Ri Josue 1:7 - Quiché Bible

⁷ xuwi wa' ri quintz'onoj chawe chi sibalaj chachajij anima' xukuje' co chattac'alok, chatz'akatisaj c'u ronojel ri cubij ri pixab ri xuya' ri Moises ri pataninel wech chawe. Je chabana' jas ri tz'ibatalic rech utz quel na ronojel ri cabano.

Ri Josue 1:7 ပူးပေါင်းရင်းမြစ်များ

Nabe Ajawinelab 2:2

“Quinchaplej ri q'uisbal binem, jacha' ri caquiban conojel ri winak. Chachajij anima' chatux jacha' jun achi.

Nabe Ajawinelab 2:3

Chebatz'akatisaj tak ri e u takomal ri Ajawaxel ri a Dios, chabana' ri u rayibal, chebatz'akatisaj tak ri u pixab, ri e u takomal, ri e u takanic ri e u yo'm u bixic, je jas ri e tz'ibatal chupam ri u pixab ri Moises, rech utz catel pa ronojel ri cabano, xukuje' apawije' ta ne ri catbe wi.

Ucab Ajawinelab 22:2

Ri e u banoj ri Josiy e suc' xeril ri Ajawaxel, are c'u xutakej u banic ronojel ri xuban ri David, ri u mam, man c'o ta xujech'ba ta wi rib.

Nabe Tzijobelil 22:13

Ronojel utz quel na chawäch, we cacoj a chuk'ab che qui tz'akatisaxic tak ri u pixab xukuje' tak ri chomanic ri xubij ri Ajawaxel chi cuban ri Israel rumal ri Moises. ¡Chc'ol a chuk'ab xukuje' co chatc'olok; muban quieb a c'u'x mawi maxe'j awib!

Ucab Tzijobelil 15:7

Are c'u ri ix chixux cowilaj tak achijab mixchucchubic, quirik c'u na tojbal quech ri chac ri quebibano.”

Ucab Tzijobelil 26:5

Xucoj u chuk'ab che u nimaxic ri Dios joropa' k'ij xc'asi' ri Zacariy, ri xyo'w ri tijonic che chi nim chrila' wi ri Dios. Joropa' c'u k'ij ri xniman che ri Ajawaxel, ri are' xupok'colij.

Ri Job 1:8

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ri are', ri sibalaj jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal, sibalaj c'u cuchajij rib chi man c'o ta jun c'ax cuban ta che jachin jun.”

Salmib 80:19

Wajaw Dios, Dios ri c'o ronojel u cuinem, ¡bana' la chi cujux chi jumul jas ri ka banic canok nabe! ¡Chujca'yej la cuc' utzalaj tak bak'wäch la cujto'taj c'u na!

E C'ambal tak Tzij 4:27

Majuluch'ij ri a be; chak'ila' awib che qui ya'ic ri itzel tak u xo'l awakan.

E C'ambal tak Tzij 8:20

In in benak pa ri suc'alaj be, pa ri alaj latz' be re suq'uilal.

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Ajilanic 27:23

Ri Moises xebuya' ri u k'ab puwi' ri u jolom xuya' c'u ri ekle'n che, jacha' ri takanic ri u yo'm ri Ajawaxel che.

U Camulixic ri Pixab 11:8

“Chebinimaj conojel ri takomal ri e nu yo'm chiwe camic, rech cäc'oji' i chuk'ab, quiwechbej c'u ri ulew ri quixoc che u ch'äquic,

U Camulixic ri Pixab 12:32

Chitakej ba qui banic ronojel ri ix nu takom wi, c'o mit'ik che mawi c'o miwesaj che.”

U Camulixic ri Pixab 28:14

man quebatzak ta canok rumal ri qui ternexic niq'uiaj diosib chic ri quebak'ijilaj c'ut.”

U Camulixic ri Pixab 29:8

xkaban c'u kech che ri culew, xkajach c'u che quechbal ri amak' tak re Ruben, re Gad xukuje' che ri pa niq'uiaj re ri Manases.

U Camulixic ri Pixab 29:9

Rumal ri', chebinimaj qui banic we c'ulwächinic ri', chixoc chubanic ri cäquibij, rech utz quixel pa ronojel ri quibano.

U Camulixic ri Pixab 31:7

Ri Moises xusiq'uij c'u na ri Josue, xubij che chquiwäch conojel ri aj Israel: “Chc'ol a chuk'ab xukuje' co chatc'olok quebac'am c'u na bic we winak ri' pa ri ulew ri xcha' ri Ajawaxel chi cuya' na chque ri e i mam aretak xuban ri chi'nic ri kas cäban na; at c'ut catjachow na pa qui k'ab.

U Camulixic ri Pixab 4:2

Miya' u wi' mawi c'o miwesaj che ri quixintak wi; chixoc che qui nimaxic ri e u takomal ri Ajawaxel ri i Dios, ri quixintak wi.

U Camulixic ri Pixab 5:32

Chixoc ba che u banic ronojel ri ix u takom wi ri Ajawaxel ri i Dios, mawi jubik' mitas iwib chrij.

Ri Josue 1:1

Aretak c'u cäminak chic ri Moises, ri pataninel rech ri Ajawaxel, xtzijon ri Ajawaxel ruc' ri Josue, u c'ojol ri Nun ri xtoban ruc' ri Moises, xubij c'u che:

Ri Josue 1:8

Amak'el chatzelela' u bixic ri cubij ri wuj ri tz'ibatal wi ri u pixab ri Dios, chachomaj ri cubij chi pa k'ij chi chak'ab, rech amak'el caban ri catakan wi wa'. Jeri' ronojel ri cabano utz quel na.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Josue 11:15

Ri Ajawaxel xebuya' ri u takanic che ri Moises, are' chi c'u ri Moises xebuya' che ri Josue, ri xebutz'akatisaj conojel, man c'o ta c'u jun ri ma ta xutz'akatisaj.

Ri Josue 23:6

Chicojo' ba' i chuk'ab che u tz'akatisaxic ronojel ri cubij ri wuj re ri u pixab ri Moises; je u tz'akatisaxic chibana' jas ri tz'ibatalic.