Ri Josue 1:5 - Quiché Bible

⁵ Man c'o ta jun cacuin ta che a ch'äquic pa ronojel ri a c'aslemal, are' c'u ri in quinc'oji' na awuc' jacha' xinc'oji' ruc' ri Moises, man catinya' ta canok mawi jubik' catinwonoba' ta canok.

Ri Josue 1:5 ပူးပေါင်းရင်းမြစ်များ

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Nabe Ajawinelab 1:37

Jas c'u ri u c'olem ri Ajawaxel uc' la, je chc'ol ruc' ri Salomon, chubana' chi ri rajawibal chux nim na chuwäch ri ajawibal la, wajaw David.”

Nabe Ajawinelab 11:38

We c'u canimaj ronojel ri catintak che u banic quebux c'u colom ri e a banoj chnuwäch, we c'u quebatz'akatisaj tak ri e nu pixab xukuje' tak ri nu takomal, jacha' ri xuban ri David, ri pataninel wech, in quinc'oji' na awuc', quinban na chi quebenjekeba' na ri awalaxic pa ri ajawinic, jacha' ri xinban che ri David; quinjach c'u na ri Israel chawe.

Nabe Ajawinelab 8:57

Are c'u ri camic, ri Ajawaxel ri ka Dios chc'ol kuc' jacha' ri u c'olem cuc' ri e ka mam. Mujuwonobala' canok, mawi mujuya' canok,

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Elem 3:12

Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Ri Jeremiy 1:8

Maxe'j awib chuwäch apachin jun, quinc'oji' c'u na awuc' che a to'ic. In ri Ajawaxel quinya' ri nu tzij.”

Ri Daniel 11:16

Ri ch'äcanel cuban na jachique ri cäraj cuc' ri e ch'äctajinak, man c'o ta c'u jachin cäcuin ta che qui k'atexic, cäcanaj c'u na can pa ri Ulew re ri Je'lical, cusachisaj c'u u wäch ronojel ri curik pa ri u be.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

Romanos 8:37

Pune' cäkarik conojel we jastak ri', cujch'äcan na puwi' ronojel, rumal ri jun ri xujulok'ok'ej.

U Camulixic ri Pixab 20:1

“We aretak quixel bic che u banic ch'o'j chquij ri i c'ulel, quiwilo chi e c'o q'ui qui quiej, xukuje' qui carwaj re ch'o'j, xukuje' quiwilo chi e q'ui na ri cajch'ojab chquiwäch ri iwech ix, mixe'j iwib chquiwäch, are c'u ri ix c'o ri Ajawaxel ri i Dios iwuc', ri xixesan ulok pa Ejipt.

U Camulixic ri Pixab 20:4

c'o c'u ri Ajawaxel ri i Dios iwuc'; are' cutij na u chuk'ab cuc' ri i c'ulel cuya' c'u na ri ch'äcanic chiwe.’

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

U Camulixic ri Pixab 4:31

man quixutzak ta canok mawi cusachisaj i wäch, mawi casach ta ri c'ulwächinic pa u jolom ri xuban cuc' ri e i mam aretak xuban ri chi'nic ri kas cäban na.

U Camulixic ri Pixab 7:24

Ri e cajawinelab quebujach na pa i k'ab, ix c'ut quiban na chi man c'o ta chi jun cho ri uwächulew ri quenatan ta chic. Man c'o ta c'u jun chque cäcuinic cutac'aba' ta rib che u banic ch'o'j iwuc', quisach c'u na qui wäch conojel.

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Ri Josue 1:17

Amak'el cujniman na chawe, jacha' ri xkaban nabe xujniman che ri Moises. Xuwi wa' cakatz'onoj chi chatachilax rumal ri Ajawaxel ri a Dios jacha' ri xuban che rachilaxic ri Moises.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Josue 10:8

are' c'u ri Ajawaxel xubij che: “Maxe'j awib, quebenjach na pa a k'ab, man c'o ta jun chque ri cacuin ta che a ch'äquic.”

Ri Josue 21:44

Ri Ajawaxel xutz'akatisaj ri xuchi'j chque, xuya' c'u jamaril chque pa ronojel ri ulew. Ri e qui c'ulel man xecuin taj xech'ojin ta chi cuc', are' c'ut xyo'w ri Ajawaxel chque ri ch'äcanic paquiwi' ri qui c'ulel.

Ri Josue 3:7

Xubij c'u ri Ajawaxel che ri Josue: “Camic quinchaplej bic u nimarisaxic a k'ij chquiwäch ri aj israelib. Jeri' ri e are' caquil na chi in c'o awuc' jacha' ri xinc'oji' ruc' ri Moises.

Ri Josue 6:27

Ri Ajawaxel xuto' ri Josue, xjabun c'ut ri u tzijol ri Josue pa ronojel ri ulew.

K'atal tak Tzij 2:18

Ri Ajawaxel aretak cuwalijisaj jun c'amal be, cuto' we c'amal be ri'; joropa' junab cac'asi' ri c'amal be, are junab wa' quebuto' ri aj israelib pa qui k'ab ri qui c'ulel, quel u c'u'x chque aretak quebel ch'u'j, cäquirak qui chi' rumal ri c'ax ri caban chque.

K'atal tak Tzij 6:16

Ri Ajawaxel xubij che: “Catcuin che u banic quinc'oji' c'u na awuc', quebach'äc na ri aj madianib, jas ri cäban che u ch'äquic xa jun achi.”

Nabe Samuel 10:7

Aretak e a c'ulmam chi we jastak ri', chabana' ri takal u banic cawilo, catuto' c'u na ri Dios.