Ri Jonas 1:3 - Quiché Bible

³ Ri Jonas ri are ta xnimanic, xane' xa' xa'nimaj chuwäch ri Ajawaxel xbec jawije' c'o wi ri elebal pa Jop, chila' c'u xurika' wi jun jucub ri benam cuban pa Tarsis; xutoj c'ut ri u c'amic bic xoc chupam ri jucub rech cäbe cuc' ri winak ri quebe pa Tarsis.

Ri Jonas 1:3 ပူးပေါင်းရင်းမြစ်များ

Chapletajic 3:8

Pa ri u benabal k'ij, ri achi rachil ri ixok xquito' chi ri Ajawaxel Dios cätajin cäwacat pa ri ticonijibal, pa ri jok'otaj aretak cajuch'ich' ri quiakik' re ri xk'ekal, xquic'u' quib chuwäch ri Dios xo'l tak ri che' ri e c'o pa ri ticonijibal.

Chapletajic 4:16

Xel c'u bic ri Cain chuwäch ri Ajawaxel, xec'ol pa Nod, ri ulew ri c'o pa elebal k'ij che ri Eden.

Nabe Ajawinelab 19:3

Ri Eliy aretak xuta' chi xak quieb tzij puwi', che c'u u to'ic ri u c'aslemal, xbe pa Beerseb ri c'o pa Juda chila' c'u xuya' wi can ri pataninel re.

Nabe Ajawinelab 19:9

Aretak xopanic, xoc chupam jun pec, chila' xroc'owisaj wi ri chak'ab. Xch'abex c'u rumal ri Ajawaxel, xubij c'u che: “¿Jas caban waral Eliy?”

Ucab Tzijobelil 2:15

Rumal ri' wajaw, taka' la ulok chque ri pataninel tak ech la ri trico ri sebad, ri aseit xukuje' ri u wa'l uva ri chi'm la u ya'ic.

Ucab Tzijobelil 2:16

Are c'u ri uj cakachap quesaxic conojel tak ri che' pa ri Libano ri quebajwataj che la, quekac'am c'u na bic che la puwi' ri plo pa tak jucub, c'ä pa Jop. Lal chi c'ut catakan la che u c'amic bic pa Jerusalen.”

Ucab Tzijobelil 9:21

quebec'uya' ri e u jucub ri ajawinel pa Tarsis cuc' ri achijab ri e pataninel tak rech ri Hiram, quetzelej c'u ulok chu ox ox tak junab, quebequic'ama' ulok k'an puak, sak puak, marpil, c'oyab xukuje' tak e u juyubal no's ri cotz'i'j tak quij.

Ri Esdras 3:7

Xya' c'u ri puak chque ri yacal tak ja xukuje' chque ri ajanelab, wa, uq'uia' xukuje' aseit chque ri winak aj Tir xukuje' aj Sidon, rech c'ä pa ri Libano quec'am wi ulok che' re chacalte' puwi' ri plo queyok c'ä pa Jop, je c'u wa' ri xuya' ri Sir, ajawinel re Pers, chi caquibano.

Ri Job 1:12

Ri Ajawaxel xutzelej u bixic che ri tzujunel: “Je', chabana' ri cawaj cuc' conojel ri jastak rech ri Job, machap c'u ne ri are'.” Xel c'u bic ri tzujunel chuwäch ri Ajawaxel.

Ri Job 2:7

Ri tzujunel xel bic chuwäch ri Ajawaxel, xutak c'u jun c'axalaj yabil chrij ri u tz'umal ri Job ri xuch'uk kas pa u jolom c'ä pa rakan.

Salmib 107:23

Xebe tak ri ajc'ayib puwi' ri plo, quexulic quepaki' ri qui jucub puwi' ri plo,

Ri Isaiy 2:16

chquij conojel ri cäquina' quib chi e junam cuc' ri jucub re Tarsis, o jucub ri sibalaj e rayibal.

Ri Isaiy 23:1

Cäya' u bixic ri cuc'ulmaj na ri Tir: Ri e jucub aj Tarsis quech'ikowic rumal rech chi ri oquibal ri quebopan wi sachinak chquiwäch. Ri oquibal ri cäban wi opanem pa Chipr yojim chic.

Ri Isaiy 23:10

Tinimit aj Tarsis, chixoc che u tajixic ri ulew, sachinak c'u qui wäch ri queban wi tak ri jucub.

Ri Isaiy 23:6

Cäquibij na: “Jix pa Tarsis, chiq'uisa' iwib che ok'ej, aj tak'ajalib.”

Ri Isaiy 60:9

E jucub ri e petinak junam, cachil ri jucub re Tarsis ri e nabejinak ulok chquiwäch, naj e petinak wi e qui c'amom ulok ri awal, cuc'am ri qui k'an puak xukuje' ri qui sak puak, che u ya'ic u k'ij ri Ajawaxel, ri Tastalicalaj u Dios ri Israel ri xunimarisaj a k'ij.

Ri Jeremiy 10:9

Ri e qui diosib e xa' sak puak ri c'amom ulok pa Tarsis xukuje' k'an puak aj Upas; jastak ri e banom cumal josol tak diosib, xukuje' ch'ayal tak sak puak cojom c'u tak catz'iak morato xukuje' quiäk. Conojel e banom cumal nawinelalaj josol tak diosib.

Ri Ezequiel 2:8

Kas chatoc il che ri quinbij chawe, matux c'u man at nimanel taj jacha' ri e are'. Chajaka' ri achi' chatija' c'ut ri quinya' na chawe.”

Ri Ezequiel 27:12

Sibalaj c'u nim ri a k'inomal, chi ri Tarsis cac'ayinic xukuje' calok'oman awuc', che u q'uexwäch ri cac'ayij che cuya' sak puak, sak ch'ich', xukuje' räxmamaj ch'ich' chawe.

Ri Ezequiel 3:14

Ri u cuinem ri Dios xinuwalijisaj, xinresaj c'u chila', ri in xinbe ruc' bis xukuje' in c'äyirinak, co c'u in u chapom bic ri u k'ab ri Ajawaxel.

Ri Jonas 1:10

Ri Jonas xutzijoj chque ri achijab ri e aj jucub chi xa' cätajin canimaj chuwäch ri Ajawaxel, we achijab ri', aretak xquito aretak c'u xquilo chi ri plo xa' sibalaj cätajin cach'ujiric, xquina' jun nimalaj xe'n ib xquic'ot u chi': “¿Jasche je a banom wa'? ¿Jas ri ya'talic cakaban chawe rech cäjamar ri plo?

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Ri Lucax 9:62

Ri Jesus xubij che: “Jun winak, aretak u cojom chic ri u k'ab che ri u tajibal, we cäca'y chrij, ri are' man takal ta che ri rajawibal ri Dios.”

Hechos 15:38

Are c'u ri Pawl xuchomaj chi man utz taj cäquic'am bic we achi ri' che cachil, rumal rech chi xutas can rib chquij pa Panpil, man xerachilaj ta bic pa ri chac.

Hechos 26:19

“Rumal ri', nim ajawinel Agrip, man xinux ta ma ta nimanel che ri aj chicajalaj c'utwächinic.

Hechos 9:36

Pa ri tinimit Jop c'o jun cojonel chuchu' Tabit u bi', pa ri ch'abal grieg u bi' Dorcs. We chuchu' ri' amak'el cuban utzalaj tak chac, cuya' tak ri cajwataj chque ri mebayib.

Hechos 9:38

Ri tinimit Lid nakaj c'o wi che ri tinimit Jop. Ri cojonelab, aretak xquito chi c'o ri Lu' pa Lid, xequitak bic quieb achijab che u bixic che: “Chpeta la pa Jop chanim.”

Hechos 9:42

Xetamax c'u wa' pa ronojel ri tinimit Jop. E q'ui xecojon che ri Ajawaxel.

Hechos 9:43

E q'ui k'ij xcanaj can ri Lu' pa Jop cho rachoch jun achi Simon u bi', k'ulul rismal tz'um.

1 Corintios 9:16

Man quinnimarisaj ta wib rumal ri u tzijoxic ri utzalaj tak tzij. Rajawaxic c'ut chi quintzijoj. ¡Tok'ob nu wäch we man quintzijoj ri utzalaj tak tzij!

2 Tesalonicenses 1:9

Ri e are' cäquirik na ri u tojbalil ri qui mac. Cäsach na qui wäch chbe k'ij sak, quetastaj na chuwäch ri Ajawaxel, naj queya' wi na che ri u juluwem xukuje' ri u chuk'ab.

Ri Josue 19:46

ri Mejarcon xukuje' ri Racon, rachil ri ulew ri c'o chuwäch ri Jop.