Ri Joel 3:5 - Quiché Bible

⁵ Ri ix xiweläk'aj ri nu sak puak xukuje' ri nu k'an puak, xebic'am tak bic ri e nu k'inomal xebiya' chquipam tak ri e cachoch tak ri e i diosib.

Ri Joel 3:5 ပူးပေါင်းရင်းမြစ်များ

Ucab Ajawinelab 12:18

Are' c'u ri Joas, ajawinel re Juda, xebumajij conojel ri chaconisan ri e qui tasom can tak ri ajawinelab che k'ijilanic ri Josapat, ri Joram xukuje' ri Ocoziy, ri xebajawin can nabe chuwäch puwi' ri Juda xukuje' xuc'am ri kas are' tasowinak, c'o chi c'u wi na ri' ronojel ri k'an puak ri xriktaj chupam ri rachoch ri Dios xukuje' ri c'o chupam ri rachoch ri ajawinel, ronojel c'ut xa' jun xuban che xutak bic che ri Hazael, xutanaba' c'ut u banic ch'o'j wa' ruc' ri Jerusalen.

Ucab Ajawinelab 16:8

Ri Acaz, xumajij ri sak puak xukuje' ri k'an puak ri c'o chupam ri rachoch ri Ajawaxel xukuje' ri k'inomal ri c'o chupam ri rachoch ri ajawinel, xebutak bic wa' jacha' jun sipanic che ri ajawinel re Asiriy,

Ucab Ajawinelab 24:13

Xuchaplej c'ut ri Nabucodonosor quesaxic conojel ri k'inomal ri e c'o chupam ri rachoch ri Ajawaxel xukuje' ri c'o chupam ri rachoch ri ajawinel je, jacha' ri u yo'm u bixic ri Ajawaxel, xebupaxij conojel ri jastak re k'an puak ri xebuban can ri Salomon ri ajawinel re Israel che ri rachoch ri Ajawaxel.

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Ri Jeremiy 23:7

Ri Ajawaxel cujiquiba' u bixic: “Quepe tak na ri k'ij aretak man cäquiban ta chic ri chi'nic ri kas cäban na, cäquibij: ‘Rumal ri u c'aslemal ri Ajawaxel, ri xebesan ulok ri aj israelib pa Ejipt’,

Ri Jeremiy 50:28

(Winak ri xebanimaj ulok pa Babilon xebopan pa Sion caquitzijoj tak ri xuban ri Ajawaxel ri ka Dios chi u yo'm ri rajil u q'uexelal che ri Babilon rumal ri xuban are' che retzelaxic ri rachoch Dios.)

Ri Jeremiy 51:11

Ri Ajawaxel are caraj cusachisaj u wäch ri Babilon, u c'asum c'u pa qui jolom tak ri ajawinelab re Med we junam chomanic ri'. Are c'u rajil c'axelal wa' cuya' ri Ajawaxel u mac rech ri xquiban che ri rachoch. ¡Chebisuc'umaj tak ri ch'ab! ¡Chebiwuc'aj tak ri i quetecak tak i ch'ich'!

Ri Ezequiel 37:12

Je ba' ri', chebach'abej pa ri nu bi', chabij c'u chque: ‘Are wa' cubij ri Ajawaxel: Nu tinimit quebenjaka' tak ri ix mukutal wi; quixinwesaj ulok chquipam quinban chiwe chi quixtzelej pa ri ulew Israel.

Ri Daniel 11:38

Are c'u cuk'ijilaj na ri dios quech tak ri chuk'ab; cuya' na u k'ij we dios ri' ri man xk'ijilax taj cumal ri e u mam, cuchi'j c'u na k'an puak, sak puak, abaj ri pakal cajil xukuje' niq'uiaj jastak chic ri nimak qui k'ij.

Ri Abdiy 1:17

Are c'u ri juyub Sion cux na jun c'olbal ri tastalic jawije' ri quecuin wi na jujun caquito'tajisaj wi na quib. Ri e rija'lil ri Jacob quetzelej chi na pa tak ri culew;