Ri Josue 1:9 - Quiché Bible

⁹ In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Josue 1:9 ပူးပေါင်းရင်းမြစ်များ

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Chapletajic 39:3

Ri Potipar xuch'obo chi ri Ajawaxel ri c'o ruc' ri Jose are cäbanowic chi ronojel ri cubano, utz quelic.

Ucab Samuel 13:28

Ri Absalon xusuc'umaj jun wa'im jas ri cacoj chuwäch jun ajawinel, u yo'm c'u qui takquil ri u pataninelab, xubij chque: “Kas utz rilic chibana' aretak pakalinak chic ri u wa'l uva pa u jolom ri Amnon, aretak c'u chinbij chiwe chi chicämisaj. Mixe'j iwib che u banic, in c'ut, ri yowinak ri takanic. Chi chajij ba' anima' chc'ol ri i chuk'ab.”

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Ucab Tzijobelil 15:7

Are c'u ri ix chixux cowilaj tak achijab mixchucchubic, quirik c'u na tojbal quech ri chac ri quebibano.”

Salmib 46:7

¡Ri Ajawaxel ri c'o ronojel u cuinem are' c'o kuc'! ¡Ri u Dios ri Jacob are' ka panibal!

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 43:1

Are c'u ri camic, Israel, u tinimit ri Jacob, ri Ajawaxel ri xatwinakirisanic cubij chawe: “Maxe'j awib, at nu torom chic in xatinsiq'uij pa ri a bi', at, at wech.

Ri Isaiy 43:5

Maxe'j awib, ri in in c'o awuc'. Kas pa ri elebal k'ij c'ä pa ri kajebal k'ij quinban na chi quetzelej ulok ri e a winak che qui mulixic,

Ri Isaiy 8:12

“Mibij yacoj ib che ronojel ri cubij ri winak chi yacoj ib. Mixe'j iwib che ri caquixe'j wi quib, mawi mina' iwib.

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Ri Hajey 2:4

¡Chachajij anima', Zorobabel! ¡Chachajij anima', Jexu c'ämal qui be ri e cojol tabal tok'ob! Chichajij c'u anima' ix iwonojel, winak re ri ulew. Chixchacunok, in c'u c'o iwuc'. In, ri Ajawaxel, ri c'o ronojel u cuinem, quinjiquiba' u bixic.

Ri Hajey 2:5

Je jacha' ri xinchi'j che aretak xel ulok pa Ejipt, ri wuxlabal are quixachilanic. Mixe'j iwib.

Hechos 4:19

Are' c'u ri Lu' xukuje' ri Xuan xquitzelej u bixic chque: “Chomaj alak we suc' chi are nabe cujniman chech alak chuwäch ri u nimaxic ri Dios.

U Camulixic ri Pixab 1:21

Ri Ajawaxel, ri i Dios ix, cujach we ulew ri' chiwe. Chixpakal ba, chixoc che rechbexic jacha' ri u bim ri Ajawaxel, ri qui Dios ri e i mam. Mixe'j iwib, mawi muban quieb i c'u'x.’

U Camulixic ri Pixab 20:1

“We aretak quixel bic che u banic ch'o'j chquij ri i c'ulel, quiwilo chi e c'o q'ui qui quiej, xukuje' qui carwaj re ch'o'j, xukuje' quiwilo chi e q'ui na ri cajch'ojab chquiwäch ri iwech ix, mixe'j iwib chquiwäch, are c'u ri ix c'o ri Ajawaxel ri i Dios iwuc', ri xixesan ulok pa Ejipt.

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

U Camulixic ri Pixab 31:28

Chebic'ama' ulok waral conojel ri nimak tak tatayib, ri e c'amal tak qui be tak ri e iwamak', rech quinbij we tzij ri' chque, quebencoj c'u ri caj ulew che k'alajisanelab che qui c'ulelaxic.

Ri Josue 1:10

Xuya' c'u takanic ri Josue chque ri c'amal tak u be ri tinimit:

Ri Josue 1:17

Amak'el cujniman na chawe, jacha' ri xkaban nabe xujniman che ri Moises. Xuwi wa' cakatz'onoj chi chatachilax rumal ri Ajawaxel ri a Dios jacha' ri xuban che rachilaxic ri Moises.

Ri Josue 1:18

Ronojel ri catuc'ulelaj o man cunimaj ta joropa' ri cättakan wi, cacäm na. Xuwi cakatz'onoj chi chachajij anima' xukuje' co chattac'alok.”

Ri Josue 10:25

xubij c'u ri Josue chque: “Man quixe'j ta iwib mawi maquieblaj i c'u'x; xa ne, chi chajij anima' co chixc'olok, je c'u xukuje' cuban na ri Ajawaxel cuc' conojel tak ri e i c'ulel.”

Ri Josue 10:8

are' c'u ri Ajawaxel xubij che: “Maxe'j awib, quebenjach na pa a k'ab, man c'o ta jun chque ri cacuin ta che a ch'äquic.”

Ri Josue 3:7

Xubij c'u ri Ajawaxel che ri Josue: “Camic quinchaplej bic u nimarisaxic a k'ij chquiwäch ri aj israelib. Jeri' ri e are' caquil na chi in c'o awuc' jacha' ri xinc'oji' ruc' ri Moises.

Ri Josue 6:27

Ri Ajawaxel xuto' ri Josue, xjabun c'ut ri u tzijol ri Josue pa ronojel ri ulew.

Ri Josue 8:1

Ri Ajawaxel xubij che ri Josue: “Maxe'j awib mawi mat chukuchubic. Chebamulij conojel ri ajch'ojab jät che u banic ch'o'j ruc' ri Hai, quinya' c'u na ri ch'äcanic chawe puwi' ri rajawinel ri Hai xukuje' ri u winak. Ri u tinimit xukuje' tak rirulew quecanaj na pa a k'ab,

K'atal tak Tzij 6:14

Xalwächix rumal ri Ajawaxel, xubij c'u che: “Chacojo' ri chuk'ab ri c'o awuc', rech catbe che qui to'ic ri aj israelib pa qui k'ab ri aj madianib. In ri' ri catintak bic.”

Nabe Samuel 10:7

Aretak e a c'ulmam chi we jastak ri', chabana' ri takal u banic cawilo, catuto' c'u na ri Dios.