Ri Josue 1:4 - Quiché Bible

⁴ Quinya' na ri ulew chiwe ri cächaptaj bic pa ri chaki'j uwo sak xukuje' ri u c'ache'laj ri Libano quetakal c'ä pa ri nima' Euprats, carachilaj ri culew ri aj hititib, copan c'ä chuchi' ri Plo Mediteran.

Ri Josue 1:4 ပူးပေါင်းရင်းမြစ်များ

Nabe Ajawinelab 10:29

Jun carwaj ri quec'am ulok pa Ejipt rajil wakib sient (600) ch'akatak sak puak, are c'u ri jun quiej, jun sient ruc' cawinak lajuj (150). Conojel c'ut ri ajawinelab aj hititib xukuje' ri aj siriyab quequilok' cuc' ri e u tako'n ri Salomon.

Nabe Ajawinelab 4:21

Ri Salomon are' nim na u k'ij chquixo'l conojel ri ajawibal ri quechaptaj ulok chuchi' ri nima' Euprats quebetakal c'ä pa ri culew ri aj pilisteyib xukuje' c'ä pa ri u c'ulbatil ri Ejipt, ri xequitoj tak cuchuj ri xec'oji' c'u chuxe' ri u takanic ri Salomon joropa' k'ij ri xc'asi'c.

Nabe Tzijobelil 18:3

Ri David xukuje' xuch'äc ri Hadad-ezer, ajawinel re Soba, ri c'o chusuq'uil ri Hamat, aretak are ta xraj xbe che u majixic ri ulew ri c'o chuchi' ri nima' Euprats.

Nabe Tzijobelil 5:9

Pa ri elebal k'ij xopan c'ä chuchi' ri chaki'j uwo sak ri copan c'ä ruc' ri nima' Euprats, sibalaj c'u xepok'ataj ri rawaj pa ri ulew Galaad.

Ri Esdras 4:20

chi xec'oji' tak ajawinelab pa Jerusalen ri nimak tak qui cuinem ri xetakan puwi' ri ulew ri c'o pa ri u kajebal k'ij che ri nima' Euprats, ri xtoj ri takal u tojic pa qui k'ab, xukuje' tak ri tojbal.

Elem 23:31

Ri e a c'ulbat cächapletaj ulok chuchi' ri Quiäk Plo, quetakal c'ä chuchi' ri qui plo ri aj pilisteyib, cächapletaj ulok chuchi' ri chaki'j uwo sak quetakal c'ä chuchi' ri nima' Euprats. In e nu jachom we winak ri' pa a k'ab ri e c'o pa tak we ulew ri' quebaq'uiak c'u na bic chawäch.

U Camulixic ri Pixab 1:7

Chebimolo ba ri jastak iwech, jix pa tak ri qui juyub ri aj amoreyib xukuje' pa conojel tak ri ulew ri e c'o chquinakaj: ri Araba, ri ulew ri nojinak che c'ache'laj, ri lianic, ri Negueb, ri tak'aj, ri culew ri aj cananeyib xukuje' ri Libano, c'ä chuchi' ri nimalaj nima' Euprats.

U Camulixic ri Pixab 11:24

Jawije' ri quiya' wi ri iwakan, chila' quixcanaj wi. Ri e i c'ulbatil caquilic' quib kas chupam ri chaki'j uwo sak c'ä ruc' ri Libano, xukuje' kas chuchi' ri nima' Euprats c'ä ruc' ri Plo ri Mediteran.

U Camulixic ri Pixab 3:25

Bana' ba' la tok'ob chya' la chwe chi quink'ax ch'akäp che ri nima' Jordan, quinwaj quinwil ri utzalaj ulew, ri je'lalaj ulew ri c'ache'laj xukuje' ri Libano.’

Apocalipsis 9:14

Xubij ri ch'abal che ri uwak tako'n aj caj ri ruc'am ri u trompet: Chebaquira' ri quiejeb tako'nib aj caj ri e yutuyuj chuchi' ri nimalaj nima' Euprats.