Ri Josue 10:4 - Quiché Bible

⁴ “Chixpet waral chinito' che u banic ch'o'j ruc' ri Gabaon u banom c'u jun c'ulwächinic ruc' ri Josue xukuje' cuc' ri aj israelib.”

Ri Josue 10:4 ပူးပေါင်းရင်းမြစ်များ

Ri Matey 16:24

Xubij c'u ri Jesus chque ri u tijoxelab: “We c'o jun cäraj cäpe wuc' in, rajawaxic chi are' muban ri u rayibal, xane' rajawaxic chi cutelej ulok ri u ripibal, chinuterenej c'ut.

Ri Xuan 15:19

“We ta ix aj uwächulew, ri winak aj uwächulew queraj ta ri' ri e rech. Man ix ta c'u aj uwächulew, xane' ix nu cha'om chquixo'l ri aj uwächulew. Rumal ri' ri winak re ri uwächulew cäquetzelaj i wäch.

Hechos 21:28

Xquirak qui chi': “¡Achijab aj israelib, chujito'! Are achi wa' ri benak pa ronojel ri uwächulew, quebutijoj conojel ri winak che u yok'ic ri ka tinimit, ri pixab xukuje' we c'olbal ri'. C'ä xebucoj ne ulok jujun aj Gres pa ri rachoch Dios, u tz'ilom we tastalicalaj c'olbal ri'.”

2 Timoteo 3:12

Kas tzij ba' chi conojel ri winak ri kas cäcaj cäcan ri u rayinic ri Crist Jesus, cäban na c'ax chque ri e are' xukuje'.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

Ri Josue 10:1

Ri Adonisedec, ri rajawinel ri Jerusalen, sibalaj xuxe'j rib aretak xretamaj chi ri Josue xumajij xukuje' xusachisaj u wäch ri Hai, xuban c'u che xukuje' che ri rajawinel junam je jas ri xuban che ri Jerico xukuje' ri rajawinel, xukuje' chi ri aj Gabaon xebutzir cuc' ri aj israelib e jekel c'u ne camic chquixo'l. We q'uisbal c'ulmatajic ri' sibalaj xuya' xe'n ib che, ri Gabaon are' jun tinimit ri nim u banic, nin na chuwäch ri Hai ri kas nim na u banic, ri aj Gabaon sibalaj e cowilaj tak achijab na.

Ri Josue 10:5

Je c'u ri' ri job cajawinelab ri aj amoreyib ri ajawinel re Jerusalen, re Hebron, re Jarmut, aj Lacs xukuje' Eglon, xquimulij quib xquitakej qui be junam cuc' ri cajch'ojab che u mulixic quib chuwäch ri Gabaon che u banic ch'o'j ruc'.

Ri Josue 9:15

Xuban c'ut jun c'ulwächinic ri Josue cuc' re jamaril, xuya' c'u u tzij chi man quebucämisaj taj; ri niq'uiaj chic c'amal tak qui be ri aj israelib ruc' ri chi'nic ri kas cäban na xecha' chi xukuje' caquibano.

1 Pedro 4:4

E are ri man e cojonelab taj caquimayo, rumal rech chi man quebiwachilaj ta chic che u banic q'ui jastak xak jas ri cäcaj, jas ri xiban nabe. Quixquiyok' c'ut.

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.