Ri Jeremiy 38:2 - Quiché Bible

² “Ri Ajawaxel je cubij wa': ‘Ri cacanaj chupam ri nimalaj tinimit cäcäm na pa ri ch'o'j o rumal wi'jal o rumal cämisanel yabilal. Are c'u ri quebel bic cujach c'u rib pa qui k'ab ri aj caldeyib, cäcuin ri' pune' xuwi che u to'tajisaxic ri u c'aslemal.’

Ri Jeremiy 38:2 ပူးပေါင်းရင်းမြစ်များ

Ri Jeremiy 21:4

chi ri Ajawaxel, ri u Dios ri Israel, je cubij wa: ‘Quenbana' chi quetzelej ri ajch'ojab, ri cätajin quixch'ojin cuc' chrij ri tapia, cätajin c'u qui tzelej u wäch ri ch'o'j ri cuban ri ajawinel re Babilon chiwe xukuje' quech ri aj caldeyib quebenmulij c'u na pa u niq'uiajil we tinimit ri'.

Ri Jeremiy 24:8

Are c'ut, ri Sedequiy, ajawinel re Juda, xukuje' ri e c'amal tak be xukuje' ri niq'uiaj aj Jerusalen chic ri xecanaj pa ri ulew, o xebec'ol pa Ejipt, quinban na chque jas ri cäban chque ri itzel tak higo, chi rumal ri quetzelal man cuya' taj quetijic.

Ri Jeremiy 27:11

Are c'u ri nim tinimit, ri cucoj rib chuxe' ri u cuinem ri ajawinel re Babilon, ri in quinya' na che chi cäcanaj chupam ri rulew rech cajeki' chupam cutic c'u u wäch. In, ri Ajawaxel quinjiquiba' u bixic.”

Ri Jeremiy 27:13

¿Jas ri rajawaxic wi chi catcämic ri at xukuje' ri a tinimit u mac rech ri ch'o'j, ri wi'jal xukuje' ri cämisanelalaj yabil? U bim c'ut ri Ajawaxel chi jewa' cuc'ulmaj na ronojel nimak tak tinimit ri man cucoj ta rib chuxe' ri u takanic ri ajawinel re Babilon.

Ri Jeremiy 29:16

(Ri Ajawaxel cubij ri cuc'ulmaj na ri ajawinel ri cat'uyi' na puwi' ri u tem re ajawibal ri David xukuje' ri caquic'ulmaj na ri winak ri e c'o chupam we tinimit ri', ri e iwachalaxic ri man xec'am ta ulok iwuc' chupam ri ulew ri ix c'amom wi ulok:

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Jeremiy 39:18

In catinto'tajisaj na rech man catcämisax taj. Catcuinic cato'tajisaj awib man catcäm taj, rumal rech chi xacu'ba' a c'u'x chwij. In, ri Ajawaxel, quinjiquiba' u bixic.’ ”

Ri Jeremiy 42:17

Conojel c'ut ri benak qui c'u'x chi quebejekel pa Ejipt, quecäm na chila' rumal ri ch'o'j, ri wi'jal, o ri cämisanel yabilal. Man c'o ta jun cac'asi' ta na canok; man c'o ta jun ri ma ta cutaklebej ri nimalaj c'axc'ol ri quintak na piwi'.’

Ri Jeremiy 42:22

Rumal c'u ri', kas ba' utz retamaxic chi bana' chi rumal rech ri ch'o'j, ri wi'jal xukuje' ri cämisanel yabilal, ri ix quixecäma na pa ri ulew jawije' ri qui waj quixejekela wi na.”

Ri Jeremiy 44:13

Quinc'äjisaj na qui wäch ri quejeki' pa Ejipt jacha' ri xinban che u c'äjisaxic u wäch ri Jerusalen, ruc' ri ch'o'j, ri wi'jal xukuje' ri cämisanel yabil.

Ri Jeremiy 45:5

¿La are cawaj catz'onoj jun jasach chawe ri jalanic? Matz'onoj c'ut, rumal rech chi quebentaka' c'u na ulok tak c'axc'olil paquiwi' conojel ri winak. Quinya' c'u na chawe chi man c'o ta cataklebej na apawije' ta ne ri catbe wi. In, ri Ajawaxel quinjiquiba' u bixixic.’”

Ri Ezequiel 14:21

In, ri Ajawaxel, quinbij: Nim c'u na ri c'ax ri capetic aretak chebentak ulok ri quiejeb xibibalalaj tak c'äjisabal wächaj puwi' ri Jerusalen: ri ch'o'j, ri wi'jal, ri juyubal tak awaj xukuje' tak ri yabilal, quebencämisaj c'ut ri achijab xukuje' tak ri awaj.

Ri Ezequiel 6:11

Ri Ajawaxel xubij chwe: “Chatjuyuwok chatt'ocon cuc' tak ri a k'ab, chatyok'on cuc' tak ri awakan; chebaraka' tak a chi' re k'oxomal cumal ri xojibalalaj tak retzelal ri e u banom ri tinimit Israel, quecäm c'u na rumal ri ch'o'j, ri wi'jal xukuje' ri yabil.

Ri Ezequiel 7:15

Chrij ri ulew c'o ch'o'j, chupam ri tinimit e c'o yabil wi'jal. Ri e c'o pa tak ri juyub quecäm na pa ri ch'o'j, ri e c'o pa ri tinimit quecäm na rumal wi'jal xukuje' yabil.