Ri Jeremiy 7:2 - Quiché Bible

² “Chaya' awib chuchi' ri oquibal chupam ri rachoch ri Ajawaxel chaya' c'u retamaxic we takquil ri' chila': Winak iwonojel ri quixel pa Juda, ri quixoc'ow chi' tak we oquibal ri' che u k'ijilaxic ri Ajawaxel, chitatabej we takquil ri'

Ri Jeremiy 7:2 ပူးပေါင်းရင်းမြစ်များ

Nabe Ajawinelab 22:19

Xutik chi c'ut ri Micaiy: “Rumal wa' we bim la ri', chtatabej la ri cubij ri Ajawaxel: Xinwil ri Ajawaxel t'uyul puwi' ri u tem re ajawinel, xukuje' conojel ri e c'o chicaj ri e tac'atoj, chunakaj, pa ri u wiquiak'ab pa ri u mox k'ab.

Salmib 122:2

Jerusalen, ¡uj oquinak chic chquipam tak ri awoquibal!

Ri Isaiy 1:10

Takanelab re Sodom, chitatabej ri cubij ri Ajawaxel; tinimit re Gomor kas chaya' a xiquin che ri cuc'ut na ri ka Dios chawäch.

Ri Jeremiy 10:1

Chattatabenok, tinimit aj Israel, we tzijol ri' ri cutak u bixic ri Ajawaxel chawe.

Ri Jeremiy 11:6

Xubij c'ut ri Ajawaxel chwe: “Chaya' u bixic we tzijol ri' pa tak ri tinimit re Juda xukuje' xo'l tak ri ja pa Jerusalen. Chabij chque ri winak: ‘Chebitatabej jachique tak ri cubij ri c'ulwächinic, chebitz'akatisaj c'ut qui banic.

Ri Jeremiy 19:14

Bantajinak chi c'u wa', ri Jeremiy xtzelej ulok pa Topet, ri takom wi bic rumal ri Ajawaxel che tzijonem pa ri u bi', xutac'aba' c'u rib cho ri uwo ja rech ri rachoch Dios, xubij c'u che ronojel ri tinimit:

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Jeremiy 2:4

Rija'lil tak ri Jacob, achalaxic tak aj Israel, chitatabej ri u tzij ri Ajawaxel.

Ri Jeremiy 26:2

“Chattac'al chuwäch ri wachoch, chabij ronojel ri xatintak wi chi chabij chque ri winak ri e elinak ulok chquipam ri tinimit tak aj Juda che k'ijilanic chupam ri rachoch Dios. Man c'o ta catas canok ri ma ta chabij.

Ri Jeremiy 28:5

Ri k'axal tzij Jeremiy xutzelej u bixic che ri k'axal tzij ri Hananiy, chquiwäch ri e cojol tabal tok'ob xukuje' chuwäch ronojel ri tinimit ri cärik taj chupam ri rachoch Dios:

Ri Jeremiy 34:4

Pune' c'u jewa', chatatabej, Sedequiy, ajawinel re Juda, ri in, ri Ajawaxel Dios, ri quinbij na chawe: Man catcäm ta na rumal ch'ich' re ch'o'j.

Ri Jeremiy 36:10

Ri Baruc xbe chuwäch ri nabe uwo ja rech ri rachoch ri Dios, chuchi' ri C'ac' Oquibal, kas chuchi' ri alaj rachoch ri Jemariy, u c'ojol ri Sapan ri tz'ibal tzijol, xusiq'uij chuwäch ronojel ri tinimit, ri botobic wuj ri e tz'ibatal wi tak ri e u tzij ri Jeremiy.

Ri Jeremiy 36:6

Rumal ri', jät at pa ri k'ij aretak man c'o ta cätijowic, chasiq'uij c'ut ri xatz'ibaj chupam ri botobic wuj ri xinbij chawe, rech ronojel ri tinimit xukuje' conojel ri winak ri e c'o chupam ri tinimit tak re Juda ri e petinak waral, quitatabej ri u bim ri Ajawaxel.

Ri Jeremiy 44:24

Xubij chi c'ut ri Jeremiy che ronojel ri tinimit, kas c'u ne are chque tak ri ixokib: “Chitatabej we tzijol ri' ri u yo'm ri Ajawaxel chiwe, winak aj Juda ri jekel pa Ejipt.

Ri Jeremiy 7:1

Ri Ajawaxel xbe che u suq'uil ri Jeremiy, xubij c'u che:

Ri Ezequiel 37:1

Ri Ajawaxel xuya' ri u k'ab panuwi', xuban c'u chwe chi xinel bic in nojinak che ri u cuinem, xinuya' c'u pa jun beya' ri nojinak chque tak bak.

Ri Osey 5:1

“E cojol tak tabal tak tok'ob, chitatabej wa'; chaya' a xiquin tinimit re Israel; chixtatabenok ix ri ix aj uwo rachoch ri ajawinel: Piwi' ix cakaj wi na ri c'äjisabal wächaj ix c'u uxinak jun c'amibal ri cojom pa Mizpa, jun c'at ri lic'om puwi' ri juyub Tabor,

Ri Amos 7:16

Rumal ri' chatatabej ri u tzij ri Ajawaxel. Ri at cabij chwe: ‘C'o maya' u bixic pa u bi' ri Dios chi cuc'ulmaj na ri Israel, mawi c'o jas mabij chi cuc'ulmaj na ri rija'lil ri Isaac.’

Ri Miquey 1:2

Tinimit tak iwonojel, chitatabej wa'; ri e u winakil conojel ri ulew, kas chixtatabenok: Ri Ajawaxel c'ä pa ri tastalicalaj rachoch, cuya' na k'alajisanic che i c'ulelaxic.

Ri Miquey 3:1

Chixtataben camic, k'atal tak tzij xukuje' c'amal tak be pa Israel, ¿la ma ta pu ya'tal chiwe ix retamaxic jachique ri suq'uilal?

Ri Miquey 3:9

Chitatabej c'u wa' camic, k'atal tak tzij xukuje' e c'amal tak be pa Israel, ix ri itzel quiwil wi ri suq'uilal quijech'obisaj c'ut ronojel ri colom c'olic.

Ri Matey 13:9

Apachin ri c'o u xiquin chtatabenok.”

Ri Xuan 18:20

Ri Jesus xubij che: “Ri in xebentijoj conojel ri winak chi sakil. Amak'el xebentijoj chupam ri ja ri cäquitijoj wi quib ri aj judeyib che ri pixab xukuje' pa ri rachoch Dios, jawije' cäquimulij wi quib conojel ri aj judeyib. Man c'o ta c'u jas nu tzijom chi c'uyal.

Hechos 5:20

“Jix, chixetac'al pa ri rachoch Dios, chibij ronojel ri tzij re we c'aslemal ri' chque ri winak.”

Hechos 5:42

Ronojel k'ij c'ut quebe pa ri rachoch Dios, quebe cho tak ja, man cäquitänaba' ta ri qui tijonic, man cäquitänaba' ta ri u tzijoxic ri Jesus ri Crist, chque ri winak.

Apocalipsis 2:11

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, man curik ta c'ax rumal ri ucab cämical.’ ”

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”

Apocalipsis 2:29

Apachin ri c'o u xiquin, chutatabej ri cubij ri Uxlabaxel chque ri e comon cojonelab.’ ”

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”

Apocalipsis 3:13

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Apocalipsis 3:22

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Apocalipsis 3:6

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”