Ri Jeremiy 8:3 - Quiché Bible

³ Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Ri Jeremiy 8:3 ပူးပေါင်းရင်းမြစ်များ

Nabe Ajawinelab 19:4

Xbe c'ut chupam ri chaki'j uwo sak, jun k'ij c'ut xbinic, c'ä chuq'uisbalil xet'uyul chuxe' jun alaj che' ri nimak u xak. Sibalaj xurayij ri u cämical, xubij: “¡Chubana' wa', Ajawaxel! ¡Chesaj la ri nu c'aslemal, ri in man are ta in utz na chquiwäch ri e nu mam!”

Ri Jeremiy 23:3

Kas in c'ut quebenc'am na ulok tak ri e nu chij ri e to'tajinak pa tak ri ulew ri xinban wi chque chi xebanimaj wi bic, quebenmulij na quinban c'u na chque chi quetzelej na ulok chquipam tak ri quecha', rech sibalaj queq'uiyir tak na ri cal.

Ri Jeremiy 23:8

xane' queban na chi'nic ri kas cäban na, quecha': ‘Rumal ri u c'aslemal ri Ajawaxel, ri xebesan ulok ri e rija'lil ri Israel, pa ri ulew re ri riquiak'ab ri elebal k'ij xukuje' pa conojel ri jule' tak ulew chic jawije' tak ri xeben jabuj wi' tak.’ Quejeki' c'u na chupam ri kas culew.”

Ri Jeremiy 29:14

Je, in quinya' c'u na c'olbal chiwe chi quiniriko, quinban c'u na chi quinq'uex ri qui taklebej: quixinwesaj na chquixo'l ri nimak tak tinimit xukuje' pa tak ri c'olbal jawije' tak ri xixinjabuj wi, quixinmulij c'u na quinban c'u na chi quixtzelej chupam we c'olbal ri' ri xixinwesaj wi bic. In, ri Ajawaxel, quinjiquiba' u bixic.’

Ri Jeremiy 29:28

U takom c'u ne ulok jun wuj chke pa Babilon, ri je cubij wa' chupam: Ri i c'olem pa jun ulew chic sibalaj naj cäbeytaj na; chebiyaca' iwachoch chi jekeba' c'u iwib, xukuje' chebitica' wächinel tak che' chebitija' c'u tak ri qui wäch.’ ”

Ri Jeremiy 40:12

Conojel c'ut ri aj judeyib ri qui jabum tak quib pa jalan tak c'olbal xetzelej pa Juda xebe qui tac'aba' tak quib chuwäch ri Jedaliy pa Mizpa. Xukuje' ri e are' xequic'olo' u wa'l uva xukuje' ri qui wächinic tak ri ulew pa nimak tak mulaj.

Ri Jeremiy 44:2

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Ix xebiwil conojel ri nimak tak c'axc'ol ri e nu kasan puwi' ri Jerusalen xukuje' ri niq'uiaj tak tinimit chic aj Juda. Camic e yojyobinak man c'o ta jachin c'o ta chquipam

Ri Jeremiy 44:6

Xnicow c'ut ri woyowal xukuje' ri nu c'anal, xenicow c'ut jacha' jun k'ak' chquipam ri tinimit tak re Juda xukuje' pa ri u xo'l tak ja pa Jerusalen. E yojyobisam xukuje' e tolobam c'ä camic.

Ri Jeremiy 6:9

Ri Ajawaxel ri c'o ronojel u cuinem cubij: “Ri aj israelib ri quecanajic quetzucuxic xukuje' quetzuculax na, jacha' ri cäban che qui tzuculaxic tak ri uva chquixo'l tak ri e u k'ab c'ä man c'o ta jun uva cäcanajic.”

Ri Daniel 9:7

Ri lal Ajawaxel, lal suc', are c'u ri uj ri uj aj judeyib elinak ka q'uixbal camic; ri e jekel pa Jerusalen xukuje' ri niq'uiaj aj israelib chic, ri e c'o nakaj xukuje' ri e c'o naj, ri e jekel pa tak ri ulew ri xeq'uiak wi la bic rumal rech chi man xeniman ta che la.

Aj Levitib 26:33

Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Ri Amos 3:1

Israelib, chitatabej ri cubij ri Ajawaxel che ri tinimit ri xuresaj ulok pa Ejipt:

Ri Jonas 4:3

Rumal ri' Ajawaxel, quintz'onoj tok'ob che la chi chesaj la ri nu c'aslemal. Are utz na chwe chi quincämic chuq'uexwäch chi quintakej c'aslemal.”

Ri Miquey 2:3

Rumal ri' cubij ri Ajawaxel: “Xukuje' ri in e c'o tak nu chomanic chiwe. Quentaka ulok jun quiäkasakil piwi' ri man quixcuin ta wi quito'tajisaj ta ri i kul, man quixcuin ta c'ut quixbin ta chi na ruc' banoj nimal rumal rech chi e k'ijol tak wa' rech c'axc'olil.

U Camulixic ri Pixab 30:1

“Aretak quepe we jastak ri' piwi' ri e nu yo'm qui bixic chiwe, ri tewichi'nic xukuje' ri c'okonic ri e nu yo'm chiwe pa cha'ic, xukuje' quichomaj c'u tak quij chquij wa' pa ri nimak tak tinimit ri quixurokij wi na bic ri Ajawaxel ri i Dios,

U Camulixic ri Pixab 30:4

Pune' nabe ri e esam bic chiwe e jabutal pa tak ri c'olbal ri sibalaj naj e c'o wi cho ri uwächulew, kas chila' cuban wi na chque chi quetzelej na ulok ruc' ri Ajawaxel ri qui Dios, c'ä chila' quinbe wi na che qui tzucuxic ulok.

Apocalipsis 6:16

Xquibij chque ri juyub xukuje' chque ri nimak tak abaj: “Chixtzak ulok pakawi'. Chujiwawaj chuwäch ri t'uyul puwi' ri tem re ajawibal xukuje' chuwäch ri royowal ri Alaj Chij,

Apocalipsis 9:6

Pa tak ri k'ij ri' ri winak cäquitzucuj na ri qui cämical, man cäquirik ta c'ut. Sibalaj cäquirayij na quecämic, ri cämical canimaj c'u na chquiwäch.