Ri Jeremiy 3:2 - Quiché Bible

² Chebawila' ri e qui wi' tak ri juyub ri e tol, utz qui ca'yexic chabana': ¿jawije' ta ri ma ta esam wi a q'uixbal? At t'uyulic jacha' ri aj Arab re ri chaki'j uwo sak, chuchi' ri be quebaweyej tak wi ri e awachil. Atz'ajom ri ulew cumal tak ri e awuc'axic awib cuc' achijab ixokib che qui banic macunic xukuje' ri awetzelal.

Ri Jeremiy 3:2 ပူးပေါင်းရင်းမြစ်များ

Chapletajic 38:14

ri Tamar xresaj ri atz'iak re malcanil, xuch'uk c'u rib ruc' jun ch'ukubal rech man c'o ta jun cäch'obow u wäch, xt'uyi apan tza'm ja che ri tinimit Enaim ri coc'ow wi ri be ri cäbe pa Timnat. Xuch'obo chi tz'akatinak chic ri u junab ri Sel, man c'u yo'm ta che rachajil rumal ri' je xuban wa'.

Nabe Ajawinelab 11:3

Xec'oji' wukub sient (700) rixokil aj ajawinelab xukuje' oxib sient (300) pataninelab tak ixokib ri xeboc che man kas ta rixokil, e aretak wa' xejech'obisan ri ranima'.

Ucab Ajawinelab 23:13

Ri ajawinel xukuje' xebuc'äjij tak ri k'ijilabal ri quek'ijilax wi diosib ri e c'o pa ri elebal k'ij che ri Jerusalen, pa ri u mox ri elebal k'ij che ri u Juyubal u Che'al Aseitun, ri e u yacom can ri Salomon, ajawinel re Israel, che ri Astarte, ixok dios ri quetzelax u wäch quech ri aj sidonib; che ri Quemos, dios ri quetzelex u wäch quech ri aj Moab, xukuje' che ri Milcom, ri dios ri quetzelex u wäch quech ri aj amonib.

Salmib 106:38

Xequitix quic' ri man e c'o ta qui mac, ri e qui quiq'uel ri e qui c'ojol xukuje' tak ri e qui mia'l xequiya' che tabal tok'ob chquiwäch ri e qui diosib ri aj cananeyib. Ri ulew xtz'ilotaj rumal ri qui quiq'uel,

E C'ambal tak Tzij 23:28

cäc'ac'alebenic, jacha' cuban jun eläk'om, cuban c'ut chi e q'ui ri achijab cäsach qui wäch rumal.

E C'ambal tak Tzij 7:11

jun ixok xq'uiakat ri man k'ilic ta craj ri man cäcuin taj cäjeki' cho rachoch

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Jeremiy 2:20

“Kas ojer ulok in a c'ulelam ulok, xak'il awib che nu nimaxic. Je xa bij wa': ‘Man quinwaj taj quinpatanijic.’ Puwi' conojel u tza'm ri juyub ri naj elinak chicaj xukuje' chuxe' ronojel che' ri jewel u xak xajach wi awib che ri cuc'axic quib cuc' achijab ixokib che qui banic macunic.

Ri Jeremiy 2:23

¿Jasche catcuinic cabij: ‘Man nu tz'ajom ta wib mawi e nu k'ijilam subunelalaj tak diosib?’ Chawila' jas ri a c'aslemal ri xawuc'aj pa ri beya', chawila' ronojel ri a banom at, ati't camey ri aninak caxiq'uinilok pa ronojel ri cabe wi;

Ri Jeremiy 2:7

Ri in xixinc'am ulok pa we ulew ri' ri wächinel, rech quebitij tak ri e u wächinic xukuje' ri utzalaj tak jastak ri quequiyao. Xixpe c'ut ix xiwawasij ri wulew, xiban chwe chi xmuluw nu c'u'x che we ulew ri', ri wech.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Ri Jeremiy 3:21

Quetataj rakoj tak chi'aj paquiwi' ri tol tak juyub: ¡E are' ri aj israelib, ri quebok'ic ri xukuje' caquitz'onoj tok'obisam wächaj! Xquijuluch'ij quib che ri colomalaj be xinsach pa qui jolom, ri Ajawaxel ri qui Dios.

Ri Jeremiy 3:9

Man c'o ta c'u k'atibal xurik che ri u banic, chi xuxok'olij ri ulew. Man jic taj xbin chnuwäch xebuk'ijilaj tak ri abaj xukuje' ri juwi' tak che'.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Ri Ezequiel 16:16

Xebacoj tak ri awatz'iak che qui woquic lic'om tak cäbal ri quek'ijilax wi ri diosib paquiwi' tak ri juyub, xatjoxon c'u cuc'.

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Osey 2:5

Ri qui nan xux quech ri nim ch'utin; xutzak ri u nimarisaxic u k'ij, aretak je xubij wa: ‘quinbe na che quitzucuxic tak ri wach ch'aben, ri queyo'w nu wa wuq'uia', ri rismal nu chij xukuje' ri nu sakloloj atz'iak lino, ri waseit xukuje' tak ri wuq'uia'.’

Ri Lucax 16:23

Ri k'inom c'o pa ri c'olbal que ri cäminakib, c'o pa c'axc'olil. Xca'yic, xril apan ri Abraham chi naj, xril apan ri Lazaro cho ri u c'u'x ri Abraham.

U Camulixic ri Pixab 12:2

Kas tz'akat qui sachisaxic qui wäch conojel tak ri c'olbal ri quequik'ijilaj wi diosib, ri tinimit ri quixbe che qui ch'äquic: pa tak ri juyub, paquiwi' ri alaj tak juyub xukuje' chquixe' tak ri che' ri k'eku'm qui xak.