Ri Joel 1:7 - Quiché Bible

⁷ U sachisam qui wäch tak ri e ticbal tak ka uva, u q'uisom tzij paquiwi' tak ri e u che'al tak ka higo, kas utz u ch'ololexic u banom c'ä xesakar na can tak ri e u k'ab.

Ri Joel 1:7 ပူးပေါင်းရင်းမြစ်များ

Salmib 105:33

Xebuk'aj tak ri qui uva, ri qui higo; ¡xebuk'aj tak ri juwi' tak che' pa Ejipt!

Elem 10:14

ri xquinojisaj ronojel ri ulew. Mawi jumul e c'olinak, mawi quec'oji' ta chi na, e q'uia sac' jacha' xec'oji' pa ri k'ij ri',

Elem 10:15

xquich'uk c'u u wäch ronojel ri ulew, man cäk'alajin ta chic ri ulew ri cätac'alexic, xequitij ronojel ri tico'n, ronojel ri qui wächinic ri che' ri xeto'taj can rumal ri sakbach. Man c'o ta jun räx k'ayes xcanaj can pa jun c'olbal pa ronojel ri Ejipt: mawi cho ri ulew, mawi paquiwi' tak ri che'.

Ri Isaiy 24:7

Ri u wa'l uva man kas ta cäriktaj ta chic, ri uva ri e tiquitoj cäquirik ul, ri quequicot nabe, sibalaj quebison chic.

Ri Isaiy 32:12

Chic'utu' iwib chi cäk'oxow ri iwanima' chque ri je'lalaj tak ulew, xukuje' ri sibalaj quewächin wi tak ri uva.

Ri Isaiy 5:6

quinwonoba' na canok. Man cäjosk'ix ta chic mawi quebok ri k'ayes chupam, cänoj na che q'uix xukuje' che itzel tak k'ayes. Quinbij na chque ri sutz' chi man cäquitak ta chi ulok ri jäb puwi'.

Ri Jeremiy 8:13

Ri Ajawaxel cujiquiba' u bixic: “Quenk'ata' ri nu tinimit jacha' ta ne trico. Mawi jun uva cäcanaj ta can puwi' ri u che'al, mawi jun higo cäcanaj ta can puwi' ri u che'al higo. Xuwi quecanaj can chaki'j tak u xak.”

Ri Osey 2:12

Quinsachisaj na qui wäch ri uva ri e u ticom xukuje' ri e u che'al tak u higo, ri xebubij: ‘E are tak tojbal wech wa' ri xequiya' tak ri wachijab chwe.’ Quinban na chque chi quebux patzapak tak che' quetijowisax c'u na cumal juyubal tak awaj.

Ri Joel 1:12

E chaki'jarinak tak ri uva ri e ticom sachinak qui wäch tak ri e qui che'al tak higo. Chaki'j xukuje' xecanaj can tak ri e qui che'al tak ri crabaj qui che'al tak tut qui che'al tak mansa'n xukuje' conojel tak ri che' ri e c'o pa tak ri ulew. ¡Rumal we c'ulmatajic ri' conojel ri winak quitzakom ri qui quicotemal!

Ri Amos 4:9

“K'ak'alaj tak quiakik' xinrapubej quech che u c'äjisaxic qui wäch xukuje' banbal tak c'ax, xinbano chi xechaki'jar tak ri e iwichaj xukuje' tak ri e i uva ri e i ticom ri sac' xequitij tak ri e u che'al tak ri i higo xukuje' tak ri e u che'al tak ri iwaseitun, ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Habacuc 3:17

C'äte c'u ri' quinnoj na che quicotemal rumal ri Ajawaxel ri nu Colonel. Quink'ijilan na che pune' man quecotz'ijan tak ri e qui che'al tak higo mawi chiquiya' ta qui wächinic tak ri juwi' tak uva xukuje' tak ri e qui che'al tak ri aseitun; pune' man e c'o ta chi wächinic pa tak ri juyub; pune' casach qui wäch ri jumulaj tak chij ma ta c'u ne e c'o chic wacax pa tak ri e qui cäbal.

Ri Malaquiy 3:11

Man quenya' ta c'u c'olbal chi cäsach qui wäch tak ri e i tico'n cumal tak ri ul xukuje' ri ticbal tak uva.