Ri Jeremiy 5:3 - Quiché Bible

³ Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Ri Jeremiy 5:3 ပူးပေါင်းရင်းမြစ်များ

Chapletajic 19:34

Chucab k'ij chic, ri nabeal xubij che ri u chak': “Chatampe', in chak'ab iwir xinwar ruc' ri ka tat, kaya' chi ba' u wa'l uva che ri ka tat rech catwar chi at ruc'; rech uj quieb cäc'oji' u c'ojol kuc'.”

Nabe Ajawinelab 13:33

Pune' je xc'ulmataj wa', ri Jeroboam man xuk'il ta rib che u banic ri etzelal ri cubano, xebucoj e cojol tabal tok'ob chquixo'l ri winak chque tak k'ijilabal ri quek'ijilax wi tak ri diosib. Jachin ri je cäraj cubano, ri Jeroboam quebutas wa' che e cojol tabal tok'ob paquiwi' tak we k'ijilabal ri'.

Ucab Ajawinelab 1:13

Xutak chi c'u bic ri ajawinel jun urox qui nimal ajch'ojab ri xerachilaj chi bic cawinak lajuj (50) e ajch'ojab. Are c'ut ri urox qui nimal ajch'ojab xpaki' c'ä jawije' ri c'o wi ri Eliy xxuqui c'u chuwäch, xubochi'j: “Quintz'onoj jun tok'ob che la, chatok'obisaj la u wäch ri nu c'aslemal xukuje' ri e cawinak lajuj (50) pataninelab la;

Ucab Tzijobelil 16:9

Ri Ajawaxel cäril ronojel ri cac'ulmataj cho ronojel ri uwächulew, rech cuya' qui chuk'ab ri kas caquicu'ba' qui c'u'x chrij are'. ¡Banom c'u la jun conil! Kas c'u camic cächaptaj bic quepe chi na ch'o'j pa wi' la.”

Ucab Tzijobelil 28:22

Pune' c'u kajinak chupam we latz' ri', xutakej c'u na qui banic tak ri etzelal chuwäch ri Ajawaxel. ¡Je' wa' ri u banic ri ajawinel Acaz!

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.

Salmib 51:8

Chinnojisaj la che utzil xukuje' quicotemal; chinquicotisaj chi c'u na la jumul, pune' in c'axc'obisam la.

Salmib 55:20

Caquiwalijisaj ri qui k'ab chquij ri cachil; man caquitz'akatisaj ta ri qui chi'nic chi canima' quib cuc'.

E C'ambal tak Tzij 21:29

Ri banal etzelal cuban rib chi jicom; are' c'u ri tz'akat pa ronojel jicom c'olic.

E C'ambal tak Tzij 22:12

Ri Ajawaxel coc il che u chajixic ri ajno'j quebuya' c'u chisak ri cujiquiba' qui bixic ri cubij ri banal tzij.

E C'ambal tak Tzij 23:35

Cabij c'u na: “Xinch'ayic, man xinna' ta c'ut; xinrapuxic, man xinnabej ta c'ut; xuwi ta c'u ne chinc'astajic quinbe na che u tzucuxic chic niq'uiaj u wa'l uva.”

E C'ambal tak Tzij 27:22

Che ri man c'o ta u no'j man quel ta ri no'j che pune' ta ne cäque'xic cätakex ta c'u u que'xic.

Ri Isaiy 26:11

Ajawaxel, suc'umam chi la ri c'äjisabal wächaj, ri e are' c'ut man cäcaj ta cäquetamaj aretak c'ut cäquil ri lok'ok'ebal c'u'x la che ri tinimit la, man cäquirik ta chi na jas cäquibano. ¡C'o ta banom wi chi are' ta ri u k'ak'al ri oyowal la quebik'owic!

Ri Isaiy 42:25

Rumal ri' xpe royowal chquij xuc'äjisaj c'u qui wäch ruc' jun ch'o'j ri xak c'ätetal xpe paquiwi' ri xebunicowisaj pa k'ak' pune' c'u je xquic'ulmaj wa' man xcaj ta xech'obonic.

Ri Isaiy 48:4

Weta'm c'ut chi sibalaj at tac, chi sibalaj at co jacha' ri ch'ich', man catk'usk'ub ta jacha' ri kan ch'ich',

Ri Isaiy 9:13

Man xtzelej ta c'u ri tinimit ruc' ri Dios, ri xc'äjisan u wäch man xutzucuj ta ri Ajawaxel ri c'o ronojel u cuinem.

Ri Jeremiy 15:7

Xebenjabuj ri a winak jacha' ri caban che ri pajo, xebenwesaj chquipam tak ri tinimit re ri ulew; man e c'o ta ralc'ual ri nu tinimit xebenya' canok, xinsachisaj u wäch rumal rech chi man xraj taj xuya' ta can ri itzel u c'aslemal.

Ri Jeremiy 17:23

Man xquiya' ta c'u qui xiquin chwe mawi xinquinimaj, xane' xebux täc man xcaj ta c'ut xenimanic mawi xc'äj qui wäch.

Ri Jeremiy 19:15

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Quebentak na ulok che we tinimit ri' xukuje' chque conojel ri c'ulja tak tinimit conojel ri c'äjisabal tak wächaj ri nu yo'm u bixic chque, quitacarisam c'u quib rech man quequinimaj taj ri nu tzij.’ ”

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Ri Jeremiy 3:3

Rumal ri' e k'ilk'obinak tak ri jäb pa ri k'aläj xukuje' pa ri nabe tak ic'. Junam catpe ruc' jun ixok quech nim ch'utin; ¡chc'ol ba' a q'uixbal!

Ri Jeremiy 32:19

Lal nim banic la pa tak ri e chomanic la c'o c'u cuinem la pa tak ri e chac la. Lal quil la ronojel ri caquiban ri winak caya' c'u la chque chquijujunal jachique ri takal chque tak ri e qui banoj.

Ri Jeremiy 35:13

“In, ri Ajawaxel ri c'o ronojel u cuinem xukuje' u Dios ri Israel, catintako chi catbec jabij c'u chque ri winak ri e c'o pa Juda xukuje' ri e c'o pa Jerusalen: ‘Chiwesaj i no'j chebinimaj c'ut ri e nu takanic. In, ri Ajawaxel Dios, quinbij.

Ri Jeremiy 44:10

C'ä camic ri ix man i q'uexom taj ri i c'aslemal, mawi i xe'n iwib, mawi e i tz'akatisam taj ri tijonic xukuje' tak ri pixab ri xebenya' chiwe xukuje' chque ri e i mam.

Ri Jeremiy 7:26

Are c'u ri ix man xixniman ta chwe mawi xiya' ta i xiquin chwe, xane' sibalaj xitacarisaj na iwib chquiwäch ri e i mam.

Ri Jeremiy 7:28

Chabij chque: ‘Are nim tinimit wa ri man caniman ta che ri u Dios mawi c'u ne caraj chic cäpixbexic. Ri kastzij mawi jumul quel chi ulok pa u chi'.’ ”

Ri Jeremiy 8:5

Israel, ¿jas c'u che man kas ta at jic chwij? ¿Jas c'u che, Jerusalen kas xa' jumul xinaxutuj? ¿Jas c'u che xacoj a chuk'ab che nu c'ulelaxic a ma ta c'u cawaj cattzelejic?

Ri Ezequiel 2:4

Xukuje' ri e calc'ual co ri qui jolom, co ri canima'. Catintak c'u bic cuc', rech cabij chque: ‘Are wa' ri cubij ri Ajawaxel.’

Ri Ezequiel 24:13

Jerusalen, in wajwam a josk'ixic che ri a tz'ilol che ri a tzokopitajic, man c'u ch'ajch'oj ta at c'olic. Xuwi c'u catcanaj ch'ajch'oj aretak chinkasaj ri woyowal pawi'.

Ri Daniel 9:13

Ronojel we etzelal ri' petinak pakawi', jacha' ri tz'ibatal pa ri pixab ri xuya' ri Moises; are c'u ri uj man uj tzucuninak ta che la, Ajawaxel xukuje' ka Dios, mawi c'u ne e ka k'ilom kib che qui banic ri ketzelal, mawi ka takem u banic ri kastzij la.

Aj Levitib 26:23

We c'u man quiji'c' iwib che qui banic we jastak ri', xane' quitakej nu c'ulelaxic,

Ri Amos 4:10

“Xintak ulok jun banbal c'ax piwi' jacha' ri xintak ulok puwi' ri Ejipt; xinbano chi ri e i c'ojolab xecäm pa tak ri juyub ri xeban wi tak ri ch'o'j xinya' c'u c'olbal chi ri c'ulel xuban rech chque tak ri e i quiej; xinban chiwe chi xebisik tak ri qui chuwil tak ri cäminakib ri xecäm chupam ri ch'o'j ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Amos 4:11

“Xinsachisaj i wäch rumal jun c'ulmatajic jacha' ri xintak puwi' ri Sodom xukuje' ri Gomor; je ta ne ri quepe jun rachak k'ak' ri esam chupam ri k'ak', ¡e are tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Amos 4:6

“In xinbano chi xirik wi'jal pa conojel tak ri i tinimit; in xinbano chi man xirik ta chic ri quitijo pa conojel tak ri i tinimit, ¡are c'u ri ix man xixtzelej ta wuc'!” Ri Ajawaxel cujiquiba' u bixic.

Ri Amos 4:8

ri winak quebel chupam jun tinimit quebe chi chupam jun tinimit chic che u tzucuxic qui ja', man cubana' ta c'ut ri caquiriko che resaxic ri qui chaki'j chi', ¡are c'u ri ix man xixtzelej ta wuc'!” Ri Ajawaxel cujiquiba' u bixic.

Ri Amos 4:9

“K'ak'alaj tak quiakik' xinrapubej quech che u c'äjisaxic qui wäch xukuje' banbal tak c'ax, xinbano chi xechaki'jar tak ri e iwichaj xukuje' tak ri e i uva ri e i ticom ri sac' xequitij tak ri e u che'al tak ri i higo xukuje' tak ri e u che'al tak ri iwaseitun, ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Soponiy 3:7

Xinchomaj: ‘Jeri' ri Jerusalen cuxe'j na rib chnuwäch cuc'amowaj c'u na chi quinjic'o; jeri' man cäsach ta na u wäch ri u c'olbal rumal rech chi xinc'äjisaj u wäch.’ E are tak c'ut ri e are are xcanej qui banic ronojel qui wäch tak etzelal.

Romanos 2:2

Keta'm c'ut chi ri Dios, aretak cuk'at tzij paquiwi' ri winak ri quebanow we jastak ri', kas suc'alaj k'atan tzij cubano.

Hebreos 12:9

Xukuje' ri ka tat cho ri uwächulew xquic'äjisaj ka wäch, nim c'u xekil wi. ¿La ma ta are utz na cäkaya' na kib pa takic che ri ka Tat ri c'o chicaj, rech cujc'asi' na?