Ri Jeremiy 6:9 - Quiché Bible

⁹ Ri Ajawaxel ri c'o ronojel u cuinem cubij: “Ri aj israelib ri quecanajic quetzucuxic xukuje' quetzuculax na, jacha' ri cäban che qui tzuculaxic tak ri uva chquixo'l tak ri e u k'ab c'ä man c'o ta jun uva cäcanajic.”

Ri Jeremiy 6:9 ပူးပေါင်းရင်းမြစ်များ

Ri Jeremiy 11:23

Mawi ta c'u ne jun cäto'taj ta can chque, cäpe c'u na ri k'ij aretak quentok'ij na wa' chiwe ix, winak re Anatot, quinc'am c'u na ulok piwi' ix ri u c'axc'ol.”

Ri Jeremiy 16:16

In, ri Ajawaxel, quinjiquiba' u bixic, quenbana' chi quepe q'ui tak caranelab rech quequicarij ri aj israelib. Quenbana' c'u na chi quepe q'ui tak tzucunelab che quitzucuxic quequesaj c'u ulok pa conojel tak ri c'ache'laj xukuje' paquiwi' tak ri juyub xukuje' c'ä pa tak ri pec ri e c'o xo'l tak ri tzac'atzak tak abaj.

Ri Jeremiy 49:9

Aretak quemac tak ri uva, queya' can jutak tzayaj; aretak quepe ri eläk'omab chak'ab xuwi caquic'am bic ri cajwataj chque.

Ri Jeremiy 8:3

Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Apocalipsis 14:18

Jun chic tako'n aj caj, ri c'o takanic pa u k'ab puwi' ri k'ak', xel ulok cho ri porobal. Co xch'awic ruc' chuk'ab che ri c'o ri t'ist'icalaj u jos, xubij: “Chacojo' ri t'ist'icalaj a jos, chebamaca ri u wäch ri uva ri e c'o cho ri uwächulew, e chak' chic ri uva.”