Ri Jeremiy 51:5 - Quiché Bible

⁵ pune' ba' ri Israel xukuje' ri Juda e macuninak chnuwäch qui nojisam c'u ri culew che macaj, in, ri Ajawaxel, ri c'o ronojel u cuinem, ri Tastalicalaj u Dios ri Israel, c'ä maja' queben wonoba' ta canok.

Ri Jeremiy 51:5 ပူးပေါင်းရင်းမြစ်များ

Ucab Ajawinelab 21:16

Xak c'u qui wi' chic ri macaj ri xuban wi ri Manases chi xmacun ri Juda xukuje' ri itzel tak u banoj ri xebuban chuwäch ri Ajawaxel, sibalaj nim ri quic' ri xutix pa Jerusalen, ri man c'o ta u mac, chi xunojisaj ronojel ri Jerusalen che.

Ri Esdras 9:9

Pune' uj lok'om che pataninelab, man uj wonobam ta la canok chupam ri ka patanijic; c'utum la ri utzil la chquiwäch tak ri ajawinelab re Pers, yo'm c'u la ka c'aslemal che u banic u yaquic chi jumul ri achoch la ri etzelatajinak, ¡yo'm c'u la ri to'banic la chke pa Juda xukuje' pa Jerusalen!

Salmib 94:14

Ri Ajawaxel man cuwonoba' ta can ri u tinimit, mawi quebuya' ta can ri e rech qui tuquiel.

Ri Isaiy 44:21

“Israel, u tinimit ri Jacob, chnataj chawe chi ri at at pataninel wech, at ri at pataninel wech, in c'ut xatin nu c'u. Israel, minsach pa a jolom.

Ri Isaiy 51:15

In ri Ajawaxel ri a Dios, ri nu bi' are Ajawaxel ri c'o ronojel u cuinem in xinslaban ri plo xewalij c'u ri e u rekbala',

Ri Isaiy 62:12

Ri aj Israel quebuchix na: “Ri tastalicalaj tinimit”, “Ri e torom rumal ri Ajawaxel”, are c'u ri Jerusalen: “Tinimit ri rayibal u wäch”, “Tinimit ri man wonobam ta canok”.

Ri Jeremiy 14:19

Ajawaxel ¿La kas xa' jumul xutum la ri Juda? ¿La lal k'itajinak che ri tinimit Sion? ¿Jasche xujsoc la ri man c'o ta wi ka to'tajic? Keyem pok'otajic, man c'o ta c'u jun utzil opaninak ta kuc'. Keyem rutzil ka wäch, xuwi c'u xibim ib c'olic.

Ri Jeremiy 14:9

¿Jasche lal je ta ne jun winak ri ma ta cuch'obo jas ri cubano, jacha' jun banal ch'o'j ri man cäcuin taj cätobanic? Are c'u ri camic, Ajawaxel, lal c'o la chkaxo'l, conojel ri winak queta'm chi uj tinimit la; ¡man cujtzak ta la canok!

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ri Jeremiy 19:4

Rumal rech chi ri aj israelib xinquitzak canok xquijalwächij c'ut we c'olbal ri' pa jun ulew chic; chupam xquichi'j wi c'oc' k'ol chque tak ri e jule' diosib, ri man quetamam ta qui wäch mawi ri e are' mawi ri e qui mam mawi tak ri e ajawinelab re Juda, xquinojisaj c'u che qui quiq'uel winak ri man c'o ta qui mac.

Ri Jeremiy 23:15

Rumal ri' in, ri Ajawaxel ri c'o ronojel u cuinem, quinbij wa' we c'ax ri' ri caquikajbej tak na ri e k'axal tzij: Quenya' na jun c'ayilaj jasach chque pa tijic; quenya' na cuq'uia' ri c'o cämisabal chupam, rumal rech chi chque ri e k'axal tzij pa Jerusalen u lic'om rib ri etzelal pa ronojel ri ulew.”

Ri Jeremiy 31:37

We c'o jun k'ij ri quetataj ri caj xukuje' canic'ox ta c'ut ri u uwächulew c'ä chuxe', are k'ij ri' quinxutuj na ri Israel rumal ronojel ri u banom. In, ri Ajawaxel, quinjiquiba' u bixic.”

Ri Jeremiy 46:28

In, ri Ajawaxel quinjiquiba' u bixic: Maxe'j awib u tinimit ri Jacob, pataninel wech, rumal rech chi ri in in c'o awuc'. Quinsachisaj na qui wäch conojel ri nimak tak tinimit ri xatinjabuj chquixo'l. Are c'u ri at man quinsachisaj ta a wäch; xuwi catinjic' na jas ri rajawaxic chawe; man catinya' ta c'u can xak chi jeri' we ta mat quinc'äjisaj na a wäch.”

Ri Jeremiy 50:20

In, ri Ajawaxel, quinjiquiba' u bixic: Pa ri k'ijol ri', ri Israel xukuje' ri Juda man e c'o ta chic chak'maquil chquij, xukuje' macaj, rumal rech chi quinsach na qui mac ri quebenc'asba' canok.”

Ri Jeremiy 51:19

¡Sibalaj ba' nim u jalbem rib ri u Dios ri Jacob, banal re ronojel ri c'olic! Ri are' xucha' ri Israel rech cacanaj pa u k'ab. Ri Ajawaxel ri c'o ronojel u cuinem: are u bi' wa'.

Ri Ezequiel 8:17

Xubij c'ut ri Ajawaxel chwe: “¿La cawilo? ¡Man cubinak ta u c'u'x ri tinimit Juda ruc' ri qui banic we xojibalalaj tak jastak ri', ri e u nojisam c'ut ri ulew che qui banic tak tokinic! Jumul camul caquiyac woyowal, caquibano chi copan ri qui takakil pa nu tza'm.

Ri Ezequiel 9:9

Ri Ajawaxel xutzelej u bixic chwe: “Ri u mac ri tinimit Israel xukuje' ri rech ri Juda sibalaj nim. Ri ulew nojinak che q'ui u wäch il; ri tinimit nojinak che ri man suq'uil taj. Are pa qui c'u'x chi ri in nu xutum can ri tinimit chi ma ta quinwil ri caquibano.

Ri Osey 1:10

Cäpe jun k'ij aretak ri aj israelib quebux na jacha' ri e u sanyebil ri plo, ri man c'o ta jachin ta jun cacuin ta che u pajic mawi rajilaxic. Che c'u u q'uexwäch che u bixic chque: “Ix man ix ta chi nu tinimit”, ri Dios cubij na chiwe: “Ix ix ralc'ual ri c'aslic Dios.”

Ri Osey 2:1

Quibij c'u na ix chque tak ri e iwachalal: “U tinimit ri Dios, chque tak c'ut ri e iwana'b: Tok'obisam i wäch.”

Ri Osey 2:3

We man cubano quinchanaba' na canok: je quenbana' che jacha' ri k'ij ri xalaxic, quinban na che chi cux na jun chaki'j uwo sak, pa jun puc'uc' ulew, quinban c'u na che chi cäcäm rumal chaki'j chi'.

Ri Osey 4:1

Aj israelib, chitatabej ri cubij ri Ajawaxel. Ri are' u jekebam jun ch'o'j cuc' ri e jekel chupam we ulew ri', rumal rech chi man c'o ta ri jicomal waral chquixo'l ri winak, mawi jiquil mawi ri retamaxic u wäch ri Dios.

Ri Osey 4:2

Are c'u tz'ebem u bixic ri chi'nic ri kas cäban na quecha' ruc' subunic xukuje' ri banoj tzij, cämisanic xukuje' eläk'anic, ri xekajic pa mac cuc' niq'uiaj winak chic, xukuje' pa tokinic, queban cämisanic jela' jeri'.

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Ri Zacariy 12:6

Chupam ri k'ijol ri' quinban na' chi ri e c'amal tak u be ri Juda quebux na e jacha' ta ne jun porobal k'ak' ri canicow pa u niq'uiajil ri si', e jacha' ta ne jun k'ak' chquixo'l ri ya'taj tak trico. Quequijarisaj na chupam ri iquiak'ab xukuje' chupam ri mox k'ab conojel ri c'ulja ri nimak tak tinimit, e are' tak c'ut ri aj Jerusalen quejeki' chi na chupam ri qui tinimit.

Ri Zacariy 12:8

In ri Ajawaxel, quinto' na qui wi' ri e jekel pa Jerusalen. Ri sibalaj e tukarib na chque sibalaj e co na e jacha' ri ajawinel David, e are' tak c'ut ri e rija'lil ri David je quebux na jacha' ri Dios, e jacha' ri u tako'n ri Ajawaxel, ri canabej chquiwäch.

Ri Zacariy 2:12

Ri Ajawaxel cubana chi rech che ri Juda ri rech can nabe ri sibalaj nim u k'ij pa ri tastalicalaj ulew, xukuje' cuya' chi na c'ac' u tzijol ri Jerusalen jacha' u tinimit ri cha'talic.

Nabe Samuel 12:22

Are c'u ri Ajawaxel, cuya' na u k'ij ri u bi' nim, man quixuwonoba' ta na; are c'u craj are' quixux u tinimit.