Ri Jeremiy 3:9 - Quiché Bible

⁹ Man c'o ta c'u k'atibal xurik che ri u banic, chi xuxok'olij ri ulew. Man jic taj xbin chnuwäch xebuk'ijilaj tak ri abaj xukuje' ri juwi' tak che'.

Ri Jeremiy 3:9 ပူးပေါင်းရင်းမြစ်များ

Ri Isaiy 57:3

Chixkeb ulok ix ri ix ral ri itzinel, ix rija'l jun achi ri xak cäkaj pa mac cuc' ixokib, xukuje' ri i nan ri quech nim ch'utin:

Ri Isaiy 57:6

“Israel, ri at cäkaj chawäch ri qui k'ijilaxic tak ri pilim tak abaj ri e c'o pa ri nima', a tzucum c'u jun c'olbal chawe chila'. Paquiwi' c'u tak ri abaj ajamim wi u wa'l uva che sipanic, xukuje' e a chi'm c'äj paquiwi'. Aretak cäbantaj ronojel wa' awumal ¿la quinquicot ta c'u lo in?

Ri Jeremiy 10:8

Conojel e are' e con, man c'o ta jubik' quetamanic. ¡Man c'o ta jas ri cacuin ta wi jun ch'akap che' ri quebutijoj ta wi!

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ri Jeremiy 2:27

che c'u juwi' che' je caquij wa' che: ‘Lal nu tat’; che c'u jun abaj: ‘Lal nu nan.’ Are c'u ri chwe in, are caquiya' ri quij chnuwäch man are ta ri qui palaj. Xuwi c'u caquina' jubik', chi e c'o chupam u q'ueyowal, caquibij chwe: ‘¡Chpet la che ka to'tajisaxic!’

Ri Jeremiy 2:7

Ri in xixinc'am ulok pa we ulew ri' ri wächinel, rech quebitij tak ri e u wächinic xukuje' ri utzalaj tak jastak ri quequiyao. Xixpe c'ut ix xiwawasij ri wulew, xiban chwe chi xmuluw nu c'u'x che we ulew ri', ri wech.

Ri Jeremiy 3:2

Chebawila' ri e qui wi' tak ri juyub ri e tol, utz qui ca'yexic chabana': ¿jawije' ta ri ma ta esam wi a q'uixbal? At t'uyulic jacha' ri aj Arab re ri chaki'j uwo sak, chuchi' ri be quebaweyej tak wi ri e awachil. Atz'ajom ri ulew cumal tak ri e awuc'axic awib cuc' achijab ixokib che qui banic macunic xukuje' ri awetzelal.

Ri Ezequiel 16:17

Xebac'am tak ri a wikbal re k'an puak, re sak puak ri nu sipam chawe, xebaban qui wächbal tak winak xatux junam cuc' ri cäc'ucaj quib cuc' achijab ixokib che qui banic macunic;

Ri Ezequiel 23:10

e are c'u xech'anabanic; xequitokij c'ut tak ri ral, chi achijab chi ixokib, ch'ich' re ch'o'j c'ut xquicämisabej rech, je c'u u c'äjisaxic u wäch wa' xquibano. Xak xuwi chi c'u caq'uiekbex qui xiquin ri ixokib.

Ri Ezequiel 23:21

At, Aholib, c'ax chic xana' ri a tzokopitajic aretak at ac'al, aretak ri e aj ejiptib quequichak'acha' ri uwo a c'u'x.

Ri Ezequiel 23:3

Kas pa ri calc'alal xebux quech ri nim ch'utin; pa Ejipt xak jäwe chque xyabayax ri uwo tak qui c'u'x, xquitzak c'ut ri qui k'apojil.

Ri Osey 2:2

Ri Ajawaxel cubij: “¡Chic'ulelaj ri i nan, chic'ulelaj, rumal rech chi ri are man wixokil ta chic mawi ri in man in ta chi rachajil! ¡Chuk'ila' c'u u c'utic rib jacha' ri quech ri nim ch'utin! ¡Chebupakchi'j tak ri e rach ch'aben cho tak u c'u'x!

Ri Osey 4:12

Ri nu tinimit cutz'onoj u no'j chque tak ri e diosib ri e re che'; cumal c'u tak ri ch'imiy quequiban tak ri ch'obonic. E ch'äctajinak rumal ri qui mac ri nim ch'utin, ri nu tinimit e u takem sachinak tak be: cux je ta ne ri quech ri jun nim ch'utin cutas c'u rib, cuyacan ri u Dios.

Ri Joel 1:19

¡Che la quinrak wi nu chi', Ajawaxel, ri k'ak' u porom ri k'ayes ri c'o pa ri chaki'j uwo sak xukuje' tak ri che' ri e c'o pa tak ri juyub!

Ri Habacuc 2:19

¡Tok'ob a wäch, chi che jun dios re che' cabij wi chac'astajok, xukuje' c'u che jun memalaj abaj, chi chatac'alok! ¿La quecuin ta c'u lo wa' quequiya' ta jun tzijol? ¡Jayi', rumal rech chi man c'o ta qui c'aslemal pa quech wi, pune' ta ne ch'ukum tak quij ruc' k'an puak xukuje' sak puak!

Ri Matey 5:32

Ri in c'ut quinbij chiwe, chi ronojel jachin ri cujach bic ri rixokil, we man rumal ruc'axic rib ruc' jun achi che u banic macunic, are' cuban che ri ixok chi cäkaj chupam ri mac. Apachin c'ut ri cäc'uli' ruc' ri ixok ri jachom, xukuje' cux jun ri xkaj pa mac.”