Ri Jeremiy 26:3 - Quiché Bible

³ Craj ne caquiya' qui xiquin chawe caquiya' ta c'u ne can ri itzel qui c'aslemal, ma ta c'u ne quinc'äjisaj chic qui wäch qui mac quech ri e itzel tak qui banoj, jacha' ri nu chomam ulok.

Ri Jeremiy 26:3 ပူးပေါင်းရင်းမြစ်များ

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Nabe Ajawinelab 21:29

“¿La awilom jas ri u mach'ic rib ri Acab u banom chnuwäch? Rumal c'u rech chi u mach'om rib chnuwäch, man quinc'am ta ulok ri etzelal paquiwi' ri rachalal joropa' k'ij cac'asi'c, xane' pa ri u c'aslemal ri u c'ojol.”

Ri Jeremiy 26:13

Chiwutzirisaj ri i c'aslemal xukuje' tak ri e i banoj, chixniman che ri Ajawaxel ri i Dios ri are' man quebutak ta c'u na ulok tak ri c'axc'ol ri e nu yo'm u bixic chiwe.

Ri Jeremiy 26:19

¿La xcämisax puch ri Miquey rumal ri Ezequiy xukuje' rumal ronojel ri tinimit Juda? Xane' ri xuban ri ajawinel, xuna' rib chuwäch ri Ajawaxel xtz'onon c'u che chi chutok'obisaj qui wäch. Man xutak ta c'u ulok ri Ajawaxel Dios ri nimalaj c'axc'ol ri u yo'm u bixic. ¿La quekekaj ta c'ut ri uj jun il ri sibalaj nim?”

Ri Jeremiy 36:3

Caraj ne coc pa qui jolom ri aj Juda conojel ri c'axc'ol ri quinchomaj u c'amic ulok paquiwi', caquiya' ta c'u canok ri itzel qui c'aslemal are c'u ri in quencuyu' ri quetzelal xukuje' tak ri e qui mac.”

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Ezequiel 12:3

Rumal ri' chasuc'umaj ri rajawaxic u c'amic bic che ri awelic bic pa jun tinimit chic, catz'inow ri k'ij xukuje' chquiwäch conojel, chatel bic pa ri a wachoch jät c'u pa jun c'olbal chic; craj ne caquich'ob quib chi e jun tinimit ri man e tal ta tzij.

Ri Ezequiel 18:21

“We c'u ri banal etzelal cuk'il rib cutanaba' c'u qui banic conojel ri macaj ri e u banom can nabe, quebutz'akatisaj c'ut qui banic conojel ri e nu pixab are c'u cuban ri colom xukuje' ri suc', kastzij cutakej c'aslemal man cäcäm taj.

Ri Osey 11:9

Man je ta quinban na jacha' ri u k'ak'anem ri woyowal: man quisachisaj ta chi na u wäch ri Eprain, in c'u Dios; man winak taj. In ri' ri Tastalic, ri in c'o pa a niq'uiajil, in man in petinak ta che u sachisaxic a wäch.”

Ri Joel 2:14

Craj ne cuchomaj chi man cuc'äjisaj taj i wäch ix, quebutak ta c'u ulok tewichibal piwi' c'äj xukuje' u wa'l uva chque tak ri e sipanic che ri Ajawaxel ri i Dios.

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.