Ri Josue 10:8 - Quiché Bible

⁸ are' c'u ri Ajawaxel xubij che: “Maxe'j awib, quebenjach na pa a k'ab, man c'o ta jun chque ri cacuin ta che a ch'äquic.”

Ri Josue 10:8 ပူးပေါင်းရင်းမြစ်များ

Nabe Ajawinelab 20:13

Xopan c'u jun k'axal tzij ruc' ri Acab, rajawinel ri Israel, xubij che: “Ri Ajawaxel u bim: ‘Pune quebawil we tinimit c'ulel ri', in quebenjach na pa a k'ab camic, rech cawetamaj chi in ri' ri Ajawaxel.’ ”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

U Camulixic ri Pixab 3:2

Xubij c'u ri Ajawaxel chwe: ‘Maxe'j awib, ri are' e rachil ri e rajch'ojab xukuje' ronojel ri rulew nu jachom pa a k'ab rech je caban che jas ri xaban che ri Sehon ri cajawinel ri aj amoreyib ri xc'oji' pa Hesbon.’

U Camulixic ri Pixab 7:24

Ri e cajawinelab quebujach na pa i k'ab, ix c'ut quiban na chi man c'o ta chi jun cho ri uwächulew ri quenatan ta chic. Man c'o ta c'u jun chque cäcuinic cutac'aba' ta rib che u banic ch'o'j iwuc', quisach c'u na qui wäch conojel.

Ri Josue 10:25

xubij c'u ri Josue chque: “Man quixe'j ta iwib mawi maquieblaj i c'u'x; xa ne, chi chajij anima' co chixc'olok, je c'u xukuje' cuban na ri Ajawaxel cuc' conojel tak ri e i c'ulel.”

Ri Josue 10:9

Ri Josue xel bic pa Jilgal, chak'ab xutakej u be, man c'o ta c'u caquinabej ri aj amoreyib aretak xebuch'äco.

Ri Josue 11:6

Xubij c'ut ri Ajawaxel che ri Josue: “Maxe'j awib chquiwäch, quinban c'u na in chi je tak wa' chwek, conojel e cäminak quetzak chiwäch. Chebak'ajisaj c'ut ri qui ch'ec tak ri qui quiej chebaporoj tak ri qui carwaj re ch'o'j.”

Ri Josue 8:1

Ri Ajawaxel xubij che ri Josue: “Maxe'j awib mawi mat chukuchubic. Chebamulij conojel ri ajch'ojab jät che u banic ch'o'j ruc' ri Hai, quinya' c'u na ri ch'äcanic chawe puwi' ri rajawinel ri Hai xukuje' ri u winak. Ri u tinimit xukuje' tak rirulew quecanaj na pa a k'ab,

K'atal tak Tzij 6:16

Ri Ajawaxel xubij che: “Catcuin che u banic quinc'oji' c'u na awuc', quebach'äc na ri aj madianib, jas ri cäban che u ch'äquic xa jun achi.”

K'atal tak Tzij 7:9

Pa ri chak'abil ri' ri Ajawaxel xutak ri Jedeon, xubij che: “Chatwalijok, jät che ch'o'j chquij ri aj madianib, quebenjach c'u pa a k'ab.

Nabe Samuel 17:47

conojel ri quimulin quib waral cäquetamaj na chi ri Ajawaxel man cato'tajisan taj ruc' ch'ich' re ch'o'j mawi ruc' tz'imaj ch'ich'. We ch'o'j ri' rech ri Ajawaxel, are c'u quixjachow na ri ix pa ka k'ab.”