronojel ri Israel, jun sibalaj q'uialaj winak ri e elinak ulok c'ä pa ri oquibal pa Hamat xukuje' c'ä jela' ruc' ri alaj nima' re Ejipt, xcoc'owisaj ri nimak'ij que tak ri Cäbal che u ya'ic u k'ij ri Ajawaxel ri ka Dios, xquiban chi c'u jun nimak'ij re wukub k'ij; xtz'akat c'u cajlajuj (14) k'ij, nimak'ij chi ronojel.

Elem 23:31

Ri e a c'ulbat cächapletaj ulok chuchi' ri Quiäk Plo, quetakal c'ä chuchi' ri qui plo ri aj pilisteyib, cächapletaj ulok chuchi' ri chaki'j uwo sak quetakal c'ä chuchi' ri nima' Euprats. In e nu jachom we winak ri' pa a k'ab ri e c'o pa tak we ulew ri' quebaq'uiak c'u na bic chawäch.

Ri Isaiy 27:12

Pa ri k'ij ri' cuc'ut na rib ri Ajawaxel cächapletaj ulok chuchi' ri Euprats c'ä chuchi' ri nima' aj Ejipt, je cubano jacha' aretak cämulix ri trico, are c'u ri ix, aj israelib, quixmol na chijujunal.

Ajilanic 34:5

quel pa Asmon cätaken c'ä ruc' ri alaj nima' ri cac'ulbatin ruc' ri Ejipt, queq'uis u tza'm c'ä chuchi' ri plo ri Mediteran.

Ri Josue 13:3

ri cäbe chuchi' ri nima' Sihor, pa ri elebal k'ij che ri Ejipt, quetakal c'ä pa ri u c'ulbatil ri Ecron, pa ri iquiak'ab, culew c'ut ri aj cananeyib wa'; e c'o c'u job quinimal tak ri pilisteyib chila', ri e are' wa' ri Gaz, ri Asdod, ri Ascalon, ri Gat xukuje' ri Ecron. C'o xukuje' ri culew ri abeyib,

Ri Josue 15:3

cataken chi c'ut pa ri u mox ri elebal k'ij cutakej ri pakalic ri cabe pa Acrabim, coc'ow pa ri chaki'j uwo sak re Zin pa ri u mox ri Cades-barney; catakextan c'ut c'ä pa Hezron, capaki' c'ä pa Adar cacotin c'ut chusuq'uil ri Carc,

Ri Josue 15:47

Ri tinimit re Asdod e rachil tak ri e u tinimit xukuje' ri e u k'ab tak u tinimit, xukuje' ri tinimit re Gaz e rachil tak ri e u tinimit xukuje' ri e u k'ab tak u tinimit, quetakal c'ä chuchi' ri nima' re Ejipt, xukuje' chuchi' ri Plo Mediteran.