Ri Jeremiy 5:2 - Quiché Bible

² E c'o jachin tak quequiban ri chi'nic ri kas cäban na rumal ri u c'aslemal ri Ajawaxel, xak c'u lok' quequiban ri chi'nic ri kas cäban na.”

Ri Jeremiy 5:2 ပူးပေါင်းရင်းမြစ်များ

Ri Isaiy 48:1

“Chatatabej wa', ralaxic ri Jacob, ri cojom Israel che a bi' at rija'l c'u ri Juda ri caban ri chi'nic ri kas cäban na pa ri u bi' ri Ajawaxel ri canataj ri u bi' ri u Dios ri Israel, pune' man ch'ajch'oj ri awanima' mawi at jicom

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Jeremiy 44:26

Chi tatabej ix iwonojel, winak re Juda ri ix jekel pa Ejipt, ri in, ri Ajawaxel Dios quinbij chiwe: Quinban ri chi'nic ri kas cäban na rumal ri nimalaj nu bi' chi mawi jun chque ri aj Juda quebel ta chi na ulok ri nu bi' pa u chi' pa ronojel Ejipt, cacha' ta c'ut: Rumal ri u c'aslemal ri Ajawaxel.

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Ri Jeremiy 9:2

¡C'o ta banom wi c'o ta jun nu jekelibal chupam ri chaki'j uwo sak, rech quinbe naj che ri nu tinimit! Rumal rech chi conojel man queniman taj e jupuk jachanelab ri quieb qui wäch.

Ri Osey 10:4

Xak xuwi ri tzijtzotem, chi'nic tak ri e xak lok' xukuje' qui tz'ibaxic tak c'ulwächinic; ri u suq'uilal xak junam ri' ruc' juwi' k'ayes ri cäcämisanic ri caq'uiy xo'l tak ri bolaj chupam ri ulew.”

Ri Osey 4:15

We ri at, Israel, catux jun quech ri nim ch'utin, ma ta c'u ne chmacun ri Juda. ¡Mixbe ix pa Jilgal mawi mixpaki pa Bet-aben mawi quiban ri chi'nic ri kas cäban na, mixcha' rumal ri u c'aslemal ri Ajawaxel!

Aj Levitib 19:12

Mebaban tak chi'nic ri xak e cawäch pa ri nu bi', cawawasij c'u ri u bi' ri a Dios. In ri' ri Ajawaxel.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

1 Timoteo 1:10

ri cäquiban macunic cuc' ixokib achijab, ri achijab ri cäquiban ixok che jun cach' achi, ri eläk'al tak winak, ri e banal tak tzij, ri man cäquiban ta ri qui bim ruc' kastzij, xukuje' chque conojel ri cäquiban apachique jasach chic ri man je taj cubij ri utzalaj tijonic ri man c'o ta etzelal che,

2 Timoteo 3:5

Je ta ne ri c'o ri nimanic che ri Dios cuc', man cäquik'alajisaj ta c'u ri u chuk'ab: chatasa' awib mat be cuc'.

Ri Tit 1:16

Cäquibij chi queta'm u wäch ri Dios, ruc' c'u ri qui chac cäquik'alajisaj chi man je taj. Itzel quebil wi, man e nimanelab taj. Man quecuin ta c'ut cäcan ta jubik' ri utzil.