Ri Jeremiy 38:18 - Quiché Bible

¹⁸ We c'u man cäjach ib la pa qui k'ab ri aj caldeyib cäk'ax na ri tinimit pa qui k'ab caquit'ik c'u na k'ak' che, are c'u ri lal man cato' taj ta na la.’ ”

Ri Jeremiy 38:18 ပူးပေါင်းရင်းမြစ်များ

Ucab Ajawinelab 24:12

Are' c'u ri Joaquin, ajawinel re Juda, rachil ri u nan, xukuje' ri e rach k'atal tak tzij, ri e c'amal tak be xukuje' ri achijab ri junam qui wäch ruc', xquijach quib pa u k'ab ri ajawinel re Babilon, ri xebuyutu. Xc'ulmataj wa' chupam ri wajxakib junab ri rajawinic ri Nabucodonosor.

Ri Jeremiy 21:10

Xa' c'u ne jumul nu bim chi quinc'am ulok ri etzelal che u q'uexwäch utzil puwi' we tinimit ri'. Quinjach na pa u k'ab ri ajawinel re Babilon, cut'ik c'u na k'ak' che. In, ri Ajawaxel, quinjiquiba' u bixic.’

Ri Jeremiy 27:8

We c'u e c'o jujun nimak tak tinimit, o ajawinelab ri man caquicoj ta quib chuxe' ri reka'bal ri Nabucodonosor, quinc'äjisaj na qui wäch ruc' ch'o'j, wi'jal xukuje' cämisanelalaj yabil, c'ä conojel quec'oji' na chuxe' ri u cuinem. In, ri Ajawaxel, quinjiquiba' u bixic.

Ri Jeremiy 37:8

Ri aj caldeyib quetzelej chi na ulok che u banic ch'o'j ruc' ri tinimit Jerusalen, caquimajij c'u na caquit'ik c'u na k'ak' che.

Ri Jeremiy 38:23

Ri Jeremiy xutakej u bixic che ri ajawinel: “Conojel ri ixokib xukuje' tak ri e c'ojol la quejach na pa qui k'ab ri aj caldeyib, man c'u cato'taj ta na la canok, cäkaj na la pa qui k'ab, cäjach na la pa u k'ab ri ajawinel re Babilon, cut'ik c'u na k'ak' che ri tinimit.”

Ri Jeremiy 38:3

Jewa' cubij ri Ajawaxel: ‘We tinimit ri' cäkaj na pa qui k'ab ri e rajch'ojab ri rajawinel ri Babilon. Ri are' cumajij na, man c'o ta c'u jachin jun cäcuin ta che u k'atexic.’ ”

Ri Jeremiy 39:3

conojel c'ut ri e qui nimal tak ri e rajch'ojab ri ajawinel re Babilon xeboquic xquijekeba' c'u quib chuchi' ri oquibal ri c'o pa niq'uiajil. E are' ri Nergal-sarezer, Samgar-neb, Sarsequim, ri c'o nimalaj rekle'n pa ri takanic, xukuje' jun chic Nergal-sarezer, xukuje' nim rekle'n.

Ri Jeremiy 39:8

Ri aj caldeyib xquit'ik k'ak' che ri rachoch ri ajawinel xukuje' chque tak ri ja ri e c'o chupam ri tinimit, xebequit'akij tak ri e u tapia ri Jerusalen.

Ri Ezequiel 12:13

Ri in quinq'uiak na ri nu c'at puwi' quinc'amij c'u na ruc' wa'. Quinc'am c'u na bic pa Babilon, culew ri aj caldeyib, ulew ri man cacuin ta che rilic u wäch, chila' c'u cäcäm wi na.

Ri Ezequiel 17:15

We u c'ojol we ajawinel ri' xuwalijisaj rib chrij ri ajawinel ri c'o pa Babilon xebutak bic takom pa Ejipt che qui tz'onoxic quiej xukuje' q'uialaj achijab. ¿La are c'u pa i c'u'x ix chi aretak je bantajinak wa' rumal utz ta quel na, cäto'taj ta c'u na ri u c'aslemal? ¿La cato'taj ta na ri u c'aslemal jun winak ri man cutz'akatisaj taj jun c'ulwächinic?