Ri Joel 2:1 - Quiché Bible

¹ Chiwok'isaj ri trompet chupam ri juyub Sion; chiya' ri u bixic chupam ri tastalic u juyub ri Ajawaxel. Chebirbot conojel ri e jekel pa Juda, rumal rech chi nakaj chic c'o wi ri u k'ij ri Ajawaxel;

Ri Joel 2:1 ပူးပေါင်းရင်းမြစ်များ

Nabe Tzijobelil 15:28

Ronojel Israel je u c'amic bic wa' ri caxa re ri u c'ulwächinic ri Ajawaxel xequibano cuc' rakoj chi'aj, re quicotemal xukuje' ruc' rok'ibal tak ruc'a' chij, trompet, quetecak tak k'an ch'ich', tak ri nimalaj arp xukuje' alaj tak arp.

Salmib 119:120

Cäbirbit ri nu cuerp rumal xe'n ib chwäch la; ¡nim quebenwil wi ri pixab la!

Salmib 87:1

Ri e u tac'alibal ri u tinimit ri Dios e c'o paquiwi' ri e tastalicalaj tak juyub.

Elem 10:14

ri xquinojisaj ronojel ri ulew. Mawi jumul e c'olinak, mawi quec'oji' ta chi na, e q'uia sac' jacha' xec'oji' pa ri k'ij ri',

Ri Isaiy 13:6

Chirakala' i chi', rumal rech chi ri u k'ij ri Ajawaxel nakaj chic c'o wi, copan jacha' jun quek'enic ri c'o ronojel u cuinem.

Ri Isaiy 13:9

Xa co'l craj ri u k'ij ri Ajawaxel, jun xibibalalaj k'ij re oyowal xukuje' re k'ak'alaj c'anal, cuq'uex na ri uwächulew pa chaki'j uwo sak, cäq'uis na tzij paquiwi' conojel ri ajmaquib ri e c'o cho ri uwächulew.

Ri Isaiy 2:12

pa ri k'ij aretak ri Ajawaxel ri c'o ronojel u cuinem cuyac rib chrij ronojel winak ri cuban nimal Xukuje' ri cunimarisaj rib, xukuje' chrij ronojel winak ri cuna' rib chi nim u banic, che u mach'irisaxic;

Ri Isaiy 66:2

Kas in xebenban conojel we jastak ri', je c'u ri' xquichaplej qui c'olem. In, ri Ajawaxel, quinjiquiba' u bixic.” “Ri winak ri quinoc wi il are ri meba', ri u rikom c'ax ri nim cäril wi ri nu tzij.

Ri Isaiy 66:5

Chitatabej ri u tzij ri Ajawaxel, ix ri nim quiwil wi ri e u tzij: “Jujun i winakil, ri cäquetzelaj i wäch, ri cäquiban c'ax chiwe rumal rech chi quinataj ri nu bi', je cäquibij wa': ‘Chuc'utu' ri u juluwem ri Ajawaxel, cäkaj cäkilo chi quixquicotic.’ Are c'ut ri e are quemoxir canok.

Ri Jeremiy 16:10

Aretak chaya' u bixic we tzijol ri' che ri tinimit, caquic'ot na a chi': ‘¿Jasche u takom ulok ri Ajawaxel pakawi' we c'axc'ol ri' ri sibalaj nim? ¿Jas ri etzelal ri ka banom? ¿Jas ri macaj ri ka banom chuwäch ri Ajawaxel ri ka Dios?’

Ri Jeremiy 16:7

Man c'o ta jun quebuban ta ula'nic quech cäminakib che u cu'bisaxic ta qui c'u'x ri aj cäminakib, pune' ta ne are' cäcäm ri tataxel o ri nanaxel.

Ri Jeremiy 4:5

“Chiya' u bixic wa' pa Jerusalen xukuje' pa Juda, chijabuj u bixic ruc' rok'ibal trompet pa ronojel ri ulew, co chiraka' i chi' che u bixic: ‘¡Jo'! ¡Kamulij kib! ¡Pa tak ri tinimit ri e c'o tapia chquij!’

Ri Jeremiy 5:22

In, ri Ajawaxel quinbij: ¿La xa' man quina' ta iwib chnuwäch? ¿La xa' man quixbirbob ta chnuwäch in? In xincoj ri sanyeb che u c'ulbatil ri plo, jun c'ulbat ri man cäcuin ta ri plo coc'ow ta puwi'. Ri e u rekbala' xak lok' caquicoj qui chuk'ab quebel c'u ch'u'j, man c'u quecuin ta che u xalk'atixic.

Ri Ezequiel 12:23

Chabij ba' chque: ‘Are wa' ri cubij ri Ajawaxel: Ri in quenbana' na chi man quebebix ta chic we tzij pa Israel.’ Chabij chque xukuje' chi nakajininak chic ri k'ij ri quebetz'akat conojel ri jastak ri yo'm qui bixic pa ri c'utwächinic.

Ri Ezequiel 21:12

Are c'u ri at, winak, ¡charaka' achi', chatche'erenok, rumal rech chi q'uiakom chrij chi cucämisaj ri nu tinimit, conojel ri k'atal tak tzij ri e c'o pa Israel! E c'okotajinak chic chi quecämisax junam ruc' ri nu tinimit jeri' chebaya' tak t'oc chawe re c'axc'ol.

Ri Ezequiel 30:3

ri nakajin cubano; ¡Canakajin ri u k'ijol ri Ajawaxel! ¡Jun k'ijol wa' ri k'ekmuj, jun xibibalalaj k'ijol chque ri nimak tak tinimit!

Ri Ezequiel 33:3

Aretak c'u cäril ri yuxlenel chi quenakajin ri e rajch'ojab ri c'ulel che ri ulew, cärok'isaj ri trompet cuya' u bixic chque ri winak.

Ri Ezequiel 33:6

We c'u ri yuxlenel carilo quebopan ri e rajch'ojab ri c'ulel man curok'isaj ta c'u ri trompet che u ya'ic u bixic chque ri winak, quebopan ta c'u ri c'ulel caquicämisaj ta c'u jachin jun, wa' cäcäm na rumal ri u mac, are c'u ri u quiq'uel quintok'ij na che ri yuxlenel.’

Ri Ezequiel 7:10

¡C'o we k'ij ri'! ¡Ulinak chic! ¡Ulinak ri sachbal wächaj! Ri etzelal cäch'äcan pa conojel tak ri c'olbal sibalaj man ch'ijtajel ta chic ri etzelal ri cabanic.

Ri Ezequiel 7:12

Xopan ri jok'otaj, xpe ri k'ij. Mawi ri c'ayinel c'o ta jas caquicot wi, mawi ri lok'omanel jas ta che cabisonic. Quenc'äjisaj u wäch ri nimal ri cac'amow ri Israel ruc' oyowal.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Ri Daniel 9:16

Ajawaxel keta'm chi quel c'u'x la. Bana' la tok'ob chtasa' la ri oyowal la xukuje' ri c'anal la che ri Jerusalen, are c'ut ri tinimit la, ri tastalic juyub la. Conojel ri winak ri e re ri nimak tak tinimit cäquitze'j u wäch ri Jerusalen xukuje' ri e winak la, qui mac quech ri ka mac, xukuje' ri quech ri ka mam.

Ri Daniel 9:20

“Ri in xintakej qui k'alajisaxic ri nu mac xukuje' ri quech ri nu tinimit Israel, xebenjach c'ut ri nu bochi'nic chuwäch ri Ajawaxel ri nu Dios puwi' ri tastalic u juyub ri Dios.

Ri Osey 5:8

¡Chiwok'isaj ri uc'a' re ch'o'j pa Gabaa xukuje' ri trompet pa Rama! ¡Chicojo' ri xe'n ib pa Bet-aben! ¡Chitica' ri tuquinibal ib pa Benjamin!

Ri Osey 8:1

“Chawok'isaj ri trompet, jacha' yuxlenel ri cächajin puwi' ri u tinimit ri Ajawaxel. Rumal rech chi man qui tz'akatisam taj u banic ri nu c'ulwächinic quiwalijisam quib che u c'ulelaxic ri nu tijonic.

Ri Joel 1:15

¡Ay, cänakajin ri u k'ij ri Ajawaxel! ¡Xibibalalaj k'ij, ri cuc'am ulok sachoj wächaj pakawi' rumal ri c'o ronojel u cuinem!

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

Ri Joel 2:15

¡Chiwok'esaj ri trompet pa ri juyub Sion! Chisiq'uij ri tinimit chixtakenok chi man catij ta wa;

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Ri Joel 3:14

E c'o e q'uia winak chupam ri beya' re ri k'atan tzij, rumal rech chi nakaj chic c'o wi ri u k'ij ri Ajawaxel.

Ri Joel 3:17

“Ri ix quitzelej chi na iwib che retamaxic chi in ri' ri Ajawaxel ri i Dios, in jekel pa Sion, ri nu juyub ri tastalic. Ri Jerusalen cux na jun tinimit ri tastalic: mawi jumul cach'äc ta chi na cumal tak winak ri naj quepe wi.

Ri Amos 3:6

we cok' ri trompet chupam ri tinimit, ri winak caquina' quib; we c'o jun lawaloyil cäc'ulmataj chupam ri tinimit, xa' are' ri Ajawaxel ri' takowinak.

Ri Amos 5:18

¡Tok'ob qui wäch ri caquirayij chi chpet ri u k'ij ri Ajawaxel! ¿La iweta'm jas ri cux wa' we k'ij ri' chiwe? Cux na jun k'ij rech k'ekumalil man rech ta c'u sakilal.

Ri Amos 8:2

ri are' xuc'ot nu chi': “¿Jas ri cawilo Amos?” “Jun chicäch”, xincha'. Xubij c'ut ri Ajawaxel chwe: “Ri Israel chak'ajinak chic; man quensacha' ta chi u mac mawi ta chi ne jumul.

Ri Abdiy 1:15

Jacha' c'ut ri xaban chque niq'uiaj chic, je cäban na chawe: ¡Cac'am na ri takal chawe!” “Nakaj chic c'o wi ri u k'ij ri Ajawaxel chque conojel ri nimak tak tinimit.

Ri Soponiy 1:14

¡Nakaj chic c'o wi ri nimalaj u k'ij ri Ajawaxel! ¡Nakaj chic c'o wi, aninak petinak! Ri u tininem ri u k'ij ri Ajawaxel kas c'a na: ¡xukuje' c'u ne ri sibalaj e c'o na qui chuk'ab caquirak na qui chi'!

Ri Soponiy 1:16

cux na jun k'ij re trompet xukuje' re rakoj chi'aj che u banic c'ax chque ri tinimit tak ri e c'o tak tapia chquij xukuje' e tac'atak tak ja.

Ri Soponiy 1:7

¡Xak ba' chixyinil chuwäch ri Ajawaxel, rumal rech chi ri u k'ij ri Ajawaxel nakaj c'o wi! ¡Ri Ajawaxel u suc'umam jun tabal tok'ob e u tasom c'u tak ri e rula'!

Ri Soponiy 3:11

Pa ri k'ijol ri', nu tinimit, man catnoj ta chi na che q'uixbal che ta jun chque tak ri banoj ri xebac'ululebej wech, quebenwesaj c'u na chawe ri nimarisabal tak ib xukuje' ri banoj tak nimal, mawi chi c'u jumul quebac'ut ta chi na ri qui banic nimal chupam ri tastalicalaj nu juyub.

Ri Zacariy 14:1

Petem cuban ri u k'ij ri Ajawaxel, aretak ri quebatokij, Jerusalen, quejach na chawäch.

Ri Zacariy 8:3

Quintzelej c'u na pa Jerusalen, rech quinjekel chila'. Jicalaj Tinimit cuchi'x c'u na ri Jerusalen, are c'u ri u juyub ri Ajawaxel, ri c'o ronojel u cuinem, Juyub Tastalic cuchi'x na.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ajilanic 10:2

“Chabana' quieb trompet e sak puak ri e colomam ruc' bajibal, ri quebajwataj chawe che qui mulixic ri winak xukuje' che u ya'ic ri etal che u takexic ri qui be.

Ajilanic 10:3

Aretak quebok'isax ri quieb trompet, ronojel ri tinimit rajawaxic cumulij na rib chawäch, chuchi' ri oquibal chupam ri Lic'om Rachoch Dios re rikoj ib ruc' ri Dios.

1 Corintios 14:8

We ta ri trompet ma ta k'alaj ri rok'ebal, ¿jachin ta lo cusuc'umaj rib ri' che ri ch'o'j?

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

1 Tesalonicenses 5:2

Ix c'ut kas iweta'm chi ri u k'ij ri Ajawaxel, je u petic jas ri eläk'om chak'ab.

Santiago 5:8

Xukuje' ri ix chiweyej na. Co chicanajisaj ri iwanima'. Cäpe c'u na ri k'ij aretak cäpe ri Ajawaxel.

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

Apocalipsis 6:17

xopan c'ut ri nimalaj k'ij cäpe ri c'äjisabal wächaj. ¿Jachin ta lo ri cäcuinic cätaq'ui' ta chuwäch?”