Ri Jeremiy 27:14 - Quiché Bible

¹⁴ Minimaj ri caquibij ri e k'axal tzij chiwe ri quequicoj i c'u'x chi man qui coj ta iwib chuxe' ri u takanic ri ajawinel re Babilon, rumal rech chi ri caquibij chiwe xa' banoj tzij.

Ri Jeremiy 27:14 ပူးပေါင်းရင်းမြစ်များ

Ri Jeremiy 14:14

Are c'u ri Ajawaxel xutzelej u bixic chwe: We je caquibij wa' ri e k'axal tzij pa ri nu bi', xa' cätajin caquiban banoj tzij. In man e nu takom ta bic, mawi nu yo'm ta jun takanic chque mawi ta ne e nu tzijobem. Xa' e u cawäch tak k'alajisanic, subunelalaj tak c'utwächinic, xak pa qui jolom e q'uiyinak wi. E are tak wa' ri quequiya' quibixic we e k'axal tak tzij ri'.

Ri Jeremiy 23:21

“In man xebentak ta bic tak we e k'axal tzij ri', mawi c'u ne xintzijon ta cuc', we winak ri' quexiq'uinic xebel bic xebetzijon pa ri nu bi'.

Ri Jeremiy 23:25

Ri in nu tom ri xquibij tak we e k'axal tak tzij, xquik'axaj banoj tzij pa ri nu bi', je c'u caquibij wa: xtzijon wuc' pa ichic'.

Ri Jeremiy 28:15

Xubij c'ut ri Jeremiy che ri Hananiy: “¡Chattatabenok, Hananiy! Ri Ajawaxel man at u takom taj, are c'u ri at cätajin caya' che we tinimit ri' jun u cawäch jiquiban c'uxaj.

Ri Jeremiy 37:19

¿Jawije' e c'o wi ri' ri e k'axal tzij ri xquijiquiba' u bixic chi ri ajawinel re Babilon man cuban ta na c'ax che la, mawi che ri ulew?

Ri Jeremiy 38:22

Conojel ri ixokib ri quecanaj chupam ri rachoch ri ajawinel re Juda quebesax na ulok quejach c'u na pa qui k'ab ri e qui nimal tak rajch'ojab ri ajawinel re Babilon, kas e are' c'ut caquibij na: ‘Ri sibalaj e utzalaj tak rachil ri ajawinel xecuin che u subic xquich'äc c'ut; xquiya' c'olbal chi xebik'taj ri rakan chupam ri xok'ol xquiya' c'u can ri uwo quij chuwäch.’ ”

Juyuwem 2:14

Ri e c'utwächinic ri xequiya' tak qui bixic tak ri e k'axal tak tzij ri e c'o awuc' chawe xa' e jujun itzelalaj tak subunic. Man xquiya' ta ri a mac chisak chawäch rech xq'extaj taj ri cataklebej, xequiya' qui bixic subunelalaj tak c'utwächinic chawe, xquiban c'u chawe chi quebacojo.

Ri Miquey 2:11

We c'o jachin jun cuban banoj tzij, cubij c'ut: “In quinya' u bixic u wa'l uva xukuje' tzam”, are' k'axal tzij wa' ri takal che we tinimit ri'.

Ri Zacariy 10:2

Ri qui tzij ri e diosib xa' e banoj tzij, ri quequil ri ch'obonelab xa e subunic. Ri caquiya' tak qui bixic chi quec'ulmatajic xa' e ichic' ri man c'o ta qui bel, xukuje' tak ri qui tzij ri quequiya' cu'bisabal c'uxaj xak e tetoj qui pam. Rumal ri' ri tinimit xak cätancaric jacha' ta ne jumulaj chij, curik c'ax u mac rech chi man c'o ta rajyuk'.

Ri Matey 7:15

“Chichajij iwib chquiwäch ri winak ri cäquijaluj quib chi e k'axal tak tzij. Ri e are quebul iwuc', je ta ne e chij, are c'u ri chquipam e tokinelab tak utiw.

Filipenses 3:2

Chichajij iwib chquiwäch ri winak ri e je ta ne tz'i'. Chichajij iwib chquiwäch ri cäquiban itzel tak chac, xukuje' ri cäcaj cäquik'at ri i cuerp, che u cojic iwetal re ri kopinic.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.