Ri Josue 1:6 - Quiché Bible

⁶ Chachajij anima' xukuje' co chattac'alok, at c'ut catjachow na ri ulew che we tinimit ri', are' c'u echbal wa' ri xinchi'j chque ri e a mam,

Ri Josue 1:6 ပူးပေါင်းရင်းမြစ်များ

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Ucab Samuel 10:12

Chachajij anima', ka cojo' c'u ka chuk'ab che u to'ic ri ka nim tinimit xukuje' che qui to'ic tak ri u tinimit ri ka Dios. ¡Chubana' ba' ri Ajawaxel Dios jachique ri utz caril na!”

Nabe Ajawinelab 2:2

“Quinchaplej ri q'uisbal binem, jacha' ri caquiban conojel ri winak. Chachajij anima' chatux jacha' jun achi.

Nabe Tzijobelil 22:13

Ronojel utz quel na chawäch, we cacoj a chuk'ab che qui tz'akatisaxic tak ri u pixab xukuje' tak ri chomanic ri xubij ri Ajawaxel chi cuban ri Israel rumal ri Moises. ¡Chc'ol a chuk'ab xukuje' co chatc'olok; muban quieb a c'u'x mawi maxe'j awib!

Nabe Tzijobelil 28:10

Mäsach c'u pa a jolom chi are' ri Ajawaxel at u cha'om rech cayac jun nim ja ri cak'ijilax wi na. ¡Rumal ri', chachajij anima' chamajij ba ri chac!”

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Ucab Tzijobelil 15:7

Are c'u ri ix chixux cowilaj tak achijab mixchucchubic, quirik c'u na tojbal quech ri chac ri quebibano.”

Ucab Tzijobelil 20:11

Che c'u tojbal rech wa', camic are cäcaj quech'ojin kuc' che ka rokixic bic chrij ri ulew la, ri ulew ri xya' la chke jacha' che kechbal.

Ucab Tzijobelil 20:7

Ka Dios, lal xerokij la bic chuwäch ri tinimit la, Israel, ri winak ri e jekel cho we ulew ri' xa' c'u jumul xjach la pa qui k'ab ri e rija'lil ri Abraham, ri achil la.

Salmib 27:14

¡Chacu'ba' a c'u'x chrij ri Ajawaxel! ¡Chacojo' a chuk'ab, muban quieb a c'u'x! ¡Je', chacu'ba' a c'u'x chrij ri Ajawaxel!

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Ri Hajey 2:4

¡Chachajij anima', Zorobabel! ¡Chachajij anima', Jexu c'ämal qui be ri e cojol tabal tok'ob! Chichajij c'u anima' ix iwonojel, winak re ri ulew. Chixchacunok, in c'u c'o iwuc'. In, ri Ajawaxel, ri c'o ronojel u cuinem, quinjiquiba' u bixic.

Ri Zacariy 8:9

Are wa' ri cubij ri Ajawaxel ri c'o ronojel u cuinem: “Chebicojo' tak i chuk'ab, ix ri e i tom tak ri tzij ri e qui bim tak ri e k'axal tak tzij, kas pa ri k'ij aretak xecoj tak ri tac'alibal che ri u tz'akatisaxic u yaquic ri rachoch ri Ajawaxel ri c'o ronojel u cuinem.

Ajilanic 26:53

“Chquixo'l tak we winak ri' cäjach wi na ri ulew, je jas ri u cholajil ri cajilabal ri xelic.

Ajilanic 33:53

Chich'äca' ri ulew chixjekel c'u chupam, rumal rech chi ri in quinjach pa i k'ab rech quixc'oji' chupam.

1 Corintios 16:13

Chixc'asc'atok. Co chixc'ol pa ri i cojonic. Chc'ol nimalaj i chuk'ab, xukuje' co chixc'olok.

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

U Camulixic ri Pixab 1:21

Ri Ajawaxel, ri i Dios ix, cujach we ulew ri' chiwe. Chixpakal ba, chixoc che rechbexic jacha' ri u bim ri Ajawaxel, ri qui Dios ri e i mam. Mixe'j iwib, mawi muban quieb i c'u'x.’

U Camulixic ri Pixab 1:8

Ri in nu jachom we ulew ri' pa i k'ab; chic'ama' xukuje' chiwechbej ri ulew, ri in, ri Ajawaxel xinban ri chi'nic ri kas cäban na che u ya'ic chque ri e i mam, e are wa' ri Abraham, ri Isaac xukuje' ri Jacob, xukuje' chque ri e quija'lil.’ ”

U Camulixic ri Pixab 11:8

“Chebinimaj conojel ri takomal ri e nu yo'm chiwe camic, rech cäc'oji' i chuk'ab, quiwechbej c'u ri ulew ri quixoc che u ch'äquic,

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

2 Timoteo 2:1

Ri at, nu c'ojol, chatux co pa ri tok'ob ri c'o pa ri Crist Jesus.

Ri Josue 1:18

Ronojel ri catuc'ulelaj o man cunimaj ta joropa' ri cättakan wi, cacäm na. Xuwi cakatz'onoj chi chachajij anima' xukuje' co chattac'alok.”

Ri Josue 1:7

xuwi wa' ri quintz'onoj chawe chi sibalaj chachajij anima' xukuje' co chattac'alok, chatz'akatisaj c'u ronojel ri cubij ri pixab ri xuya' ri Moises ri pataninel wech chawe. Je chabana' jas ri tz'ibatalic rech utz quel na ronojel ri cabano.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Josue 10:25

xubij c'u ri Josue chque: “Man quixe'j ta iwib mawi maquieblaj i c'u'x; xa ne, chi chajij anima' co chixc'olok, je c'u xukuje' cuban na ri Ajawaxel cuc' conojel tak ri e i c'ulel.”

Ri Josue 13:6

Quebenwesaj bic ri sidonib chquiwäch ri aj israelib xukuje' ri e c'o pa tak ri c'ache'laj, kas ruc' ri Libano c'ä pa Misrepot-maim. Ri at are' chatoc il che ri jachanic chajacha' c'ut ri ulew pa qui k'ab ri aj israelib je jacha' ri takanic ri nu yo'm chawe.

Ri Josue 18:3

Xubij c'u ri Josue chque ri aj Israel: “¿Jas ri iweyem chi man ic'amom ta ri ulew ri yo'm che iwechbal rumal ri Ajawaxel, ri qui Dios ri e i mam?

Ri Josue 21:43

Jewa' xuban ri Ajawaxel che u ya'ic chque ri aj israelib ri ulew ri' ruc' chi'nic ri kas cäban na, chi cuya' chque ri e qui mam xquechbej c'ut xecanaj c'u can chila'.

Ri Josue 5:6

Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.

Nabe Samuel 4:9

¡Chicojo' ba' i chuk'ab, ajch'ojab aj pilisteyib rech man quixoc ta che pataninelab lok'om quech ri aj hebreyib, jas ri e uxinak e are' chiwe ix!”