Ri Josue 13:8 - Quiché Bible

⁸ Ri amak' tak aj Ruben aj Gad xukuje' ri aj pa niq'uiaj ramak' ri Manases xquic'am ri quechbal aretak ri Moises xebuya' ri ulew chque ri e c'o pa ri elebal k'ij che ri Jordan.

Ri Josue 13:8 ပူးပေါင်းရင်းမြစ်များ

Ajilanic 32:19

Rumal c'u rech chi ri kulew canajinak jewa', pa ri elebal k'ij che ri nima' Jordan, man quekatokij ta chic ulew ch'käp che ri Jordan, mawi c'äjela'.”

U Camulixic ri Pixab 3:8

Je c'u ri' pa tak c'u ri k'ij ri' xekach'äc ri culew ri quieb ajawinelab aj amoreyib ri e jekel pa ri elebal k'ij che ri nima' Jordan, ri ulew ri cächapletaj bic c'ä ruc' ri nima' Arnon quetakal c'ä xe' ri juyub Hermon.

Ri Josue 12:1

E are' tak ajawinelab wa' ri xequich'äc ri aj israelib pa ri elebal k'ij che ri Jordan, xukuje' pa tak ri ulew ri xequich'äc kas pa ri nima' Arnon quetakal c'ä pa ri juyub Hermon, rachil ronojel ri ulew ri c'o pa ri elebal k'ij che ri u beya' ri Jordan:

Ri Josue 12:6

Ri Moises xukuje' tak ri aj israelib xech'äcow tak we ajawinelab ri', xuya' c'ut ri Moises ri culew che ri ramak' ri Ruben xukuje' che ri ramak' ri Gad xukuje' che pa niq'uiaj che ri ramak' ri Manases.

Ri Josue 13:7

Chajacha' we ulew ri' chquiwäch ri belejeb amak' xukuje' che ri pa niq'uiaj ramak' ri Manases.”

Ri Josue 13:9

Are' xya'taj ri ulew chque ri cächaptaj bic kas pa Aroer, chuchi' ri nima' Arnon, xukuje' ri tinimit ri c'o pa u niq'uiajil ri beya', xukuje' ronojel ri u lianic ri Medeb, copan c'ä pa Dibon,

Ri Josue 22:4

Camic chi ri are' u tz'akatisam ri u chi'nic e c'o chi c'ut ri e iwachalal pa jamaril, chixtzelej pa tak ri i cäbal ri lic'om xukuje' pa tak ri ulew ri xujach ri Moises ri pataninel rech ri Ajawaxel chiwe pa ri elebal k'ij che ri nima' Jordan.

Ri Josue 4:12

Xukuje' xek'ax ch'käp che ri nima' ri ajch'ojab aj ramak' ri Ruben ri Gad xukuje' ri e rech ri pa niq'uiaj ramak' ri Manases. E cuc'am tak ri qui ch'ojibal xeboc'owic, e benak c'u chquiwäch ri niq'uiaj aj israelib chic, je jas ri takanic ri u yo'm ri Moises chque.

Nabe Samuel 13:7

E q'ui chque xek'ax ch'akap che ri Jordan, xebe pa Gad xukuje' pa Galaad; are c'u ri Saul xcanaj na can pa Jilgal, conojel c'u ri rajch'ojab ruc' xe'n ib e teren chrij.