Ri Jeremiy 39:4 - Quiché Bible

⁴ Aretak ri ajawinel Sedequiy xukuje' tak ri e rajch'ojab xquil ri cätajin cäc'ulmatajic, xebanimajic xquiya' can ri tinimit. Chak'ab xebel bic xebe pa ri be ri cäbe pa tak ri e u ticbal cotz'i'j ri ajawinel, pa ri oquibal ri c'o chquixo'l ri quieb tapia, xquitakej c'ut ri be ri c'o pa ri beya' re ri Jordan.

Ri Jeremiy 39:4 ပူးပေါင်းရင်းမြစ်များ

Ucab Tzijobelil 32:5

Man c'u ruc' ta queblan c'uxaj xuchaplej u suc'umaxic ri nim tapia ri tzakinak, xukuje' xebuyac tac'atak tak ja puwi', xukuje' chi jun nimalaj tapia chrij. Xuban c'u u t'iquic ri julujic ri c'o pa ri u Tinimit ri David, xebuban e jumulaj tz'imaj tak ch'ich' xukuje' quetecak tak ch'ich'.

Ri Isaiy 22:11

Chquixo'l ri quieb u tapia ri tinimit xquicoj na jun c'olbal ja' che ri ja' re ri k'el c'olbal ja'. Man xeboc ta c'u il che ri xbanow ronojel wa', ri xsuc'uman wa' ojer.

Ri Isaiy 22:3

Ri c'amal tak a be conojel xebanimajic, aretak cätajin quebanimaj chquiwäch tak ri q'uiakbal ch'ab xekaj pa qui k'ab ri c'ulel. Ri cowilaj tak achijab re ri a tinimit naj xebanimaj wi bic, xekaj c'u pa qui k'ab ri c'ulel.

Ri Isaiy 29:2

are c'u ri in quincoj na ri Ariel pa latz', e c'o c'u na juyuwem xukuje' ch'ikowem. Ri tinimit cux c'u na chwe in kas je jas ri Ariel.

Ri Jeremiy 32:4

are c'u ri ajawinel Sedequiy man cäto'taj ta na pa qui k'ab ri aj caldeyib, xane' cäkaj na pa u k'ab ri ajawinel re Babilon cutac'aba' c'u na rib chuwäch.

Ri Jeremiy 32:5

Ri Nabucodonosor cuc'am na bic ri Sedequiy pa Babilon, ri cacanaj wi na canok c'ä chnataj chi na chwe. Pune' quixch'ojin ri ix cuc' ri aj caldeyib, man utz ta quixel na. In, ri Ajawaxel, quinjiquiba' u bixic.’ ”

Ri Ezequiel 12:12

Ri c'amal i be ri c'olic querekaj na bic ri jastak rech, aretak c'u k'eku'm chic quel na bic pa ri c'ob ri c'o che ri nimalaj tapia. Ch'ukutal ri u palaj cabec rech man c'o ta jun cach'obow u wäch mawi ri are' cacuinic cäca'y ta che ri ulew.

Ri Ezequiel 12:4

Pa k'ij chquiwäch conojel, chebawesaj bic ri jastak awech jacha' ri catbe pa jun ulew chic; aretak c'u benak chic ri k'ij, xukuje' chquiwäch conojel, chatel bic je ta ne chi catbe pa jun ulew chic.

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Aj Levitib 26:36

E Are' c'ut ri quecanaj can chiwe, quinya' na nimalaj tukaril pa canima' chquiwäch ri qui c'ulel, xa c'u rumal ri u wojojem jun u xak che' ri cäsalabic quebanimaj na, je ta ne ri quebanimaj chuwäch jun cämisanel, quejupujubic man c'o ta c'u queboktanic.

Ri Amos 2:14

Pune' c'u sibalaj quiq'uis iwib che animajem man quixto'taj ta na; ri sibalaj co na quebeq'uis ri e u chuk'ab, man cäto'taj ta c'u na ri sibalaj c'o u chuk'ab.

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.