Ri Jeremiy 51:3 - Quiché Bible

³ ¡Ri e ajq'uiakal tak ch'ab chequisuc'umala' ri qui q'uiakbal tak qui ch'ab! ¡Che be quicojo' ri to'bal tak uwo c'uxaj! ¡Mebitok'obisaj tak qui wäch ri c'ojolab aj Babilon; chebisachisaj qui wäch conojel tak ri e cajch'ojab!

Ri Jeremiy 51:3 ပူးပေါင်းရင်းမြစ်များ

Salmib 137:9

¡Utz rech ri quebuchap tak ri e awalc'ual, quebujabuj c'u cho tak ri abaj!

Ri Jeremiy 46:4

¡Chebicojo' tak quiejebal chquij ri quiej! ¡Chequiejen tak ri ajquiejab! ¡Chebequicojo' ri to'bal tak qui jolom chequicholajij c'u tak quib! ¡Chequibana' tz'imaj che tak ri qui wi' ri tz'imaj ch'ich'! ¡Chebicojo' ri to'bal tak uwo c'u'x!

Ri Jeremiy 50:14

¡Chixk'ax pa tak ri i c'olbal, ajq'uiakal tak ch'ab, chi sutij rij ri Babilon! ¡Chebiq'uiaka' conojel tak ri e i ch'ab puwi', rumal rech chi xmacun chnuwäch, chuwäch ri Ajawaxel!

Ri Jeremiy 50:21

“¡Chixch'ojin ruc' ri rulew ri Merataim xukuje' ri e aj Pecod! ¡Chebiterenej, chebisachisaj qui wäch conojel! ¡Chebitz'akatisaj qui banic ri e nu takanic pa ronojel! In, ri Ajawaxel, quinya' takanic.”

Ri Jeremiy 50:27

¡Chebicämisaj conojel tak ri e rajch'ojab, chixtakan che qui c'amic bic pa ri cämisabal! ¡Tok'ob qui wäch! ¡Xopan ba' ri qui k'ij, ri k'ijol re ri u c'äjisaxic qui wäch!

Ri Jeremiy 51:53

Ri Babilon pune' cäpaki' c'ä cho ri caj che u cojic ri to'bal rib sibalaj chicaj xukuje' chila' quebentak wi bic tak ri c'ulel che u sachisaxic u wäch. In, ri Ajawaxel, quinjiquiba' u bixic.”

Ri Jeremiy 9:21

“Ri cämical xoc chupam tak ri kachoch, xopan chupam tak ri cachoch ri ajawinelab; quebucämisala' tak ri ac'alab xo'l tak ri ja ri e ka c'ojolab chquipam tak ri c'ayibal.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.