Ri Joel 2:3 - Quiché Bible

³ Quejunamataj ruc' ri k'ak', ri ronojel cujarisaj; ri caporon chic c'a maja' coc'owic xukuje' c'une' aretak oc'owinak chic. Ri ulew, aretak c'a maja' quebopanic are jun ticonijibal ri sibalaj je'lic, aretak quebec cajunamataj chi can ruc' jun chaki'j uwo sak. ¡Man c'o ta jas ri cäto'taj ta can cumal!

Ri Joel 2:3 ပူးပေါင်းရင်းမြစ်များ

Chapletajic 13:10

Ri Lot xca'y apan che ronojel ri u beya' ri nima' Jordan xril c'ut chi, c'ä pa ri alaj tinimit Zoar, ri beya' e c'o q'ui ja' chupam jacha' jun ticonijibal cotz'i'j. Xa co'l man cajunamataj ruc' ri Ejipt. (Wa' je u banic nabe c'ä mäjok chesachisax qui wäch ri tinimit ri Sodom xukuje' ri Gomor rumal ri Ajawaxel.)

Chapletajic 2:8

Ri Ajawaxel xusuc'umaj jun ticonijibal chupam ri ulew Eden ri c'o pa elebal k'ij, chila' xuya' wi ri achi ri xbantaj rumal.

Salmib 50:3

Ri ka Dios cäpetic, man xak ta c'u chi jeri': nabejinak jun k'ak' chuwäch ri cäsachan wächaj; terenetal rumal jun xibibalalaj cakulja.

Salmib 97:3

ri k'ak' nabe chuwäch quebuporoj c'u ri c'ulel ri quenakajin che.

Elem 10:15

xquich'uk c'u u wäch ronojel ri ulew, man cäk'alajin ta chic ri ulew ri cätac'alexic, xequitij ronojel ri tico'n, ronojel ri qui wächinic ri che' ri xeto'taj can rumal ri sakbach. Man c'o ta jun räx k'ayes xcanaj can pa jun c'olbal pa ronojel ri Ejipt: mawi cho ri ulew, mawi paquiwi' tak ri che'.

Elem 10:5

cäquich'uk u wäch ri ulew, mawi c'u cäk'alajin chic ri ulew. Cäquiq'uis na u tijic ri man xsach ta u wäch rumal ri sakbach, xukuje' quequikul na conojel tak ri che' ri e c'o pa tak ri juyub.

Ri Isaiy 14:17

ri xutz'iniba' can ri uwächulew jacha' jun chaki'j uwo sak, ri cusach qui wäch ri tinimit tak, man quebutor ta c'ut ri e c'o pa che'?’

Ri Isaiy 15:6

Ri e u c'ua' ri Nimrim e chaki'jarinak, ri k'ayes yututurinak, xecäm tak ri che', man canajinak ta jun u xak che' räx.

Ri Isaiy 33:4

ri e qui c'ulel e jacha' jun sutz' sac', cäquiq'uiak quib chquij cäquimaj ri qui k'inomal.

Ri Isaiy 51:3

Ri in quinban na utzil che ri Sion, ri tinimit ri yojyobinak ronojel. Quebenjalwächij na chaki'j tak ulew ri e c'o pa ri chaki'j uwo sak pa jun ticbal cotz'i'j. Jacha' ri ticonijibal cotz'i'j ri xusuc'umaj ri Ajawaxel pa Eden. Chila' cäc'oji' wi na utzil, xukuje' quicotemal, bix re k'ijilanic xukuje' rok'ebal k'ojom.

Ri Isaiy 9:18

Ri etzelal cuban nimak tak c'ax jacha' ri cuban jun k'ak' ri cusach u wäch ri q'uix xukuje' tak ri k'ayes, xukuje' man c'ax ta cuban che qui poroxic tak ri che' ri e c'o pa ri c'ache'laj, quebuq'uiak chicaj pa ri quiakik' pa ri u chuk'ab ri sutinel sib.

Ri Isaiy 9:19

Rumal ri royowal ri Ajawaxel ri c'o ronojel u cuinem ri tinimit cätajin cänicowic, ri k'ak' cusach u wäch ri tinimit cäquitij ri qui ti'jal ri calc'ual, man quel ta qui c'u'x chque ri cachalal. Waral c'o jun ri cubik'ila' ri u wa, cäcanaj c'u ruc' numic, c'o chi apan jun jela' ri cäwa'ic man cänoj ta c'ut.

Ri Jeremiy 5:17

Quequitij na ri e u wäch tak ri e awulew, xukuje' ri a wa, quebequitij c'u ne na ri e a c'ojol xukuje' tak ri e a mia'l. Quebequitij tak na ri e a chij, ri e a wacax, ri e a uva xukuje' tak ri e a higo. Cuc' tak ri e qui ch'ojibal quequisachisaj na qui wäch ri tinimit tak ri e c'o nimak tak tapia chquij ri a cuban wi a c'u'x.”

Ri Ezequiel 36:35

Cäbix c'u na: We ulew ri' ri canajinak can chaki'j uwo sak, camic cäjunamataj chic ruc' ri ticonibal cotz'i'j aj Eden; tak ri tinimit ri e etzeletajinak, ri xekaj cho ri ulew e etzeletajinak xeya' canok, camic e uxinak jun ya'l chuk'ab e c'o chi winak chquipam.

Ri Amos 7:4

Are wa' ri xuc'ut ri Ajawaxel chnuwäch: Xinwilo xutak ulok jacha' ta ne c'äjisabal wächaj jun k'ak' lak'apunel, ri xuq'uis u tzajirisaxic ri nimalaj plo ri cho u pam xukuje' cätajin cuq'uis tzij paquiwi' tak ri juyub.

Ri Habacuc 1:6

Quebentakchi'j ri aj caldeyib chi chewalij che u banic ch'o'j e winak wa' abaj canima', ri xak e suc'umatal che u binibexic ronojel ri uwächulew che qui tokixic tak ulew ri man e quech taj.

Ri Zacariy 7:14

Rumal ri' xebenjabuj jacha' ta ne ri rumal jun salc'um chquixo'l conojel ri nimak tak tinimit ri man queta'm ta qui wäch, xcanaj c'u can ri culew chquij ri xq'uextaj pa jun chaki'j uwo sak ri man c'o ta jachin jun ri cacuin taj cäjeki' ta chila'. ¡Jun je'lalaj ulew, are c'u ri e are' xquijalwächij pa jun toloticalaj juyub ri man c'o ta chi cac'am che!”