Ri Jeremiy 32:4 - Quiché Bible

⁴ are c'u ri ajawinel Sedequiy man cäto'taj ta na pa qui k'ab ri aj caldeyib, xane' cäkaj na pa u k'ab ri ajawinel re Babilon cutac'aba' c'u na rib chuwäch.

Ri Jeremiy 32:4 ပူးပေါင်းရင်းမြစ်များ

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.

Ri Jeremiy 25:35

Ri ajyuk'ab man quecuin taj quebanimaj ta na, ri quec'amow u be ri jumulaj man quecuin ta na caquito'tajisaj ta quib.

Ri Jeremiy 34:21

Xukuje' quenbana' chi ri Sedequiy, ajawinel re Juda xukuje' tak ri e rach tak k'atal tzij chekaj pa qui k'ab ri quec'ulelanic ri e cämel, pa qui k'ab ri e rajch'ojab ri ajawinel re Babilon, ri qui tanabam u banic ch'o'j iwuc' camic.

Ri Jeremiy 34:3

Ri at man catcuin taj cawesaj awib pa u k'ab; catchap na catjach c'u na pa u k'ab, aretak c'u at c'amom chi bic chuwäch, catc'am bic pa Babilon.

Ri Jeremiy 37:17

Ri ajawinel Sedequiy xuya' takanic chi chc'am bic ri Jeremiy chupam ri rachoch ri ajawinel, aretak c'u opaninak chic ri Jeremiy chuwäch ri ajawinel, wa' xuc'ot u chi' chic'uyal: “¿La c'o jun tzijol u yo'm ri Ajawaxel?” Ri Jeremiy xutzelej u bixic: “Je', chi quekaj la pa u k'ab ri rajawinel ri Babilon.”

Ri Jeremiy 38:18

We c'u man cäjach ib la pa qui k'ab ri aj caldeyib cäk'ax na ri tinimit pa qui k'ab caquit'ik c'u na k'ak' che, are c'u ri lal man cato' taj ta na la.’ ”

Ri Jeremiy 38:23

Ri Jeremiy xutakej u bixic che ri ajawinel: “Conojel ri ixokib xukuje' tak ri e c'ojol la quejach na pa qui k'ab ri aj caldeyib, man c'u cato'taj ta na la canok, cäkaj na la pa qui k'ab, cäjach na la pa u k'ab ri ajawinel re Babilon, cut'ik c'u na k'ak' che ri tinimit.”