Ri Joel 3:6 - Quiché Bible

⁶ Naj, xebic'am wi bic tak ri winak aj Juda, xukuje' tak ri aj Jerusalen, xebic'ayij c'ut jacha' ta ne lok'om tak pataninelab chque ri aj gresib.

Ri Joel 3:6 ပူးပေါင်းရင်းမြစ်များ

Ri Ezequiel 27:13

Xukuje' ri Gres ri Tubal xukuje' ri Mesec quelok'omanic xukuje' quec'ayin awuc', caquichi'j lok'om pataninelab chawe che tojbal xukuje' jastak re k'an ch'ich'.

Ri Joel 3:3

Xquijach ri nu tinimit chquij ri quequitaklej, xebequic'ayij ri alaj tak alabom xukuje' ri alaj tak alitomab, xequisacha' c'ut ri puak che u lok'ic u wa'l uva xukuje' che qui tojic tak ixokib quech nim ch'utin.”

Ri Joel 3:8

Quebenc'ayij na tak ri e i c'ojol xukuje' tak ri e i mia'l chque tak ri aj judeyib, rech e are' quebec'ayin chque ri uj Sebeyib, winak ri naj e c'o wi tak ri culew. In, ri Ajawaxel, nu yo'm u bixic.”

Ri Zacariy 9:13

Nu tanim ri nu q'uiakbal ch'ab re ch'o'j, ri are' ri Juda, nu cojom c'ut ri nu ch'ab che, ri are' ri Eprain. Chawe Sion quinban na chi catux jun ch'ich' re ch'o'j, queben walijisaj na ri e a c'ojol che u banic c'ax chque ri e qui c'ojol ri aj Gres.”

U Camulixic ri Pixab 28:32

Kas chawäch ri e a c'ulel quequijach na bic ri e a c'ojol xukuje' tak ri a mia'l pa qui k'ab jule' tak winak chic, ronojel k'ij c'ut carayij rilic qui wäch man c'o ta c'u jas catcuin che u banic.

U Camulixic ri Pixab 28:68

Pune' ta ri Ajawaxel xubij chawe, man cattzelej ta chi jumul pa ri be ri cäbe pa Ejipt, cuban c'u na chawe chi pa tak jucub cattzelej chi jumul chila', catec'ayix can pa qui k'ab ri e a c'ulel; man c'o ta c'u jachin jun ri cäraj taj catulok'o.”