Ri Joel 3:9 - Quiché Bible

⁹ Chiya' u bixic wa' chque ri nimak tak tinimit; ¡Chik'alajisaj ri tastalicalaj ch'o'j! ¡Chesiq'uix ri cowilaj tak achijab! ¡Chepetok chebequich'äca' ri e banal tak ch'o'j!

Ri Joel 3:9 ပူးပေါင်းရင်းမြစ်များ

Salmib 96:10

Chibij chque ri nimak tak tinimit: “¡Ri Ajawaxel are ajawinel!” Are' xjekeban ri uwächulew rech man cäslab taj; junam cuban che u k'atic tzij paquiwi' tak ri tinimit.

Ri Isaiy 34:1

Chixkeb ulok, tak tinimit, che tatabenic; nimak tak tinimit, chixoc il che tatabenic. Chutatabej ri ulew xukuje' ronojel ri c'o chuwäch, ri uwächulew xukuje' ronojel ri cuq'uiyisaj.

Ri Jeremiy 31:10

Nimak tak tinimit, chitatabej ri u tzij ri Ajawaxel chiya' u bixic pa ri naj tak tak'aj: ‘Ri Ajawaxel xujabuj ri Israel, cumulij c'u na cuchajij c'u na jacha' ri cuban ri ajyuk' che qui chajixic tak ri e u chij.’

Ri Jeremiy 50:2

“Chiya' retamaxic wa', chiya' retamaxic chquixo'l ri nimak tak tinimit. Chiwalijisaj ri etal re u ya'ic tzijol; c'o mic'u' canok. Chibij: ‘¡Ri Babilon xch'äcatajic! ¡Ri dios Bel xcanaj pa q'uixbal, ri dios Marduc xch'äcatajic! ¡Ri e u diosib ri xa' e subunelab tak diosib, xecanaj pa q'uixbal xech'äctajic!’

Ri Jeremiy 51:11

Ri Ajawaxel are caraj cusachisaj u wäch ri Babilon, u c'asum c'u pa qui jolom tak ri ajawinelab re Med we junam chomanic ri'. Are c'u rajil c'axelal wa' cuya' ri Ajawaxel u mac rech ri xquiban che ri rachoch. ¡Chebisuc'umaj tak ri ch'ab! ¡Chebiwuc'aj tak ri i quetecak tak i ch'ich'!

Ri Jeremiy 51:27

¡Chyok pa ri ulew ri etal re ch'o'j! ¡Chiwok'esaj ri trompet chebisuc'umaj c'ut ri nimak tak tinimit che u banic ch'o'j ruc' ri Babilon! ¡Chebiwalijisaj chrij are' ri e Ajawibal re Ararat che u banic c'ax che, ri Min xukuje' ri Askenaz! ¡Chiya' rekle'n jun qui nimal ajch'ojab rech cuc'am u be ri ch'o'j! ¡Chebinabejisaj ri ajquiejab ri e jacha' sac' ri e c'anarinak!

Ri Jeremiy 6:4

Ri e qui c'ulel caquibij: “¡Chisuc'umaj iwib che u banic ch'o'j ruc'! ¡Tisaj, chujch'ojin ruc' pa tiq'uil k'ij! ¡Sibalaj c'u tok'ob ka wäch!, benak chic ri k'ij, ri nanoch' e yukyubinak.

Ri Ezequiel 38:17

In, ri Ajawaxel, quinbij: At ri' ri at nu bim ulok pa ri ojer tak k'ijol ri e oc'owinak, aretak xinch'aw cumal tak ri pataninel tak wech ri e k'axal tak nu tzij pa Israel; ri e are' xquiya' can u bixic pa ri k'ijol ri' chi ri in quinban na chawe chi catpe che u banic ch'o'j ruc' ri Israel.’ ”

Ri Ezequiel 38:7

Chasuc'umaj awib, chawika' awib, at xukuje' ri e a wäch banal tak ch'o'j ri e awachilam; chattakan paquiwi'.

Ri Miquey 3:5

Ri nu tinimit e u takem tak ri be ri man e are taj qui mac quech tak ri e k'axal tak tzij ri quesubuwic, ri caquibij chque ri quetzukuwic chi c'o jamaril jachin tak c'ut ri man cäcaj taj quequitzuku caquibij chque chi cäpe ri ch'o'j paquiwi'. Ri Ajawaxel cubij chque tak we e k'axal tak tzij ri':

Ri Hajey 2:7

Quenbana' na chi quebeyicop conojel ri nimak tak tinimit quequic'am c'u na ulok tak ri qui k'inomal, canoj c'u na ri wachoch che juluwem.” Ri Ajawaxel ri c'o ronojel u cuinem cäjiquiban u bixic:

Ri Zacariy 14:2

Pa ri k'ij ri' ri Ajawaxel quebumulij na conojel tak ri nimak tak tinimit, rech quech'ojin ruc' ri Jerusalen. Cach'äc c'u na ri tinimit, catolobax na ri u pa tak cachoch, quek'oyi na ri achijab cuc' ri e ixokib, quec'am c'u na bic pa niq'uiaj chque conojel ri winak ri e c'o chupam ri tinimit. Xuwi ri quieb oxib quecanaj na canok chupam.

Ri Zacariy 14:3

Chanim c'ut quel na ulok ri Ajawaxel che u tijic u chuk'ab cuc' tak we nimak tak tinimit ri', jacha' ta ne ri cutij u chuk'ab chupam ri k'ij re ri ch'o'j.