Ri Josue 1:1 - Quiché Bible

¹ Aretak c'u cäminak chic ri Moises, ri pataninel rech ri Ajawaxel, xtzijon ri Ajawaxel ruc' ri Josue, u c'ojol ri Nun ri xtoban ruc' ri Moises, xubij c'u che:

Ri Josue 1:1 ပူးပေါင်းရင်းမြစ်များ

Nabe Ajawinelab 19:16

are' c'u ri Jehu, ri' u mam ri Nimsi, jacha' che ajawinel pa Israel; ri Elisey, u c'ojol ri Sapat, aj tinimit re Abel-mehol, chatasa' che a q'uexwäch.

Ucab Ajawinelab 3:11

Ri Josapat xc'otow chi'aj: “¿La ma ta c'o jun k'axal u tzij Ajawaxel waral, rech cakata' ka no'j che ri Ajawaxel rumal are'?” Jun chque ri qui nimal rajch'ojab ri Israel xubij: “C'o ri Elisey waral, ri u c'ojol ri Sapat, ri xux can to'l rech ri Eliy.”

Ri Nehemiy 8:17

Conojel c'ut ri q'uialaj winak ri xquiya' can ri Babilon ri xtzelej ulok xequiban tak cäbal, xec'oji' c'u chquipam, pa ri u k'ijol ulok ri Josue u c'ojol ri Nun, c'ä pa ri k'ij ri' man banom taj we jasach ri'. Xc'oji' c'ut jun nimalaj quicotemal.

Elem 24:13

Xwalij c'u ri Moises xpaki' puwi' ri u juyub ri Dios, rachilam ri Josue ri to'l rech.

Ajilanic 11:28

Are' c'u ri Josue (u c'ojol ri Nun) ri pa ri u c'ojolal are' to'l rech ri Moises, xubij: “¡Wajaw, Moises, chek'ila' la maquitakej u banic!”

Ajilanic 12:7

ruc' c'ut ri pataninel wech ri Moises man je ta quiban wa'. Are' ri sibalaj jic na chquiwäch conojel ri e nu pataninelab,

Ajilanic 13:16

E are' qui bi' wa' ri achijab ri xebutak bic ri Moises che retamaxic u wäch ri ulew. Ri Osey (u c'ojol ri Nun) xuq'uex ri u bi' xucoj c'u Josue che u bi'.

Ajilanic 13:8

ri Osey re ri ramak' ri Eprain (ri u tat ri Osey are' ri Nun);

Ri Lucax 16:10

Apachin ri jic chrij ri jubik', ri are' jic xukuje' chrij ri q'ui. Apachin c'u ri man suc' taj chrij ri jubik', xukuje' man suc' taj chrij ri q'ui.

Hechos 7:45

Ri e ka mam xquic'am we Lic'om Rachoch Dios ri' che echbal, e are' tak c'ut ri e achilaninak ri Josue xquic'am ulok cuc' aretak xeboc che qui ch'äquic ri culew ri jule' tak tinimit chic, ri xeburokij bic ri Dios chquiwäch. Je c'u xtakex u banic c'ä pa tak u k'ijol ri David.

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

U Camulixic ri Pixab 1:38

Are c'u coc na ri Josue ri to'l awech, che a q'uexwäch. (Ri u tat ri Josue are' ri Nun.) Chaya' chajin anima' che, are c'u cäjachow na ri ulew chque ri aj israelib.

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

U Camulixic ri Pixab 31:3

Are c'u ri Ajawaxel ri i Dios cänabej na chiwäch, conojel c'u ri nimak tak tinimit ri quebirik pa ri i be cusach na qui wäch, rech quiwechbej tak ri culew. Ri Josue are cänabej na chiwäch che c'amal i be, jas ri u bim ri Ajawaxel.

U Camulixic ri Pixab 33:1

Aretak xa co'l man cäcäm ri Moises, ri nimanel che ri Dios, xebutewichi'j ri aj israelib, je qui tewichi'xic wa' xubano.

U Camulixic ri Pixab 34:12

o ri cajunamataj ta ruc' ri cuinem xukuje' cuc' tak ri nimak tak banoj ri nimak qui banic ri xebuban chuwäch ronojel Israel.

U Camulixic ri Pixab 34:5

Jeri' ri Moises, ri pataninel re ri Dios xcäm pa ri ulew re Moab, jas ri u bim ri Ajawaxel,

U Camulixic ri Pixab 34:9

Ri Josue (u c'ojol ri Nun), xuc'am ri u no'j pa u k'ab ri Moises, ri Moises xuya' can ri u k'ab puwi' ri Josue; jeri' ri aj israelib xeniman che, je xquibano jas ri takanic ri u yo'm ri Ajawaxel che ri Moises.

Ri Tit 1:1

Ri in Pawl, in rajchac ri Dios xukuje' takom re ri Jesucrist, rech quecojon na ri winak ri e cha'tal rumal ri Dios, rech cäquetamaj ri kas k'ijilanic che ri Dios,

Santiago 1:1

In Santiag, u lok'om pataninel ri Dios xukuje' rech ri Ajaw Jesucrist, quinya' rutzil qui wäch ri cablajuj ramak' ri Israel ri qui jabum quib pa ronojel ri uwächulew.

Ri Josue 1:15

c'ä cuya' na ri Ajawaxel chque jun c'olbal re uxlanibal, jacha' ri xuya' chiwe, c'ä quebux c'u na ajchak'e ri ulew ri cuya' na ri Ajawaxel chque. C'äte c'u ri' ri ix cuya' quixtzelej pa tak ri e iwulew chupam we c'olbal ri' pa ri elebal k'ij che ri nima', rech kas xa jumul quixoc che rechbexic we ulew ri' ri xuya' ri Moises chiwe, ri pataninel rech ri Dios.”

Ri Josue 1:2

“Rumal c'u rech chi cäminak chic ri Moises ri pataninel wech, camic at ri rajawaxic catk'ax chupam ri nima' Jordan ruc' ronojel ri tinimit Israel, rech quixbe pa ri ulew ri quenya' chiwe.

Ri Josue 12:6

Ri Moises xukuje' tak ri aj israelib xech'äcow tak we ajawinelab ri', xuya' c'ut ri Moises ri culew che ri ramak' ri Ruben xukuje' che ri ramak' ri Gad xukuje' che pa niq'uiaj che ri ramak' ri Manases.

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.