Ri Jeremiy 3:21 - Quiché Bible

²¹ Quetataj rakoj tak chi'aj paquiwi' ri tol tak juyub: ¡E are' ri aj israelib, ri quebok'ic ri xukuje' caquitz'onoj tok'obisam wächaj! Xquijuluch'ij quib che ri colomalaj be xinsach pa qui jolom, ri Ajawaxel ri qui Dios.

Ri Jeremiy 3:21 ပူးပေါင်းရင်းမြစ်များ

Ri Job 33:27

Cubij na: ‘Xinmacunic, xinban ri man suq'uilal taj, man xraj ta c'ut ri Dios xuc'äjisaj ta nu wäch;

E C'ambal tak Tzij 10:9

Ri man c'o ta jubik' subunic cubano, man c'o ta jas cuxe'j wi rib; ri quieb u wäch u be, etzelal cuq'uisa' wi na u wäch.

E C'ambal tak Tzij 19:3

Ri u conil ri winak cuban che chi cusach ri be, cuyaxtaj c'ut ri winak ri chak'maquil chrij ri Ajawaxel.

Ri Isaiy 15:2

Ri winak aj Dibon quepaki' che u banic ok'ej chupam ri cachoch ri qui dios ri c'o puwi' ri juyub. Ri Moab xrok'ej ri Neb xukuje' ri Medeb aretak xsach qui wäch. Conojel qui banom tol che ri qui jolom xukuje' quikopim ri quismachi'.

Ri Isaiy 17:10

rumal rech chi xsach ri Dios pa a jolom ri xatcolowic, man xnataj ta chawe chi are' a panibal. Ri at quebajosk'ij tak we e ticbal ri' ri sibalaj e je'lic, quebatic ri e a tico'n che u ya'ic u k'ij jun dios ri man aweta'm ta jachinok.

Ri Isaiy 57:11

¿Jachin tak ri' ri diosib ri xana' awib chquiwäch xukuje' xaya' qui k'ij, rumal c'u quech wa' xinaya' canok xukuje' man quinnataj ta chi chawe? Aretak ri at man nim ta chic xinawil wi, xinban wib chi man xinnabej taj.

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Jeremiy 13:25

Are wa' ri cataklebej na, Israel, are wa' ri takalic ri quinban na chawe. In, ri Ajawaxel quinjiquiba' u bixic. Xinasach c'u pa a jolom xajiquiba' c'u a c'u'x chquij ri subunelab tak diosib ri man c'o ta qui patan.

Ri Jeremiy 18:15

Are c'u ri nu tinimit in sachinak pa u jolom, quebuchi'j c'u c'oc' k'ol chque ri xa' e subunelab tak diosib. U jaluch'um ri u be, ri ojer u be, e u takem c'u tak be ri man e etamatal taj.

Ri Jeremiy 2:32

¿La cuya' puch jun ixok quesach pa u jolom ri e u mulk'ab ri u witak u xiquin xukuje' tak ri e wikbal tak rib re ri u c'ulanem? Man je ta c'u u banom ri nu tinimit, sibalaj ojer chi ri' in sachinak pa u jolom.

Ri Jeremiy 3:2

Chebawila' ri e qui wi' tak ri juyub ri e tol, utz qui ca'yexic chabana': ¿jawije' ta ri ma ta esam wi a q'uixbal? At t'uyulic jacha' ri aj Arab re ri chaki'j uwo sak, chuchi' ri be quebaweyej tak wi ri e awachil. Atz'ajom ri ulew cumal tak ri e awuc'axic awib cuc' achijab ixokib che qui banic macunic xukuje' ri awetzelal.

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Ri Ezequiel 23:35

Rumal ri', in, ri Ajawaxel quinbij: “Rumal c'u rech chi in a sachom pa a jolom are c'u a yo'm can ri awij chnuwäch, cakajbej na ri c'äjisabal wächaj rech ri a tzokopitajic xukuje' ri rech ri a macunic quech nim ch'utin.”

Ri Ezequiel 7:16

Pune' e c'o jujun quecuinic caquito' quib quebe pa tak ri c'ache'laj jacha' palomax ri quixibim quib, conojel quecäm na rumal tak ri qui mac.

Ri Osey 13:6

Aretak c'u xoc'ow u wi' ri quitijo, ri iwanima' xnoj che banoj nimal xinisach c'u pa i jolom.

Ri Osey 8:14

Ri Israel quebuyac nimak tak ja cäsach c'ut ri u winakirisanel pa u jolom. Ri Juda q'ui tak tinimit quebuyaco ri e c'o nimak tak tapia chrij, quinban c'u na in chque chi quenicow pa jun k'ak' ri quebuchajirisaj na ri nimak tak rachoch.”

Ri Miquey 3:9

Chitatabej c'u wa' camic, k'atal tak tzij xukuje' e c'amal tak be pa Israel, ix ri itzel quiwil wi ri suq'uilal quijech'obisaj c'ut ronojel ri colom c'olic.

Ajilanic 22:32

are c'u ri u tako'n ri Ajawaxel xubij che: “¿Jasche xach'ay oxmul ri ati't a bur? In ri in petinak che u tz'apixic ri be rumal rech chi ri a binem cuyac woyowal.

2 Corintios 7:10

Ri bis ri cuya' ri Dios cuban che jun chi cuq'uex u c'u'x rech cäcolotajic. Man c'o ta c'u bis rumal wa'. Are c'u ri bis re ri uwächulew cuya' cämical.