Ri Jeremiy 27:22 - Quiché Bible

²² ‘Quec'am na bic pa Babilon, chila' c'u quecanaj wi na c'ä jampa' ri quinwaj queben c'am na ulok quebentzelej c'u pa we c'olbal ri'. In, ri Ajawaxel, quinjiquiba' u bixic.’ ”

Ri Jeremiy 27:22 ပူးပေါင်းရင်းမြစ်များ

Ucab Ajawinelab 25:13

Ri aj caldeyib xequimuch tak ri jastak ri e re k'an ch'ich' ri e c'o chupam ri rachoch Dios: ri rakan tak ja, ri e tiq'uilibal xukuje' ri nimalaj c'olbal ja', xquic'am c'u bic ronojel ri k'an ch'ich' pa Babilon,

Ucab Tzijobelil 36:21

rech catz'akat ri u bim ri Dios rumal ri Jeremiy, ri k'axal tzij. Jeri' ri ulew curik na ri ruxlanem; xuxlan c'ut ronojel ri k'ijol ri xbeytaj ri retzeletajic, c'ä xoc'ow na oxc'al lajuj junab.

Ri Esdras 1:11

Ri cajilabal ri jastak re k'an puak xukuje' re sak puak chi nimalaj conojel e job mil quiejeb sient (5,400). Ronojel wa' xuc'am bic ri Sesbasar xutzelej pa Jerusalen, aretak xuya' can ri Babilon xtzelej c'u bic e rachil ri ebesam ulok.

Ri Esdras 7:19

E are tak c'u ri chaconisan ri e jachom pa a k'ab che ri k'ijilanic chupam ri Rachoch ri a Dios, kas at chatjachow che ri u Dios ri Jerusalen.

E C'ambal tak Tzij 21:30

Chuwäch ri Ajawaxel man c'o ta no'j ri nim ta na u k'ij, mawi e c'oxomanic mawi e utzalaj tak chomanic.

Ri Jeremiy 20:5

Quebenjacha' na xukuje' pa qui k'ab ri c'ulel ri jastak ri pakapoj cajil, xukuje' conojel tak ri e quik'inomal tak ri ajawinelab re Juda, rech quec'am bic pa Babilon.

Ri Jeremiy 27:7

Conojel ri nimak tak tinimit quec'oji' na chuxe' ri u takanic ri are', ri u c'ojol, ri ri' u mam, c'ä copan c'u na ri k'ij aretak ri u nimak tak tinimit cac'oji' na chquixe' ri qui takanic nimak tak tinimit xukuje' tak ajawinelab ri e c'o tak qui cuinem.

Ri Jeremiy 29:10

Ri Ajawaxel cubij: ‘Aretak chetz'akat ri oxc'al lajuj (70) junab che ri Babilon, quinya' na ri to'banic chiwe ix quintz'akatisaj c'u na ri nu chi'nic chiwe ri sibalaj man c'o ta c'o wi chi quinban chiwe chi quixtzelej chupam we c'olbal ri'.

Ri Jeremiy 32:5

Ri Nabucodonosor cuc'am na bic ri Sedequiy pa Babilon, ri cacanaj wi na canok c'ä chnataj chi na chwe. Pune' quixch'ojin ri ix cuc' ri aj caldeyib, man utz ta quixel na. In, ri Ajawaxel, quinjiquiba' u bixic.’ ”

Ri Jeremiy 34:2

“In, ri Ajawaxel, ri u Dios ri Israel, catintako chi catbe ruc' ri Sedequiy, ajawinel re Juda: ‘Je' wa' cubij ri Ajawaxel: Quenbana' chi we tinimit ri' cak'ax pa u k'ab ri ajawinel aj Babilon, cut'ik c'u na k'ak' che.

Ri Jeremiy 34:3

Ri at man catcuin taj cawesaj awib pa u k'ab; catchap na catjach c'u na pa u k'ab, aretak c'u at c'amom chi bic chuwäch, catc'am bic pa Babilon.

Ri Jeremiy 34:5

Catcäm na pa jamaril, quebeporox na tak c'oc'al che ri a mukic, jas ri xeporox chque ri qui mukic tak ri e a mam ri xebajawin nabe chawäch, quecha' c'u na: ¡Ay, ajaw!, cok'ex c'u na la. In, ri Ajawaxel, quinjiquiba' u bixic quinya' c'u ri nu tzij.’ ”

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 9:2

Pa ri nabe junab re ri rajawinic, in, Daniel, cätajin quinsiq'uij ri u wuj ri Jeremiy k'axal tzij ri cutzijoj wi ri oxc'al lajuj junab ri coc'ow na rech cäpe ri u yojyobixic ri Jerusalen, jas ri xubij ri Ajawaxel che ri k'axal u tzij.