Ri Josue 12:2 - Quiché Bible

² Ri Sehon ri cajawinel ri aj amoreyib, ri jekel pa Ezbon. Ri rajawibal cachaptaj ulok kas pa Aroer, chuchi' ri nima' Arnon, xukuje' cächaptaj pa u niq'uiajil ri beya' copan c'ä chuchi' ri nima' Jaboc, jawije' ri cachaptaj wi ri culew ri aj amonib (ri u bixic, craj ne pa niq'uiaj che ri Galaad),

Ri Josue 12:2 ပူးပေါင်းရင်းမြစ်များ

Chapletajic 32:22

Chak'ab xwalij ri Jacob, xebuc'am ri quieb rixokil, xukuje' quieb rixokib lok'om tak pataninelab, xukuje' ri julajuj (11) u c'ojol, xebuk'axej pa ri u k'axebal ri c'o pa ri nima' Jaboc,

Nabe Tzijobelil 5:8

xukuje' ri Bela, u c'ojol ri Asaz, ri' u mam ri Sema, ri u c'ojol ri Joel. Ri Bela xjeki' pa Aroer ri u c'ulbatil ri rulew copan c'ä pa Neb xukuje' pa Baal-meon.

Ri Nehemiy 9:22

Xejach la ajawibal xukuje' nimak tak tinimit pa qui k'ab, xejach c'u la pa ch'akatak chquiwäch, xquiban c'u quech che ri Hesbon, rulew ri ajawinel Sehon; xukuje' xquiban c'u quech che ri Basan, rulew ri ajawinel Og.

Salmib 135:11

Ri Sehon, cajawinel ri aj amoreyib; ri Og, cajawinel ri Basan, xukuje' conojel ri ajawinelab re Canaan;

Ri Jeremiy 48:19

Tinimit re Aroer, chattac'al pa u xcut ri be chatca'y c'ut; chac'oto' qui chi' ri xec'asi' canok jas ri xc'ulmatajic.

K'atal tak Tzij 11:13

Ri cajawinel ri aj amonib xubij chque ri e u tako'n ri Jepte: “Aretak ri ix ri ix aj israelib xixel ulok pa Ejipt, ximaj ri kulew, cächapletaj ulok ruc' ri nima' Arnon c'ä pa ri nima' Jaboc xukuje' c'ä chuchi' ri Jordan. Chitzelej ba chke camic pa utzil.”

K'atal tak Tzij 11:22

Xkatokij ronojel ri culew ri aj amoreyib cächapletaj bic chuchi' ri nima' Arnon quetakal c'ä chuchi' ri Jaboc, cächapletaj bic pa ri chaki'j uwo sak c'ä ruc' ri Jordan.