Ri Jeremiy 4:9 - Quiché Bible

⁹ Ri Ajawaxel cujiquiba' u bixic: “Aretak chopan we k'ij ri', ri ajawinel xukuje' ri e c'amal tak be quebirbit na che xe'n ib, ri e cojol tabal tok'ob caquina' na nimalaj xe'n ib e are tak c'ut ri k'axal tzij quexibitaj na.”

Ri Jeremiy 4:9 ပူးပေါင်းရင်းမြစ်များ

Ucab Ajawinelab 25:4

Xquic'ot c'u jun jul chuxe' ri nimalaj u tapia ri tinimit, pune' c'u sutital rij cumal ri aj caldeyib are' c'u ri ajawinel xukuje' conojel ri ajch'ojab xebanimaj bic chak'ab xquiya' can ri tinimit. Xebel bic pa ri oquibal ri c'o chquixo'l ri quieb nimak tak tapia, chupam ri be ri c'o chquipam tak ri u tiquibal tak u cotz'i'j ri ajawinel, are' c'u xquimajij ri be ri cäbe pa ri beya' re ri Jordan.

Salmib 102:4

ri wanima' tuktubinak jacha' ri k'ayes ri bach'uyirinak; ¡mawi ne craj chic ri nu wa!

Ri Isaiy 19:16

Pa ri k'ij ri' ri aj ejiptib quejunamataj na cuc' ri ixokib cäquixe'j na quib quebirbob na aretak cäquito chi ri Ajawaxel ri c'o ronojel u cuinem, cuwalijisaj ri u k'ab che u c'äjisaxic qui wäch.

Ri Isaiy 19:3

Quinbano chi cämoxir ri qui jolom, quinbano chi man je ta quel wi ri qui chomanic. Quebe c'u na che u tz'onoxic qui no'j chque tak ri diosib xukuje' chque tak ri ajk'ijab, chque tak ri cuxlabal ri cäminakib xukuje' chque tak ri ch'obonelab.

Ri Isaiy 28:19

Joropa' mul coc'owic quixucharchatej na bic. Cäpe na chwek cäbij pa k'ij xukuje' chak'ab. Xuwi ri u tatabexic u tzijol quixubirbobisaj na.

Ri Jeremiy 2:26

“Jacha' ri eläk'om ri quesax u q'uixbal aretak cätatajic, jewa' ri u q'uixbal ri Israel ri quel na, ri tinimit, ri ajawinelab, tak ri e c'amal tak be, ri e cojol tabal tok'ob xukuje' ri e k'axal tzij;

Ri Jeremiy 25:34

¡Chiraka' i chi', ajyuk'ab, chiraka' i chi' rumal ri k'oxomal! ¡Ix, ri qui c'am qui be ri jumulaj, chi wolkotela' iwib cho ri ulew! Opaninak ri k'ij re ri cämisanic are c'u ri ix quixecämisaxok jacha' ri e k'obisam ama'ib tak chij.

Ri Jeremiy 37:19

¿Jawije' e c'o wi ri' ri e k'axal tzij ri xquijiquiba' u bixic chi ri ajawinel re Babilon man cuban ta na c'ax che la, mawi che ri ulew?

Ri Jeremiy 48:41

Tinimit tak xukuje' to'bal tak ib quekaj na pa u k'ab ri c'ulel. Chupam ri k'ij ri' ri e banal tak u ch'o'j ri Moab quebirbit na jacha' jun yawab ixok.

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Jeremiy 52:7

Xquiban c'u jun c'ob che ri nimalaj u tapia ri tinimit, pune' c'u sutital rij cumal ri aj caldeyib, ri ajawinel xukuje' conojel ri ajch'ojab xebanimajic xquiya' can ri tinimit pa ri chak'ab ri'. Xebel bic chupam ri oquibal ri c'o chquixo'l ri quieb nimak tak tapia, chupam ri be ri coc'ow chquipam tak ri e u ticonijibal cotz'i'j ri ajawinel, are c'u xquic'am ri be ri cäbe pa ri u beya' ri Jordan.

Hechos 13:41

Chixul ba' pa sak, ri ix xutunelab; chixmayinok, chsach i wäch. Quinban c'u na jun nu chac pa tak we i k'ij ri', chac ri man quicoj ta ri', we ta c'o jachin cätzijon chiwe.”