Ri Jeremiy 8:4 - Quiché Bible

⁴ “At, Jeremiy, chaya' u bixic we tzijol ri' che ri tinimit chi in quinbinic: ‘Aretak jun cätzakic, cawalijic; aretak cusach ri be, cätzelej chi jumul chupam.

Ri Jeremiy 8:4 ပူးပေါင်းရင်းမြစ်များ

Nabe Ajawinelab 8:38

chtatabej c'u la ronojel ch'awem ri cäban chwäch la, bochi'nic ri cäban rumal apachique winak, o cumal conojel ri tinimit Israel, aretak cäril ri u c'axc'olil xukuje' k'oxomal quebulic' c'u ri u k'ab che ri u banic ri ch'awem uc' la, chusuq'uil we rachoch Dios ri'.

E C'ambal tak Tzij 24:16

pune' c'u wukub mul catzakic, wukub mul cawalij chi na; are' c'u ri e banal tak etzelal quebik'taj na pa ri quiäkasakil.

Ri Isaiy 44:22

Ri in e nu sachom chi tak ri a sachinakil xukuje' tak ri a mac, jas ri cuban ri sutz' cäsachic. Chattzelej ulok wuc', at nu torom c'ut.”

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Jeremiy 23:14

In e wilom ri e k'axal tzij pa Jerusalen quequiban xibibalalaj tak jastak: quekaj pa mac ruc' jun winak chic xukuje' t'orinic, je tak caquiban wa' che quiya'ic tak chajin anima' chque ri banal tak etzelal rech man caquitanaba' ta u banic ri quetzelal. Ri e are' xukuje' tak ri winak ri e jekel chupam ri tinimit xak e junam tak qui banic wa' chwe jacha' ri Sodom xukuje' ri Gomor.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ri Jeremiy 3:22

Chixtzelej ulok wuc' walc'ual ri man ix nimanelab taj, ri in quixincunaj na che ri man i nimanic taj.” “Uj c'olic ri', cujnakajin chech la, rumal rech chi lal ri' ri Ajawaxel ri ka Dios.

Ri Jeremiy 36:3

Caraj ne coc pa qui jolom ri aj Juda conojel ri c'axc'ol ri quinchomaj u c'amic ulok paquiwi', caquiya' ta c'u canok ri itzel qui c'aslemal are c'u ri in quencuyu' ri quetzelal xukuje' tak ri e qui mac.”

Ri Jeremiy 4:1

Ri Ajawaxel cujiquiba' u bixic: “We cawaj cattzelejic, Israel, wuc' in rajawaxic cattzelej wi. We quebinajtajisaj ri e xawebal tak e diosib chawe man catas ta c'u awib chwij,

Ri Ezequiel 18:23

In man quinwaj taj chi cäcäm ri banal etzelal, xane' chuq'uexa' ri u c'aslemal chc'asal c'ut. In ri Ajawaxel, quinjiquiba' u bixic.

Ri Osey 14:1

¡Chattzelejok, Israel, ruc' ri Ajawaxel ri a Dios, at ri xattzak u mac rech ri a mac!

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Ri Osey 7:10

Ri nimal ri cac'ämow ri Israel are cäyo'w k'alajisanic chrij chi man utz ta c'olic. Ruc' ronojel wa', we winak ri' man xetzelej ta che u tzucuxic ri Ajawaxel ri qui Dios.

Ri Amos 5:2

Ri je'lic xukuje' ch'ajch'ojalaj Israel tzäkinak; xtzakic rech man cawalij ta chic jumul. Xliq'ue can puwi' ri kas rulew, man c'o ta c'u jachin ta cäwalijisanic.

Ri Miquey 7:8

Nim tinimit ri a banom a c'ulel chwe mat jajat che ri nu quiäkasakil, pune' ba', in tzakinak, quenewalij na; pune' in u mojcolim ri k'ekumalil, ri Ajawaxel are' nu chaj.