Ri Jeremiy 4:2 - Quiché Bible

² c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Jeremiy 4:2 ပူးပေါင်းရင်းမြစ်များ

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Nabe Ajawinelab 3:6

Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Salmib 99:4

Ri lal lal jun ajawinel ri c'o u cuinem; ri culok'ok'ej ri suq'uilal; cäkaj ri suq'uil chwäch la; kas lal xjekeban la ri junamil. Banom la suq'uil xukuje' colomal chque ri e ralc'ual ri Jacob.

Ri Isaiy 45:23

Kastzij xincha', pa ri nu bi' xinban jun chi'nic ri kas cäban na ruc' colomal, chi conojel cäquimej na ri qui ch'ec chnuwäch, chi conojel cäquiban ri qui chi'nic ri kas cäcan na ruc' ri qui chi' pa ri nu bi'.

Ri Isaiy 45:25

Wumal in, ronojel ri tinimit Israel cux na ch'äcanel, cunimarisaj c'u na rib chwij in.”

Ri Isaiy 65:16

Apachin ta ne ri c'o pa ri ulew ri cutz'onoj jun tewichibal, cutz'onoj na che ri Dios ri jic apachin ta ne ri c'o pa ri ulew ri cuban jun chi'nic ri kas cäban na, cuban na pa ri u bi' ri Dios ri jic. Ri c'axc'ol ri e re ojer xeboc'owic, man quec'utun ta chi chnuwäch.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Jeremiy 12:15

Aretak c'u e boktajinak chic quel chi na nu c'u'x chque, quinban c'u na chque chi quetzelej chupam ri kas quechbal xukuje' chupam ri culew.

Ri Jeremiy 12:16

Kas c'u ne tzij e are' xetijon ri nu tinimit che u banic ri chi'nic ri kas cäban na pa ri u bi' ri Baal, are c'u ri camic cuya' quejeki' pa u niq'uiajil ri nu tinimit, we kas caquic'amowaj ri u cojonic ri nu tinimit cäquiban ri chi'nic ri kas cäban na pa ri nu bi' je ta c'u cubij wa': ‘Rumal ri u c'aslemal ri Ajawaxel.’

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Jeremiy 3:17

Ri Jerusalen cabinax c'u na u tem re ajawibal ri Ajawaxel; conojel c'ut ri nimak tak tinimit caquimulij na quib chila' che u ya'ic nu k'ij, man caquitakej ta chi na ruc' taquil ri e itzel tak qui chomanic tak ri canima'.

Ri Jeremiy 33:9

Ri Jerusalen cux na chwe che jun yabal quicotemal, nimarisabal k'ij, xukuje' juluwem chquiwäch conojel ri nimak tak tinimit ri e c'o cho ri uwächulew. Aretak ri e are' chequita' qui tzijoxic conojel tak ri utzalaj tak jastak ri quinc'am na ulok paquiwi' ri winak ri e c'o pa Jerusalen, xukuje' ronojel ri telechinic ri quenya' na che, quebirbob na rumal xe'n ib.”

Ri Jeremiy 5:2

E c'o jachin tak quequiban ri chi'nic ri kas cäban na rumal ri u c'aslemal ri Ajawaxel, xak c'u lok' quequiban ri chi'nic ri kas cäban na.”

Ri Jeremiy 7:5

We quiban utz che ri i c'aslemal xukuje' tak ri e i banoj quiban c'u ri suq'uilal ri jun ruc' ri jun chic;

Ri Jeremiy 9:24

We c'o jun caraj cunimarisaj u k'ij, chunimarisaj u k'ij che retamaxic nu wäch, che retamaxic chi in ri' ri Ajawaxel, ri quinpatanin cho ri uwächulew ruc' lok'ok'ebal c'uxaj suq'uilal xukuje' colomal, are c'u wa' ri cäkaj chnuwäch in. In, ri Ajawaxel, quinjiquiba' u bixic.”

Ri Osey 2:19

Israel quinban na chawe chi catux wixokil chbe k'ij sak, kas wixokil je jas cubij ri pixab, sibalaj c'u at nu lok'ok'em ruc' ronojel wanima'.

Ri Joel 2:12

Cujiquiba' u bixic ri Ajawaxel: “Are c'u ri camic chixtzelej ba' wuc' ruc' ronojel iwanima'. ¡Chiya' i tzij chi man quixwa' ta na, chiraka' i chi' xukuje' chixok'ok!”

Ri Zacariy 8:8

quinc'am c'u na ulok pa Jerusalen rech cajeki' chi'. Are c'u ri e are' quebux na nu tinimit, are c'u ri in quinux na qui Dios, ruc' jicomal xukuje' suq'uilal.”

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

1 Corintios 1:31

Rech je quelic jacha' ri cubij ri tz'ibatalic: “Apachin ta ne ri cubij chi cäquicotic, rajawaxic chubij chi cäquicotic rumal rech chi reta'm u wäch ri Ajawaxel.”

2 Corintios 10:17

Apachin ri cäraj cunimarisaj rib, are chunimarisaj u k'ij ri Ajawaxel.

Gálatas 3:8

Ri Tz'ibatalic cubij c'u ulok chi ri Dios cuk'alajisaj chi e suc' ri man aj judeyib taj rumal ri cojonic. Xutzijoj ulok ri utzalaj tak tzijol che ri Abraham aretak xubij: “Conojel ri nimak tak tinimit quetewichitaj na rumal awech.”

U Camulixic ri Pixab 10:20

Nim chiwila' wi ri Ajawaxel ri i Dios, xuwi ri are' chik'ijilaj; chixbin jic chuwäch, aretak c'ut rajawaxic quiban na jun chi'nic ri kas cäban na, chibana' pa ri u bi'.

U Camulixic ri Pixab 4:30

Aretak c'u quixoc'ow chquipam tak we c'axc'olil ri' xukuje' tak bis, we c'u quixtzelej ruc' ri Ajawaxel ri i Dios, quixniman c'u che, are', ri sibalaj utz ranima',

U Camulixic ri Pixab 6:13

Chik'ijilaj ri Ajawaxel ri i Dios, xuwi ri are' chipatanij. Aretak c'u rajawaxic quiban ri chi'nic ri kas cäban na, chibij xuwi pa ri u bi' ri Ajawaxel.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Ri Rut 3:13

Chatcanaj c'u can chi' che we chak'ab ri'. We chuwek ri are' craj quebutz'akatisaj ri ya'tal u banic rumal chi c'o cux chawe, chubanaba'; we c'u man cubano, quinchi'j chawe chuwäch ri Ajawaxel chi ri in quinban na. Chatwarba' c'a cäsakar na.”

Nabe Samuel 20:3

Xutakej c'u u bixic ri David: “Ri a tat kas reta'm chi quel a c'u'x chwe, man craj ta c'u ri' chi cawetamaj rech man cäpe ta awoyowal. ¡Quinban ri chi'nic ri kas cäban na quincha' chawe pa ri u bi' ri Ajawaxel xukuje' pa ri a bi' at chi man cäbeytaj taj ri nu cämisaxic!”