Ri Jeremiy 4:4 - Quiché Bible

⁴ Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Ri Jeremiy 4:4 ပူးပေါင်းရင်းမြစ်များ

Ucab Tzijobelil 34:25

In c'u qui tzakom canok qui porom c'u c'oc' k'ol chquiwäch tak diosib, qui yacom c'u woyowal cumal tak ri quequichacuj; rumal ri' tzijtajinak ri woyowal puwi' we c'olbal ri', man c'u cachuptaj ta na.

Ri Isaiy 10:17

Ri Tastalicalaj Dios u chäj ri Israel, cäjalwächitaj na pa rak' k'ak', xa c'u pa jun k'ij cusach na u wäch ronojel ri q'uix xukuje' ri k'ayes ri e q'uiyinak pa ri ulew.

Ri Isaiy 30:33

Sibalaj ojer suc'umam ulok che ri Asiriy xukuje' che ri rajawinel jun c'olbal re c'axc'ol ri nim u wäch xukuje' naj u pam, jun k'ak' nicowisam ri yo'm sibalaj si' chupam. Are ri ruxlab ri Ajawaxel cänicowisan na jacha' jun nima' re asubre.

Ri Isaiy 51:17

Chatc'astajok, chatc'astajok Jerusalen, chatwalijok. Ri at xach'ij ri royowal ri Ajawaxel jacha' ri winak ri cukumuj ri c'o pa jun kumubal, cukumuj c'u ronojel ri c'o chupam, c'ä cäk'abar na.

Ri Jeremiy 15:14

Quenbana' chawe chi catux jun lok'om pataninel chque ri e a c'ulel pa jun ulew ri man a c'oxomam taj, rumal rech chi nicowirinak ri woyowal jacha' jun k'ak' ri cuporoj na.”

Ri Jeremiy 21:5

Kas in c'ut quinch'ojin na iwuc' ix che i ch'äquic ruc' nimalaj u cojic ri cuinem xukuje' ruc' nicowelalaj oyowal xukuje' nimalaj k'ak'al.

Ri Jeremiy 23:19

Ri royowal ri Ajawaxel jacha' jun salc'um, jacha' jun k'ekal jäb ri e c'o cakulja chupam ri cäkaj tak paquiwi' ri e banal tak etzelal.

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Jeremiy 44:22

Are c'u ri Ajawaxel man xcuin ta chi che qui coch'ic ri itzel tak banoj ri xebibano ri sibalaj itzel querilo. Rumal quech wa' ri iwulew c'o pa yojyobic camic ri man c'o ta c'u jun cäjeki' ta chupam; uxinak c'utbal re c'okotajic, pa jun jasach ri cuya' xibriquil.

Ri Jeremiy 9:25

Ri Ajawaxel cujiquiba' u bixic: “Cäpe ri k'ij aretak quinc'äjisaj na qui wäch conojel ri tinimit ri cäquikopij ri u wi' ri qui tz'umal ri achijab wi che quetal:

Ri Jeremiy 9:26

Ri Ejipt, Juda, Edom, Amon xukuje' ri Moab, xukuje' conojel ri e jekel chupam ri chaki'j uwo sak caquisocaj c'u ne tak ri qui wi' xe' tak qui xiquin. Conojel c'ut we tinimit ri', xukuje' c'u ne ronojel ri tinimit Israel man cojon ta quetal re kopinic pa ri canima', xane' kas e k'ijilal tak diosib ruc' ronojel canima'.”

Juyuwem 4:11

Ri Ajawaxel xukasaj ronojel ri royowal xutzopij ri u c'amal ri u k'ak'al ri royowal; xut'ik k'ak' che ri Sion xusachisaj c'u u wäch c'ä chuxe'.

Ri Ezequiel 16:38

Quink'at c'u na tzij pawi' rumal rech chi xatkaj pa mac cuc' achijab xukuje' at cämisanel, ruc' c'u oyowal xukuje' achixomanic catinjach na pa ri cämical.

Ri Ezequiel 18:31

Chebiya' can conojel ri etzelal ri e i banom che nu c'ulelaxic, chux xa' jun iwanima' xukuje' xa' jun uxlabal c'ac'. ¿Jas ta che catcämic, tinimit Israel,

Ri Ezequiel 20:33

In, ri Ajawaxel, quinban ri chi'nic ri kas cäban na, quincha' rumal ri nu c'aslemal chi quinajawin na puwi' ruc' ri nimalaj u cuinem ri nu chuk'ab xukuje' c'äjisan wächaj ruc' oyowal.

Ri Ezequiel 21:17

Xukuje' ri in quintakchi'j na c'ä coc'ow na ri woyowal. In, ri Ajawaxel, nu bim.”

Ri Ezequiel 24:13

Jerusalen, in wajwam a josk'ixic che ri a tz'ilol che ri a tzokopitajic, man c'u ch'ajch'oj ta at c'olic. Xuwi c'u catcanaj ch'ajch'oj aretak chinkasaj ri woyowal pawi'.

Ri Ezequiel 24:8

Ri in quinya' can ri quic' chila', puwi' ri nimalaj abaj, ri man cuya' taj cäch'ukic, rech cät'ikitaj ri woyowal chban c'u ri suq'uilal.’

Ri Ezequiel 44:7

Ri ix qui wawasij ri wachoch quebiya' c'u c'olbal chi queboc ri man e i winakil taj chupam, winak ri man cuc'amtaj ri retal ri nu c'ulwächinic mawi pa ri qui chomanic mawi che ri qui cuerp; cäcawasij caquichi'j c'u chwe jacha' che k'obisabal ri xepo ri quic' quech tak ri tabal tok'ob, man are ta c'u caquibano jas ri cubij ri nu c'ulwächinic cumal ri qui banic tak we jastak ri' ri itzel quebenwilo.

Ri Ezequiel 6:12

Ri naj e c'o wi quecäm na cumal tak ri yabil, ri e c'o nakaj quecäm na rumal ri ch'o'j, are c'u ri quec'asi' canok quecäm na rumal wi'jal. Je quinban na wa' che u tojojexic ri woyowal paquiwi'.

Ri Ezequiel 8:18

Ri in quencojo' ri woyowal. Man quel ta na jubik' nu c'u'x chque. Pune' caquirak quichi' che nu siq'uixic, man quebentatabej taj.”

Aj Levitib 26:28

ri in quintakej i c'ulelaxic ruc' oyowal, quinc'äjisaj chi na i wäch wukub mul u mac rech ri i mac.

Aj Levitib 26:41

xukuje' c'u ri in quixinc'ulelaj na quixinc'am c'u bic pa ri culew ri e i c'ulel; c'ä chi' c'ut cäquimach' na ri canima' ri quebuk'ijilaj tak diosib, caquitoj c'u na ri qui mac.

Ri Amos 5:6

Chiwokaj ri ri Ajawaxel, quixc'asi' c'u na; we c'u man jewa' quibano ri are' cutak na ulok k'ak' puwi' ri ajawibal re Israel, man c'o ta c'u jachin jun pa Betel ri cächupuwtaj.

Ri Soponiy 2:2

c'ä majok chixq'uiak bic jacha' ta ne ri pajo, ri xa' pa jun k'ij casach u wäch; c'ä majok chkaj ri nimalaj royowal ri Ajawaxel piwi' ri canicowic; c'ä majok chkaj piwi' ix ri k'ij re ri nimalaj royowal ri Ajawaxel.

Romanos 2:25

Are c'u ri etal ri cojom che ri u tz'umal ri u wi' ri achi wi jun c'o quechebex che, we cachajij ri pixab; we c'u man canimaj ta ri pixab, je ta ne chi man cojom ta ri' ri etal re kopinic chawe.

U Camulixic ri Pixab 10:16

Chicojo' retal ri c'ulwächinic pa ri iwanima', mitakej iwuxic tac.

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.

U Camulixic ri Pixab 32:22

Nicowinak ri woyowal jacha' jun k'ak', copan na ri u nicowem pa tak ri c'olbal ri naj e kajinak cusachisaj na u wäch ri ulew xukuje' tak ri u wächinic, cucoj na k'ak' chquixe' tak ri juyub.

Colosenses 2:11

Ri ix man xic'amtaj ri etal re ri u kopixic ri u wi' ri u tz'umal ri ix achijab wi je jacha' ri cäquiban ri achijab aj judeyib. Ri ix man xixkopix taj cumal k'abaj, are c'u ri ix xic'am ri etal rumal ri Crist aretak ri are' xebukopij ri e itzel tak e i rayibal aj winak re mac;